《押韻啟應詩篇》

 | | | 轉寄

台語押韻啟應詩篇 71

作者 Tīⁿ Jî-gio̍k 2007.06.03

71

1a　Iâ-hô-hoa ah , góa óa-khò Lí ê êng-iāu.
　　耶 和 華 啊， 我 倚 靠 你 的 榮 耀。

1b　　　Kiû Lí hō͘ góa éng-éng bô kiàn-siàu.
　　　　求 你 使 我 永 永 無 見 誚。

2a　Chiàu Lí ê kong-gī chín-kiù góa, hō͘ góa thoat-lī ;
　　照 你 的 公 義 拯 救 我，使 我 脫 離；

2b　　　Àⁿ hīⁿ-khang thiaⁿ góa, lâi kiù góa bián sí .
　　　　俯 耳 孔 聽 我， 來 救 我 免 死。

3a　Kiû Lí chòe góa thang khiā-khí ê chio̍h-pôaⁿ,
　　求 你 做 我 通 居 起 的 石 磐，

3b　　　Hō͘ góa siông-siông khì tiàm hia;
　　　　使 我 常 常 去 住 彼；

3c　　Lí í -keng bēng-lēng beh kiù góa.
　　你 已 經 命 令 要 救 我。

3d　　　In-ūi Lí sī góa ê soaⁿ-giâm, góa ê soaⁿ-chē, thang hō͘ góa khiā.
　　　　因為 你 是 我 的 山 巖， 我 的 山 寨，通 使 我 居。

4a　Góa ê Siōng-tè ah , kiû Lí kiù góa thoat-lī pháiⁿ-lâng ê chhiú,
　　我 的 上 帝 啊，求 你 救 我 脫 離 歹 人 的 手，

4b　　　Thoat-lī put-gī kap chân-jím ê lâng ê chhiú.
　　　　脫 離 不 義 與 殘 忍 的 人 的 手。

5a　In-ūi , Chú Iâ-hô-hoa, Lí sī góa só͘ ǹg-bāng--ê ;
　　因 為，主 耶 和 華，你 是 我 所 盼 望 的；

5b　　　Tùi góa siàu-liân ê sî , Lí sī góa só͘ óa-khò--ê .
　　　　從 我 少 年 的 時，你 是 我 所 倚 靠 的。

6a　Góa tùi thai--ni̍h hō͘ Lí hû-chhî,
　　我 從 胎 裡 讓 你 扶 持，
　　hō͘ góa chhut lāu-bú ê pak-tó͘--ê , sī Lí ;
　　讓 我 出 老 母 的 腹 肚 的，是 你；

6b　　　Góa beh siông-siông o -ló Lí .
　　　　我 要 常 常 讚 美 你。

7a　Chōe-chōe lâng lia̍h góa chòe kî-koài ê chûn-chāi,
　　多 多 人 拿 我 做 奇 怪 的 存 在，

7b　　　Chóng-sī Lí sī góa kian-kò͘ tô-siám ê só͘-chāi.
　　　　總 是 你 是 我 堅 固 逃 閃 的 所 在。

8a　Góa móa-chhùi beh o -ló Lí ,
　　我 滿 嘴 要 讚 美 你，

8b　　　Thong-ji̍t beh êng-kng Lí .
　　　　通 日 要 榮 光 你。

9a　Góa nî-lāu ê sî , kiû Lí m̄-thang pàng-sak góa;
　　我 年 老 的 時，求 你 不 通 放 捨 我；

9b　　　Góa khùi-la̍t soe-lám ê sî , kiû Lí m̄-thang lī-khui góa.
　　　　我 氣 力 衰 弱 的 時，求 你 不 通 離 開 我。

10a　In-ūi góa ê tùi-te̍k, gī-lūn góa tiòng-siong,
　　　因 為 我 的 對 敵， 議 論 我 中 傷，

10b　　　Hiah-ê tng-tán beh hāi góa ê sìⁿ-miā--ê , saⁿ-kap chham-siông, 　　 　　　那 些 當 等 要 害 我 的 性 命 的，相 與 參 詳，

11a　Kóng, “ Siōng-tè í -keng pàng-sak i ;
　　　講 ： 「上 帝 已 經 放 捨 他；

11b　　　Taⁿ tio̍h tui-kóaⁿ i , lia̍h i ; in-ūi lâng bô kiù i . “
　　　　　今 著 追 趕 他，抓 他；因 為 人 無 救 他。」

12a　Siōng-tè ah , kiû Lí m̄-thang lī-khui góa hn̄g-hn̄g;
　　　上 帝 啊，求 你 不 通 離 開 我 遠 遠；

12b　　　Góa ê Siōng-tè ah ,
　　　　　我 的 上 帝 啊，
　　　　kiû Lí kín-kín lâi pang-chān góa bô iân-tn̂g.
　　　　　求 你 緊 緊 來 幫 助 我 無 延 長。

13a　Goān hiah-ê chòe góa sìⁿ-miā ê tùi-te̍k--ê , siū kiàn-siàu bia̍t-bô ;
　　　願 那 些 作 我 性 命 的 對 敵 的, 受 見 誚 滅 亡；

13b　　　Goān hiah-ê kè-bô͘ hāi góa--ê , siū lêng-jio̍k làu-khùi cháu bô .
　　　　　願 那 些 計 謀 害 我 的，受 凌 辱 漏 氣 走 無。

14a　Chóng-sī góa beh siông-siông ǹg-bāng,
　　　總 是 我 要 常 常 盼 望，

14b　　　Góa beh ná-kú ná o -ló Lí ê thiàⁿ-thàng.
　　　　　我 要 愈 久 愈 讚 美 你 的 愛 疼。

15a　Lí ê kong-gī , í -ki̍p Lí ê chín-kiù sǹg-bōe-liáu,
　　　你 的 公 義，以 及 你 的 拯 救 算 未 了，

15b　　　Góa ê chhùi thong-ji̍t beh kóng-khí lâi siàu.
　　　　　我 的 嘴 通 日 要 講 起 來 數。

16a　Góa beh lâi kóng Chú Iâ-hô-hoa tōa koân-lêng ê sū ;
　　　我 要 來 講 主 耶 和 華 大 權 能 的 事；

16b　　　Góa toaⁿ-toaⁿ beh kóng-khí Lí ê gī tōa jîn-chû.
　　　　　我 單 單 要 講 起 你 的 義 大 仁 慈。

17a　Siōng-tè ah , tùi góa siàu-liân ê sî Lí ū kà-sī góa;
　　　上 帝 啊， 對 我 少 年 的 時 你 有 教 示 我；

17b　　　Kàu hiān-kim góa bat pò-iông Lí kî-biāu ê só͘-chòe bô soah.
　　　　　到 現 今 我 曾 報 揚 你 奇 妙 的 所 做 無 息。

18a　Siōng-tè ah , góa kàu nî-lāu ; thâu-mn̂g-pe̍h ê sî ,
　　　上 帝 啊，我 到 年 老； 頭 毛 白 的 時，

18b　　　Kiû Lí m̄-thang kā góa pàng-lī .
　　　　　求 你 不 通 將 我 放 離。

18c　Thèng-hāu góa chiong Lí ê khùi-la̍t tùi ē -tāi chí-sī ,
　　　等 候 我 將 你 的 氣 力 對 下 代 指 示，

18d　　　Chiong Lí ê tōa koân-lêng,
　　　　　將 你 的 大 權 能，
　　　　lâi thoân hō͘ it-chhè chiong-lâi ê lâng chòe tō -lí .
　　　　　來 傳 給 一 切 將 來 的 人 做 道 理。

19a　Siōng-tè ah , Lí ê gī chin koân bô pí ,
　　　上 帝 啊，你 的 義 真 高 無 比，

19b　　　Siáⁿ-lâng ōe chhin- chhiūⁿ Lí ?
　　　　　誰 人 會 親 像 你？

SIŌNG-TÈ AH, LÍ BAT KIÂⁿ TŌA Ê SŪ HIÁⁿ-BÊNG KA-KĪ .
上 帝 啊，你 曾 行 大 的 事 顯 明 自 己。

20a　Lí sī hō͘ goán le̍k-kè chōe-chōe tōa hoān-lān--ê ;
　　　你 是 使 阮 歷 過 多 多 大 患 難 的；

20b　　　Chóng-sī Lí sī beh hō͘ goán koh-chài oa̍h--ê ,
　　　　　總 是 你 是 要 使 阮 又 再 活 的，

IĀ BEH KIÙ GÓAⁿ TÙI CHHIM-IAⁿ KHÍ-LÂI TA-TĒ--Ê .
也 要 救 阮 從 深 淵 起 來 乾 地 的。

21a　Kiû Lí hō͘ góa ná koân-tōa,
　　　求 你 使 我 愈 高 大，

21b　　　Koh tò -tńg an -ùi góa.
　　　　　又 倒 轉 安 慰 我。

22a　Góa ê Siōng-tè ah , góa beh tôaⁿ-sek o -ló Lí ,
　　　我 的 上 帝 啊，我 要 彈 瑟 讚 美 你，

22b　　　O -ló Lí ê chin-si̍t bô pí .
　　　　　讚 美 你 的 真 實 無 比。


22c　Í -sek-lia̍t ê Siōng-tè ah ,
　　　以色 列 的 上 帝 啊，

22d　　　Góa beh tôaⁿ-khîm o -ló Lí .
　　　　　我 要 彈 琴 讚 美 你。

23a　Góa chhiùⁿ-koa o -ló Lí ê sî-chūn,
　　　我 唱 歌 讚 美 你 的 時 陣，

23b　　　Góa ê chhùi-tûn, í -ki̍p Lí só͘ kiù-sio̍k góa ê lêng-hûn,
　　　　　我 的 嘴 唇，以 及 你 所 救 贖 我 的 靈 魂，

BEH CHHUT-SIAⁿ HOAⁿ-HÍ KÀU ŌE CHÙⁿ.
要 出 聲 歡 喜 到 會 顫。

24a　Koh góa ê chi̍h kui-ji̍t beh káng-lūn Lí ê gī ,
　　　又 我 的 舌 歸 日 要 講 論 你 的 義，

24b　　　In -ūi hiah-ê kè-bô͘ hāi góa ê lâng í-keng soe-bî ,
　　　　　因 為 那 些 計 謀 害 我 的 人 已 經 衰 微，
　　　　siū lêng-jio̍k cháu--khì.
　　　　　受 凌 辱 走 去。