《现代台语新约圣经 读经日记》

 | | | 转寄

读经笔记13 Be̍k-ki-sé-tek那有啥物pan-chhù？　

作者 李南衡 2014.03.30

读经版本：罗马字版《现代台语译本新约圣经》，2007，台北：台湾圣经公会

进　　度：希伯来书第五章

第6节：Tī pa̍t-ūi I mā ū kóng：Lí chiàu Be̍k-ki-sé-tek ê pan-chhù éng-oán chò chè-si.

第10节：hō͘ Siōng-tè chí-tēng I chiàu Be̍k-ki-sé-tek ê pan-chhù choh Tōa-chè-si.

第6节，《巴克礼》：「Tī别位亦讲， 你永远做祭司， 照Be̍k-ki-sé-tek ê班列。」

《红皮》：「另外一所在伊也有讲：『你会照麦基洗德ê顺列， 永远做祭司。』」 《现代中文》：「他又在另一处说：你要依照麦基洗德一系，永远作祭司。」《和合本》：「就如经上又有一处说：『你是照着麦基洗德的等次永远为祭司。』」《BBE》：“As he says in another place, Yo͘ are a priest for ever after the order of Melchizedek.”老实讲拢讲了无够清楚。看日文《圣书》：「あなたこそ永远に、メルキゼデクと同じような祭司である。」（干单你亲像Be̍k-ki-sé-tek按呢永远做祭司。）

第10节，《巴克礼》：「hō͘上帝chheng伊做祭司头，照Be̍k-ki-sé-tek ê班列。」，《红皮》：「上主也任命伊做麦基洗德ê顺列中ê祭司长。」《现代中文》：「上帝宣布他依照麦基洗德一系作大祭司。」《和合本》：「并蒙　神照着麦基洗德的等次称他为大祭司。」《BBE》:“Being named by God a high priest of the order of Melchizedek.”日文《圣书》：「神からメルキゼデクと同じような祭司と呼ばれたのです。（神指定他照Be̍k-ki-sé-tek按呢作大祭司）」有够清楚。

　　咱看《希伯来书》第七章第1节至第3节（我用《全民新约圣经》版本（注1，以下简称《全民》）：「Chit-ê麦基洗德是Sâ-lém王，mā是至高上主ê祭司。亚伯拉罕thâi赢列王tńg来ê时，麦基洗德有去kā伊迎接koh kā伊祝福。亚伯拉罕有将一切所得tio̍h ê十分之一hō͘ 伊。(麦基洗德chit-ê名ê意思是「正义ê王」，伊koh是Sâ-lém王，chit-ê名mā有「平安王」ê意思。) 无麦基洗德ê族谱thang知伊ê父母是甚么人，mā无出世kah死亡ê记载。伊kah上主ê Kiáⁿ仝款，久长teh做祭司。」Koh看《希伯来书》第七章第15节至16节：「Taⁿ我teh讲ê tāi-chì koh-khah明显，因为另外一位亲像麦基洗德ê祭司已经出现。Chit位祭司m̄是根据人ê规则á是条例来设立，是照bē毁坏ê活命ê权能。」

　　Be̍k-ki-sé-tek会使讲是「前无古人」，但是「后有来者」，就是耶稣基督。咱那会讲：「那亲像Be̍k-ki-sé-tek按呢永远做祭司。」咧？因为耶稣基督kah Be̍k-ki-sé-tek真亲像。第一，in两位拢m̄是属伫做祭司的利未支族，却拢是大祭司。第七章第6节：「麦基洗德m̄是属利未ê世系，」第11节：「以色列人ê律法，是根据利未族ê祭司制度颁布。」第13节：「因为chiah-ê tāi-chì所指Hit位，是属tī别ê支族，in m̄-bat有人tī祭坛前服事。」所指Hit位就是耶稣基督。第14节：「咱ê主明明是犹大支族ê kiáⁿ孙，关系chit-ê支族，摩西m̄-bat提起祭司ê职份。 」第二，in两位拢犹活teh。第3节讲Be̍k-ki-sé-tek：「无出世kah死亡ê记载。」精差耶稣基督死了三工koh活。

　　所以，第6节若译作：「伫别位他mā有讲：干单你亲像Be̍k-ki-sé-tek按呢永远作大祭司。」第10节若译作:「上帝指定他照Be̍k-ki-sé-tek按呢作大祭司。」敢m̄是khah清楚？


注1：《全民新约圣经》是林俊育长老总策画，得tio̍h骆维仁牧师、萧清芬牧师、 郭德列牧师、陈清俊长老、林鸿敏先生以及济济人kā斗相仝，希望新译的 chit本新约圣经，是现代台湾人『人人读有的』台语圣经，所以号作《全 　　民》，预定明年(2014)出版，有「白话字版」、「汉罗版」、「盲人版」 等，以上经文我是ùi「汉罗版」抄录的。