|
箴言16：31「白发是荣耀ê冠冕，tī公义ê道上必定ē-tàng得tio̍h。」非常清楚说明了人生得胜ê目标，基督教ê价值tī-chia，咱人生ê一切，有上帝丰富ê预备，只要你具备信心，伸出信心ê手路接受丰盛ê神恩！
|
|
人ê希望得胜、成功是事实，可惜teh属灵ê道路顶koân，人tiāⁿ-tiāⁿ无愿意phah拚追求。约翰kā咱讲三条ē-sái行ê路：1）用信仰来追求。 2）用疼ê行为来完成ê人生。3） 把握永远ê性命价值！
|
|
相信每一个属上帝ê基督徒ê心中lóng有上帝ê籽，请注意，籽所khǹg ê环境（信仰生活ê自爱），是m̄是保管妥当？是m̄是有湿气？Kám有通风？籽是m̄是掖tī好土地？掖种了后puh-íⁿ成长ê照顾如何？lóng tio̍h tiāⁿ-tiāⁿ检测ê。
|
|
主耶稣基督既然已经召咱成做圣洁，理想ê存在，咱必须认清属他ê生活方式：1）Ài有仁慈宽宏ê心态 2）Hō͘基督ê平安tī咱ê心中作主 3）Hō͘基督ê道理充满心中 4）Hō͘家己ê生活成做荣耀上帝ê见证。若ē-tàng具备chit四点一定ē-tàng成做理想ê基督徒。
|
|
虽然俗话讲：入是粪埽，出mā是粪埽，但是基督徒用待罪之身进入基督ê恩典中，耶稣基督用他ê宝血kā咱ê罪洗清气，救赎咱，经过福音ê洗炼，出来ê应该是价值连城ê精金，bōe koh是粪埽！
|
|
信仰tī时代ê潮流中，不断会承接真chē ê挑战kap危机，基督徒tio̍h用智慧kap信心去克服，将信仰引入美好理想ê境界，tī急变ê社会中发挥信仰ê价值。
|
|
总讲一句，基督徒mài辜负上帝ê恩典，ài phah拚去追求koh-khah有意义ê人生，实践保罗教示咱ê功课。
|
|
基督徒必须ài谨慎来经营受托ê人生，tī咱事奉主ê生涯中，必须ài会记leh，一定若是主所喜乐ê！
|
|
人生ê现实比如船tī大海中，基督徒ài tī大船中（社会、世界中）发挥咱存在ê价值kap作用。
|
 有名无实2010.12.26
了解人生ê结局目标是胜利ê人生，只有充实、有内容chiah ē-tàng成就人生ê胜利。胜利ê人生ē-tàng荣显主名，hō͘主ê道大大兴旺（使徒行传十九：20），ē-tàng感动人（十九：18），ē-tàng去邪导正（十九：19）。
|
旷野ê路2010.12.19
基督徒ài体会人生，无可能永远生活tī舒适ê境况中，有时mā会听tio̍h上帝ài咱去行旷野之路，过旷野ê生活。Tùi腓利ê信心去学习听从主旨意ê生活内容，ē-tàng做到án-ne，tī旷野mā会开出结果，旷野就m̄是旷野啊。
|
|
：福音ê真理（基督、教会、信仰）无允准虚伪kap欺骗，了解基督徒奉献ê心态kap发出疼心ê信仰生活！
|
|
基督徒必须了解咱ê性命是出死入生ê性命，大石已经徙开，人已经出墓，但是你ê性命是m̄是iáu hông缚死？若手脚iáu缠布面iáu包巾，是无法度发挥性命ê价值！
|
|
Chit段圣经确实值得咱深思，「你往西罗亚池内底去洗」，是主耶稣向信伊ê人所讲ê话，今á日mā是仝款！咱ài用行动来成全主ê旨意。
|
|
「主ah！我ài看会tio̍h」，看bē-tio̍h是人生ê悲痛，不幸kap悲痛ê化解tī面对耶稣。会记得，tī你到面对耶稣ê路途中，有真chē障碍物，你必须ài有勇气克服，tòe tio̍h耶稣，荣耀上帝。「众人mā kā荣耀归hō͘上帝」，这是明眼人ê责任。
|
|
富足tī人生中是一件值得欢喜ê tāi-chì，普通人tiāⁿ-tiāⁿ用che来解释人ê成功，基督徒tī上帝面前ê富足mā是án-ne，希望咱tī上帝面前ê富足是有智慧、信心kap有疼心ê好行为，用che来解释基督徒ê信仰生活ê份量。
|
|
了解咱ê人生是受托ê人生（太25：14-30），善用咱有限ê智慧去成全伊。会记leh，咱人生ê工程必须经过验收（林前3：12-15）「Chit-ê世界kap伊siōng ê情欲lóng tio̍h hō͘伊过去，只有若行上帝旨意ê是永远常存」（约壹2：17）
|
|
藉tio̍h主耶稣对无花果树ê比喻，咱基督徒一定ài认清信仰生活ê价值tī toh位，teh重视外表ê现实社会中，基督徒ài成做名符其实，荣耀主名ê真实信徒。
|
|
基督徒必须ài了解，咱ê身分是koân价赎tńg ê，同时基督徒mā是生活tī现实ê社会中，灵巧kap纯朴ê智慧ài如何去撙节，mā是关连tio̍h教会成败ê因素。
|
|
用约拿ê思想来反省咱ê信仰，你ê人生ê动机beh如何去建立？人kám m̄是指向安稳平顺ê目的地mah？是m̄是为tio̍h你ê缘故chiah发生危机或者问题？Bē-tàng因为你ê缘故chiah致使上帝ê名受辱Ài谨慎。约拿ê缘故Hō͘大船发生危机。
|
新ê机会2010.10.10
总讲一句，tī人生ê旅途中，上帝不断ê赐机会hō͘人，面对机会，咱ê表现可能有m̄-tio̍h，但是失败ê时，ài有忧伤痛悔ê心灵，真诚悔改。因为上帝是无希望任何人灭亡--ê。（以西结十八：13）
|
|
家庭是见证上帝ê所在，别人tī lín-tau看见什么？咱ê厝tī人中间夸口什么？
|
刺中花2010.09.26
「刺中花」，提醒基督徒对信仰生活ê问题ê koh在认bat、自觉、忧患意识ê建立，kap背十架ê生活心态，lóng应该去思考--ê。尤其tī现实ê生活中，如何去表现信仰生活，tio̍h-ài有信仰ê智慧kap判断ê能力！
|
|
结论：1）认清家己现实ê人生状况。2）用koh-khah chē ê心思去看家己ê家庭。3）用上帝所赐予你ê智慧kap信仰去经营家己ê厝，hō͘你ê厝成做荣神益人ê所在！
|
|
活tī杂音真chē ê现代社会，基督徒ài注意听，谨慎去听上帝微细ê声音，好应付人生ê急需。撒母耳听了上帝kā伊hoah三pái了后，回答上帝讲：「请讲，仆人敬听。」
|
|
绝境逢生ê秘诀是：（一）tú-tio̍h先知。（二）听从上帝ê话。（三）信仰kap行动。（四）上帝无限ê应允，危机会得thang化解。
|
|
所罗门ê事实，thang做基督徒ê鉴戒，咱必须明白，智慧ê根源tī上帝，维持好kap上帝ê实在关系是持守智慧ê关键，bē-tàng半路断绝，必须ài继续，代代传承hō͘咱ê kiáⁿ孙。若hō͘上帝弃绝，这tio̍h是人siōng大ê失败。
|
|
「家家有本难念ê经」,尤其是老大人，m̄-koh「无愧ê一生」是每一个人必须phah拚去经营--ê。Tī急变ê现代社会，老人一定bē-tàng被叫做“老贼”，咱ài发挥老人ê特质，自重自爱，积极主动，tī夕阳无限好ê过程中，无一定是凡事顺心，但是咱ài hō͘伊成做「无愧ê一生」。
|
|
用以色列人当时ê状况，来反省今á日咱ê教会，尤其咱弱小ê教会，koh-khah需要chit种无分彼此ê心态，以仝步调，同心合意ê心来面对，参与咱ê教会生活，自然是得胜！
|
一皮袋水2010.08.08
认bat人生ê一皮袋水，不时了解你人生所chah ê水，phah开心灵之眼，看出救恩ê泉源，kap人生皮袋ê水té hō͘伊满！Ài会记leh！亚伯拉罕ê上帝是引chhōa、看顾伊ê子民ê上帝！tī绝境去体会、领受恩典ê主！
|
人亏神补2010.08.01
确立你正确ê人生观，学习亚伯拉罕ê品德kap信仰ê风度，努力完成tī任何人生过程中，就会领受主悦纳ê生活。
|
|
基督徒ài认bat清楚咱生活ê性格－肉体现实、心灵永远，同时tī现实中ài看透你生活中ê一切，chiah善用主所hō͘你ê智慧来发挥你人生ê内容，克服你ê人生危机！
|
|
衷心期待读者用心读chit本讲道集，hō͘上帝ê话语常常tī咱心中，作咱脚前ê灯、路上ê光来引chhōa照亮，过「受恩蒙福ê一生」来归荣耀hō͘咱tī天顶ê父。
|
|
期待读者透过林牧师ê信仰历程kap长期不断ê服事，听tio̍h上帝tī今á日beh赐hō͘咱ê智慧、安慰kap鼓励。
|
|
回顾七十gōa年来行过ê道路，任何时刻阮lóng不断体会tio̍h上主恩典kap赐福满满，愿阮ē-tàng珍惜上主所赐hō͘阮ê时刻，好好利用阮人生晚境来报答主ê恩典kap赐福，是阮目前所努力ê生活内容。
|
