《押韻啟應詩篇》

 | | | 轉寄

台語押韻啟應詩篇 87

作者 Tīⁿ Jî-gio̍k 2007.10.07

87　　Khó-la̍h ê hō͘-è ê si-koa .

1.　I ê tōe-ki khǹg tī sèng-soaⁿ.
　　祂的 地 基 置 在 聖 山。
　　　　I TĪ SÈNG-SOAⁿ.
　　　　祂 在 聖 山。

2a　Iâ-hô-hoa thiàⁿ Sek-an ê mn̂g-bâi,
　　耶 和 華 愛 錫 安 的 門 楣，

2b　　　Iâⁿ-kè Ngá-kok lóng-chóng khiā-khí ê só͘-chāi.
　　　　贏 過 雅 各 攏 總 居 起 的 所 在。

3a　Siōng-tè ê siâⁿ ah ,
　　上 帝 的 城 啊，

3b　　　Ū êng-kng ê sū , sī chí Lí lâi kóng--ê lah.
　　　　有 榮 光 的 事，是 指 你 來 講 的 啦。

4a　Góa beh sǹg La̍h-hap-pek kap Pa-pí-lûn, tī bat Góa--ê ê lāi-bīn;
　　我 要 算 拉 哈 伯 及 巴 比 倫，在 識 我 者 的 內 面；

4b　　　Khòaⁿ ah, Hui-lī-sū , Chhui-lô , Kó͘-si̍t ,
　　　　看 啊，非 利 士，推 羅，古 實，
　　　　chiah-ê chhut-sì tī hit lāi-bīn.
　　　　諸 些 出 世 在 彼 內 面。

5a　Lūn-kàu Sek-an beh kóng, chit-ê chhut-sì tī hit tiong-kan;
　　論 到 錫 安 要 講 ， 此 個 出 世 在 彼 中 間；

5b　　　Koh Chì-koân--ê beh chhin-sin kian-kò͘ i pêng-an.
　　　　復 至 高 者 要 親 身 堅 固 她 平 安。

6a　Tng Iâ-hô-hoa kì bān peh-sìⁿ siàu-gia̍h ê sî ,
　　當 耶 和 華 記 萬 百 姓 數 額 的 時，

6b　　 I beh sǹg chit-ê tī hia chhut-sì .　　
　　　　祂 要 算 此 個 在 彼 出 世。

7a　Chhiùⁿ-koa--ê , thiàu-bú--ê , lóng beh kóng,
　　唱 歌 的，跳 舞 的，攏 要 講，

7b　　　Góa ê chúi-goân lóng chāi-tī Lí só͘-chhut ê pho-lōng.
　　　　我 的 水 源 攏 在 於 你 所 出 的 波 浪。