《押韻啟應詩篇》

 | | | 轉寄

台語押韻啟應詩篇 59

作者 Tīⁿ Jî-gio̍k 2007.02.25

59　　Sò-lô chhe lâng khì bâi-ho̍k Tāi-pi̍t ê chhù, beh thâi-i; hit-sî Tāi-pi̍t chòe chit-ê
　　　　　kim ê si; kau hō͘ Ga̍k-koaⁿ; tiāu, ēng “Bo̍h-tit húi-hoāi.”

1a　Góa ê Siōng-tè ah, kiû Lí kiù góa thoat-lī tùi-te̍k, kā góa tháu-pàng,
　　我 的 上 帝 啊, 求 你 救 我 脫 離 對 敵，將 我 釋 放，

1b　　　An-tì góa tī koân ê ba̍t-pâng,
　　　　安 置 我 在 高 的 密 房，
　　　　Ti̍t-tio̍h thoat-lī hiah-ê khí-lâi kong-kek góa ê lâng.
　　　　得 著 脫 離 那 些 起 來 攻 擊 我 的 人。

2a　Kiû Lí kiù góa thoat-lī chòe-pháiⁿ ê lâng,
　　求 你 救 我 脫 離 做 歹 的 人，

2b　　　Koh kiù góa thoat-lī ài thâi-sí lâng ê lâng.
　　　　又 救 我 脫 離 要 殺 死 人 的 人。

3a　In -ūi in bâi-ho̍k beh hāi góa ê sìⁿ-miā bô soah;
　　因 為 伊 埋 伏 欲 害 我 的 性 命 無 息；

3b　　　Ū béng-lâng chū-chi̍p lâi kong-kek góa;
　　　　有 猛 人 聚 集 來 攻 擊 我；

3c　Iâ-hô-hoa ah , che m̄-sī in-ūi góa ê kè-sit ê in-toaⁿ,
　　耶 和 華 啊，這 不 是 因 為 我 的 過 失 的 因 端，

3d　　　Ia̍h m̄ -sī in-ūi góa ê chōe-kòa.
　　　　亦 不 是 因 為 我 的 罪 過。

4a　Góa sui-jiân bô kè-sit chōe-kòa, in cháu--lâi pī-pān beh hāi góa;
　　我 雖 然 無 過 失 罪 過，伊 走 來 備 辦 欲 害 我；

4b　　　Kiû Lí cheng-sîn khí-lâi lâi kàm-chhat, pang-chān góa.
　　　　求 你 精 神 起 來 來 鑒 察， 幫 助 我。

5a　Bān-kun ê Iâ-hô-hoa Siōng-tè ,
　　萬 軍 的 耶 和 華 上 帝，

5b　　　Chiū-sī Í- sek-lia̍t ê Siōng-tè ,
　　　　就 是 以 色 列 的 上 帝，

5c　Kiû Lí khí--lâi , pān-lí bān-kok;
　　求 你 起 來， 辦 理 萬 國；

5d　　　M̄-thang lîn-bín pháiⁿ-lâng teh kiâⁿ kan-ok.
　　　　不 通 憐 憫 歹 人 在 行 奸 惡。

6a　In ê -hng-sî tò--lâi , âu-kiò chhin-chhiūⁿ káu;
　　伊 暝 昏 時 返 來，喉 叫 親 像 狗；

6b　　　Tī siâⁿ--ni̍h sì-kòe kiâⁿ teh háu.
　　　　在 城 裡 四 界 行 在 嚎。

7a　In ê chhùi thò͘-chhut pháiⁿ-ōe ,
　　伊 的 嘴 吐 出 歹 話，

7b　　　In ê chhùi-tûn ū to beh poe̍h;
　　　　伊 的 嘴 唇 有 刀 將 拔；
　　　　In-ūi in kóng, siáⁿ-lâng thiaⁿ-kìⁿ in ê ōe ?
　　　　因 為 伊 講 ， 甚 人 聽 見 伊 的 話？

8a　Nā-sī Lí Iâ-hô-hoa beh chhiò in lóng-chóng,
　　若 是 你 耶 和 華 要 笑 伊 攏 總 ，

8b　　　Lí beh léng-chhiò lia̍t-pang ê gû-gōng.
　　　　你 要 冷 笑 列 邦 的 愚 戇。

9a　Góa ê khùi-la̍t ah , góa beh ǹg-bāng Lí ; 　　
我 的 氣 力 啊，我 要 盼 望 你；

9b　　　In-ūi Siōng-tè sī góa ê koân-tâi thâu-kî .
　　　　因 為 上 帝 是 我 的 高 台 柱 旗。

10a　Góa ê Siōng-tè beh ēng chû-ài ngiâ-chih góa, hō͘ góa an-lêng,
　　　我 的 上 帝 將 用 慈 愛 迎 接 我，使 我 安 寧，

10b　　　Siōng-tè beh hō͘ góa khòaⁿ-kìⁿ góa ê tùi-te̍k siū pò -èng.
　　　　　上 帝 將 使 我 看 見 我 的 對 敵 受 報 應。

11a　Bo̍h-tit châu-bia̍t in ,
　　　莫 得 剿 滅 伊，

11b　　　Kiaⁿ-liáu góa ê peh-sìⁿ bōe-kì-tit in,
　　　　　驚 了 我 的 百 姓 不 記 得 伊，

11c　Chú ah, Lí sī goán ê tîn-pâi,
　　　主 啊，你 是 阮 的 盾 牌，

11d　　　Kiû Lí ēng Lí ê khùi-la̍t an-pâi, hō͘ in sì-sòaⁿ tī sè-kài,
　　　　　求 你 用 你 的 氣 力 安 排，使 伊 四 散 在 世 界，
　　　　koh kàng-kē in hō͘ lâng m̄-chai.
　　　　　又 降 低 伊 使 人 不 知。

12a　In -ūi in chhùi ê chōe-kòa kap chhùi-tûn ê ōe ,
　　　因 為 伊 嘴 的 罪 過 及 嘴 唇 的 話，
　　Í- ki̍p in só͘ kóng ê chiù-mē kap pe̍h-chha̍t ê ōe ,
　　　以 及 伊 所 講 的 咒 罵 及 白 賊 的 話，

12b　　　Goān in tī kiau-ngō͘ ê tiong-kan siū lia̍h--tio̍h lâi soe.
　　　　　願 伊 在 驕 傲 的 中 間 受 掠 著 來 衰。

13a　Kiû Lí siū-khì châu-bia̍t in , châu-bia̍t in ,
　　　求 你 受 氣 剿 滅 伊， 剿 滅 伊，

13b　　　Kàu lóng it -chīn;
　　　　　到 攏 一 盡；

13c　Hō͘ in chai Siōng-tè teh chiáng-koân Ngá-kok,
　　　使 伊 知 上 帝 在 掌 權 雅 各，

13d　　　Kàu tī tōe-ke̍k ê ta̍k-kok.
　　　　　到 在 地 極 的 逐 國。

14a　In ê -hng-sî tò--lâi , âu-kiò chhin-chhiūⁿ káu;
　　　伊 暝 昏 時 返 來，喉 叫 親 像 狗；

14b　　　Tī siâⁿ--ni̍h sì-kòe kiâⁿ ná teh háu.
　　　　　在 城 裡 四 界 行 若 在 嚎。

15a　In beh cháu-lâi cháu-khì chhē chia̍h-mi̍h, iáu bô kàu,
　　　伊 欲 走 來 走 去 尋 食 物， 尚 無 夠，

15b　　　Nā bô tit-tio̍h pá , chiū thong-mî thèng-hāu.
　　　　　若 無 得 著 飽，就 通 暝 等 候。

16a　Nā-sī góa beh chhiùⁿ-koa, o-ló Lí ê khùi-la̍t teh chú-cháiⁿ,
　　　若 是 我 要 唱 歌， 讚美 你 的 氣 力 在 主 宰，

16b　　　Chá-khí-sî beh tōa-siaⁿ o -ló Lí ê chû-ài ;
　　　　　早 起 時 要 大 聲 讚 美 你 的 慈 愛；

16c　In -ūi Lí bat chòe góa ê koân-tâi ,
　　　因 為 你 曾 做 我 的 高 台，

16d　　　Tī hoān-lān ê ji̍t , chòe góa tô-siám ê só͘-chāi.
　　　　　在 患 難 的 日，做 我 逃 閃 的 所 在。

17a　Góa ê khùi-la̍t ah, góa beh chhiùⁿ-koa o-ló Lí bô thè,
　　　我 的 氣 力 啊，我 要 唱 歌 讚美 你 無 退，

17b　　　In-ūi Siōng-tè sī góa ê koân-tâi chu-sè ,
　　　　　因 為 上 帝 是 我 的 高 台 姿 勢，
　　　　Sī góa chû-ài ê Siōng-tè .
　　　　　是 我 慈 愛 的 上 帝。