《押韻啟應詩篇》

 | | | 轉寄

台語押韻啟應詩篇 42

作者 Tīⁿ Jî-gio̍k 2006.10.29

42　　Khó-la̍h hō͘-è ê si, kau hō͘ Ga̍k-koaⁿ

1a　Siōng-tè ah, góa ê sim chhiat-chhiat him-bō͘ Lí ,
　　上 帝 啊， 我 的 心 切 切 欣 慕 你，

1b　　　Chhin-chhiūⁿ lo̍k chhiat-chhiat him-bō͘ khe-chúi-khiⁿ.
　　　　親 像 鹿 切 切 欣 慕 溪 水 坑。

2a　Góa ê sim chhùi-ta him-bō͘ Siōng-tè ,
　　我 的 心 嘴 乾 欣 慕 上 帝，

2b　　　Chiū-sī oa̍h ê Siōng-tè ;
　　　　就 是 活 的 上 帝；

2c　Góa siáⁿ-sî ōe kàu Siōng-tè bīn-chêng,
　　我 何 時 會 到 上 帝 面 前 ，

2d　　　Lâi kìⁿ-ti I lâi kiong-kèng?
　　　　來 見 著 祂 來 恭 敬？

3a　Góa mî-ji̍t ēng góa ê ba̍k-sái chún pn̄g chia̍h teh tō͘-oa̍h,
　　我 暝 日 用 我 的 目 屎 準 飯 食 在 渡 活，

3b　　　In tùi góa kóng bô soah, lí ê Siōng-tè tī tó -ūi teh tòa?
　　　　伊 對 我 講 無 息， 你 的 上 帝 在 何 處 在 住？

4a　Góa chá-chêng kap chèng-lâng chòe-tīn--khì,
　　我 早 前 與 眾 人 做 陣 去，

4b　　　Chhōa in kàu Siōng-tè ê chhù;
　　　　導 伊 到 上 帝 的 厝；

4c　Ēng hoaⁿ-hí o -ló ê siaⁿ-khì,
　　用 歡 喜 讚 美 的 聲 氣，

4d　　　Tāi-ke siú chè-sū .
　　　　大 家 守 祭 祀。

4e　Góa tui-liām chiah-ê sū-tiong,
　　我 追 念 這 些 事 中，

4f　　　Góa ê sim ke̍k-kî pi-siong.
　　　　我 的 心 極 其 悲 傷。

5a　Góa ê sim ah , lí siáⁿ-sū ut-chut kò͘-chip?
　　我 的 心 啊， 你 啥 事 鬱 卒 固 執？

5b　　　Siáⁿ-sū tī góa ê lāi-bīn tio̍h-kip?
　　　　啥 事 在 我 的 內 面 著 急？

5c　Lí tio̍h ǹg-bāng Siōng-tè, in -ūi I ê bīn ǹg góa,
　　你 著 盼 望 上 帝，因 為 祂 的 面 向 我，

5d　　　Só͘ -í góa iáu-kú beh o -ló I bô soah.
　　　　所 以 我 尚 且 要 讚美 祂 無 息。

6a　Góa ê Siōng-tè ah, góa ê sim tī góa ê lāi-bīn ut-chut;
　　我 的 上 帝 啊，我 的 心 在 我 的 內 面 鬱 卒；

6b　　　Só͘ -í góa tùi Iok-tàn ê tōe kap Hek-bûn soaⁿ-khut,
　　　　所 以 我 對 約 旦 的 地 與 黑 門 山 窟，

　　　　ia̍h tùi Bí-sat ê soaⁿ kì-liām lí chû-ài si-chhut.
　　　　亦 對 米 薩 的 山 紀 念 你 慈 愛 施 出。