《押韻啟應詩篇》

 | | | 轉寄

台語押韻啟應詩篇 84

作者 Tīⁿ Jî-gio̍k 2007.09.16

84　　Khó-la̍h ê hō͘-è ê si; kau hō͘ Ga̍k-koaⁿ; ēng Ka-te̍k ê ga̍k-khì.

1a　Bān-kun ê Iâ-hô-hoa ah ,
　　萬 軍 的 耶 和 華 啊，

1b　　　Lí khiā-khí ê só͘-chāi, cháiⁿ-iūⁿ hiah thang ì- ài lah ?
　　　　你 居 起 的 所 在， 怎 樣 許 通 意愛 啦？

2a　Góa ê sim-sîn loân-bō͘ Iâ-hô-hoa ê tiān-īⁿ kàu hūn--khì;
　　我 的 心 神 戀 慕 耶 和 華 的 殿 院 到 昏 去；

2b　　　Góa ê sim-tn̂g, góa ê jio̍k-thé sù-ki ,
　　　　我 的 心 腸，我 的 肉 體 四 肢，
　　　　ǹg oa̍h ê Siōng-tè kiû-kiò Lí .
　　　　向 活 的 上 帝 求 叫 你。

3a　Bān-kun ê Iâ-hô-hoa, góa ê Ông, góa ê Siōng-tè ,
　　萬 軍 的 耶 和 華， 我 的 王 ， 我 的 上 帝，

3b　　　Chhek-chiáu-á ūi-tio̍h ka-kī chhē-tio̍h chi̍t-ê chhù-thé.
　　　　雀 鳥 仔 為 著 自 己 尋 著 一 個 厝 宅。

3c　Ìⁿ- á ūi-tio̍h ka-kī chhē-tio̍h pū kiáⁿ ê siū ;
　　燕仔 為 著 自 己 尋 著 孵 子 的 巢；

3d　　　Chiū-sī tī Lí hiah--ê chè-tôaⁿ ê bóe-liu.
　　　　就 是 在 你 那 些 祭 壇 的 尾 遛。

4a　Khiā-khí tī Lí ê chhù--ê hit-hō lâng ū hok-khì;
　　居 起 在 你 的 厝 的 彼 號 人 有 福 氣；

4b　　　In beh ti̍t-ti̍t o -ló Lí .
　　　　伊 要 直 直 讚 美 你。

5a　I ê la̍t chāi tī Lí , in ê sim ì-hiòng Sek-an ê tōa-lō͘ kun-ki,
　　伊的力 在 於 你，伊 的 心 意向 錫 安 的 大 路 根 基，

5b　　　Hit hō lâng ū hok-khì.
　　　　彼 號 人 有 福 氣。

6a　In keng-kè lâu ba̍k-sái ê soaⁿ-kok khoe-hōaⁿ,
　　伊 經 過 流 目 屎 的 山 谷 溪 岸，
　　hō͘ i pìⁿ chòe chúi-chôaⁿ,
　　使 它 變 做 水 泉，

6b　　　Koh ū chhiu-thiⁿ ê hō͘ ê hok-khì kā i khàm-móa.
　　　　又 有 秋 天 的 雨 的 福 氣 將 它 蓋 滿。

7a　In ná-kiâⁿ, khùi-la̍t ná ke-thiⁿ chē-chē,
　　伊 愈 行， 氣 力 愈 加 添 多 多，

7b　　　Ta̍k-lâng kàu Sek-an tiâu-kìⁿ Siōng-tè .
　　　　逐 人 到 錫 安 朝 見 上 帝。

8a　Bān-kun ê Siōng-tè Iâ-hô-hoa ah ,
　　萬 軍 的 上 帝 耶 和 華 啊，

8b　　　Kiû Lí thiaⁿ góa ê kî- tó ê siaⁿ,
　　　　求 你 聽 我 的 祈 禱 的 聲，

8c　Ngá-kok ê Siōng-tè ah ,
　　雅 各 的 上 帝 啊，

8d　　　Kiû Lí àⁿ hī-khang lâi thiaⁿ.
　　　　求 你 俯 耳 孔 來 聽。

9a　Chòe goán ê tîn-pâi ê Siōng-tè ah , Lí tio̍h khòaⁿ;
　　做 阮 的 盾 牌 的 上 帝 啊，你 著 看 ；

9b　　　Khòaⁿ Lí siū boah-iû--ê ê bīn cháiⁿ-iūⁿ hó khòaⁿ.
　　　　看 你 受 抹 油 者 的 面 怎 樣 好 看。

10a　Tī Lí ê tiān-īⁿ tòa chi̍t-ji̍t ,
　　　在 你 的 殿 院 住 一 日，

10b　　　Khah hó chi̍t-chheng ji̍t ;
　　　　　較 好 一 千 日；

10c　Lêng-khó͘ tī góa ê Siōng-tè ê chhù kò͘-mn̂g,
　　　寧 可 在 我 的 上 帝 的 厝 顧 門，

10d　　　Khah hó tiàm-tī pháiⁿ-lâng ê pò͘-pîⁿ tit êng-kng.
　　　　　較 好 站 在 歹 人 的 布 棚 得 榮 光。

11a　In -ūi Iâ-hô-hoa Siōng-tè sī ji̍t-thâu, sī tîn-pâi;
　　　因 為 耶 和 華 上 帝 是 日 頭， 是 盾 牌；

11b　　　Iâ-hô-hoa siúⁿ-sù un-hūi kap êng-kng lâi koan-ài ,
　　　　　耶 和 華 賞 賜 恩 惠 及 榮 光 來 關 愛，

11c　 I bē bat lâu hó-mi̍h chi̍t-hāng,
　　　祂 未 曾 留 好 物 一 項 ，

11d　　　Bô hō͘ hiah-ê kiâⁿ chèng-ti̍t ê lâng.
　　　　　無 給 那 些 行 正 直 的 人。

12a　Bān-kun ê Iâ-hô-hoa ah ,
　　　萬 軍 的 耶 和 華 啊，

12b　　　Óa-khò Lí ê lâng ū hok-khì lah.
　　　　　倚 靠 你 的 人 有 福 氣 啦。