《押韻啟應詩篇》

 | | | 轉寄

台語押韻啟應詩篇 46

作者 Tīⁿ Jî-gio̍k 2006.11.26

46　　Khó-la̍h hō͘-è ê si, kau hō͘ Ga̍k-koaⁿ; tiāu, sī ēng lú-im.

1a　Siōng-tè sī goán tô-siám ê só͘-chāi kap khùi-la̍t,
　　上 帝 是 阮 逃 閃 的 所 在 及 氣 力，

1b　　　Ia̍h sī hoān-lān tiong ki̍p-sî pang-chān ê chhiú-la̍t .
　　　　亦 是 患 難 中 及 時 幫 助 的 手 力。

2a　Só͘ -í tōe sui-jiân piàn-chhian,
　　所 以 地 雖 然 變 遷 ，

2b　　　Soaⁿ sui-jiân iô-tāng kàu hái-tiong chhim-ian,
　　　　山 雖 然 搖 動 到 海 中 深 淵，

3a　Kî-tiong ê chúi sui-jiân hoa-hoa-háu giâ-éng,
　　其 中 的 水 雖 然 嘩 嘩 吼 夯 浪，

3b　　　Soaⁿ sui-jiân in-ūi hái-tiòng iô-choah teh beh péng,
　　　　山 雖 然 因 為 海 漲 搖 泏 在 要 反，

　　　　goán ia̍h bô kiaⁿ chēng-chēng.
　　　　阮 亦 無 驚 靜 靜。

4a　Ū chi̍t tiâu hô súi bô pí ,
　　有 一 條 河 美 無 比，

　　i ê khui-chhe hō͘ Siōng-tè ê siâⁿ hoaⁿ-hí ,
　　它的 開 叉 使 上 帝 的 城 歡 喜，

4b　　　Chiū-sī sèng ê tōe-chí, Chì-koân--ê teh khiā-khí.
　　　　就 是 聖 的 地 址， 至 高 者 在 居 起。

5a　Siōng-tè tī hit tiong-kan,
　　上 帝 在 彼 中 間，

5b　　　Siâⁿ tek-khak bōe iô-tāng pêng-an,
　　　　城 的 確 未 搖 動 平 安，

5c　Thiⁿ phú- kng,
　　天 曙 光，

5d　　　Siōng-tè beh pang-chān i tit êng-kng.
　　　　上 帝 要 幫 助 它 得 榮 光。

6a　Ī -pang hōa-hōa-háu,
　　異 邦 嘩 嘩 吼，

6b　　　Lia̍t-kok iô-tāng lâi cháu,
　　　　列 國 搖 動 來 走，

6c　Siōng-tè chhut I ê siaⁿ,
　　上 帝 出 祂 的 聲，

6d　　　Tōe chiū siau-iûⁿ tio̍h-kiaⁿ.
　　　　地 就 消 溶 著 驚。

7a　Bān-kun ê Iâ-hô-hoa kap goán tī--teh chiū chū-chāi,
　　萬 軍 的 耶 和 華 與 阮 在 的 就 自 在，

7b　　　Ngá-kok ê Siōng-tè chòe goán ê koân-tâi .
　　　　雅 各 的 上 帝 做 阮 的 高 台。

8a　Lâi ah , lâi khòaⁿ Iâ-hô-hoa ê só͘ chòe,
　　來 啊， 來 看 耶 和 華 的 所 作，

8b　　　Khòaⁿ I hō͘ tōe kàu cháiⁿ-iūⁿ hong-hòe.
　　　　看 祂 使 地 到 怎 樣 荒 廢。

9a　I hō͘ kau-chiàn soah, kàu tī tōe-ke̍k,
　　祂 使 交 戰 息， 到 在 地 極，

9b　　　I at-chi̍h keng bia̍t tùi-te̍k,
　　　　祂 揭 折 弓 滅 對 敵，

9c　Chām-tn̄g chhiuⁿ hō͘ i bô lō͘- iōng,
　　斬 斷 槍 使 它 無 路 用，

9d　　　Chiong chiàn-chhia sio tī hé-tiong.
　　　　將 戰 車 燒 在 火 中。

10a　Lín tio̍h tiāⁿ-tiāⁿ, tio̍h chai Siōng-tè sī Góa;
　　　恁 著 定 定 ， 著 知 上 帝 是 我；

10b　　　Góa beh tī lia̍t-pang tiong chòe koân-tōa, siū chun chòe tōa,
　　　　　我 要 在 列 邦 中 做 高 大，受 尊 做 大，

11a　Bān-kun ê Iâ-hô-hoa kap goán tī--teh chiū chū-chāi,
　　　萬 軍 的 耶 和 華 與 阮 在 的 就 自 在，

11b　　　Ngá-kok ê Siōng-tè chòe goán ê koân-tâi .
　　　　　雅 各 的 上 帝 做 阮 的 高 台。