《受恩蒙福的一生》

 | | | 转寄

《受恩蒙福的一生》 编者序

作者 编辑小组 2010.07.18

2000年6月木栅教会编辑小组整理出版林宗要牧师第一本讲道集《草地囝á做牧师》，今年2005年tú好是木栅教会设教三十周年，mā是林牧师ùi长老会退休了后牧养本会第二十年，阮用感恩ê心决定koh再出版续集《受恩蒙福ê一生》，收录三十二篇林牧师过去tī教会ê主日讲章，ǹg望读者藉tio̍h阅读chiah-ê讲章，ē-tàng体会一位上帝忠心ê仆人用伊一生ê生命teh诠释圣经ê真理、传扬福音kap「谆谆教诲」信徒将信仰生活化ê心意。

林牧师ê讲稿是一字一字用汉文手写ê台语版，其中常见白话字（罗马拼音），mā出现真chē日文kap一kóa英文，编辑同工tī整理林牧师ê讲稿ê时，除了必须先清楚chiah-ê罗马字kap日文、英文以外，iáu tio̍h作ê决定是：阮beh完全用现代中文来改写或保留伊台语ê原味？tī一开始，阮就决定尽量保留台语，kan-ta看《草地囝仔做牧师》ê册名，就ē-tàng了解chit本讲道集是beh以台语来念ê，整理第二本讲道集ê时，阮á是照chit种ê原则，邀请多位学青kap社青来分担整理ê工作，对in来讲，是操练、是教育、是对教会事务ê参与，koh-khah重要ê是，当每人koh一pái去读去写，koh-khah深入去思考chiah-ê讲章ê内容ê时，生命mā koh一pái得tio̍h造就kap成长。

衷心期待读者用心读chit本讲道集，hō͘上帝ê话语常常tī咱心中，作咱脚前ê灯、路上ê光来引chhōa照亮，过「受恩蒙福ê一生」来归荣耀hō͘咱tī天顶ê父。

编辑小组 2005年8月