《押韻啟應詩篇》

 | | | 轉寄

台語押韻啟應詩篇 40

作者 Tīⁿ Jî-gio̍k 2006.10.15

Tāi-pi̍t ê si, kau hō͘ Ga̍k-koaⁿ.

1a　Góa bat thun-lún thèng-hāu Iâ-hô-hoa;
　　我　曾　吞　忍　等　候　耶 和 華；
1b　　　I àⁿ -lo̍h ǹg góa, thiaⁿ góa ê kiû-kiò bô soah.
　　　　祂 俯 落　向　我， 聽　我　的 求　叫　無　息。


2a　I tùi thang kiaⁿ ê hām-khiⁿ lâi ,
　　祂 從　通　驚　的 陷　坑　來，
2b　　　Tùi thô͘-bê lâi khan góa khí--lâi .
　　　　從　土　泥　來　牽　我　起　來。


3a　I hō͘ góa ê chhùi chhiùⁿ sin ê koa,
　　祂 使 我 的 嘴 唱 新 的 歌，
3b　　　Chiū-sī o -ló goán ê Siōng-tè ê si-koa,
　　　　就 是 讚 美 阮 的 上 帝 的詩 歌，


3c　Chōe-chōe lâng beh khòaⁿ-kìⁿ lâi kiaⁿ-ùi ,
　　多 多 人 要 看 見 來 驚 畏，
3d　　　Ia̍h beh óa-khò Iâ-hô-hoa lâi tit an -ùi .
　　　　亦 要 倚 靠 耶 和 華 來 得 安 慰。


4a　To̍k-to̍k óa-khò Iâ-hô-hoa ê chí -ì ,
　　獨 獨 倚 靠 耶 和 華 的 旨 意，
4b　　　Bô chhap hiah-ê kiau-ngō͘ ê lâng ê biáu-sī ,
　　　　無 睬 那 些 驕 傲 的 人 的 藐 視，


4c　Í -ki̍p phian-ǹg hu-ké ê lâng ê saⁿ-chiⁿ,
　　以及 偏 向 虛 假 的 人 的 相 爭，
4d　　　Chit -hō lâng ū hok-khì.
　　　　此 號 人 有 福 氣。


5a　Iâ-hô-hoa góa ê Siōng-tè ah ,
　　耶 和 華 我 的 上 帝 啊，
5b　　　Lí só͘ kiâⁿ ê kî -sū ná chēng-ka ,
　　　　Ｌｉ２　所 行 的 奇 事 越 增 加，


5c　Lí tùi goán só͘ chûn ê liām-thâu chin-chōe;
　　Ｌｉ２　對 阮 所 存 的 念 頭 真 多；
5d　　　Tùi Lí pâi-lia̍t iā bōe -ōe ;
　　　　對　Ｌｉ２排 列 也 不 會；


5e　Góa nā beh thê-khí hiah-ê kî-biāu,
　　我 若 要 提 起 那 些 奇 妙，
5f　　　Hit -ê siàu-gia̍h sǹg-bōe-liáu.
　　　　彼 個 數 額 算 不 了。


6a　Lí ū khui góa ê hī-khang thang thiaⁿ-kìⁿ,
　　Ｌｉ２有 開 我 的 耳 孔 通 聽 見，
6b　　　Chè-sū kap lé-mi̍h Lí bô hoaⁿ-hí ;
　　　　祭 事 及 禮 物 　Ｌｉ２ 無 歡 喜；

(齊聲)　SIO-CHÈ KAP SIO̍K-CHŌE-CHÈ, LÍ IĀ BÔ ÀI-TI̍H.
　　　　燒　祭　及　贖　罪　祭，　Ｌｉ２ 亦　無　愛　要。


7a　Hit-sî góa kóng, Lí khòaⁿ, góa lâi chiū Lí ,
　　彼 時 我 講 ： Ｌｉ２看 ， 我 來 就 　Ｌｉ２，
7b　　　Góa ê sū í -keng kì tī chheh--ni̍h.
　　　　我 的 事 已 經 記 在 冊 裡。


8a　Góa ê Siōng-tè ah , Lí ê chí-ì góa hoaⁿ-hí thàn;
　　我 的 上 帝 啊，Ｌｉ２的 旨 意 我 歡 喜 趁；
8b　　　Lí ê lu̍t-hoat tī góa ê sim-lāi chiū pêng-an .
　　　　Ｌｉ２的　律 法 在 我 的 心 內 就 平 安。


9a　Góa tī tōa chū-hōe ê tiong-kan,
　　我 在 大 聚 會 的 中 間，
9b　　　Soan-thoân kong- gī ê hó siau-sit pò pêng-an .
　　　　宣 傳 公 義 的 好 消 息 報 平 安。


9c　Góa bô beh thêng-chí góa ê chhùi-tûn;
　　我 無 要 停 止 我 的 嘴 唇；
9d　　　Iâ-hô-hoa ah , che sī Lí só͘ chai--ê .
　　　　耶 和 華 啊， 這 是　Ｌｉ２所 知 的。


10a　Góa bē-bat chiong Lí ê kong-gī
　　我 未 曾 將 　Ｌｉ２的 公 義
　　khàm-ba̍t tī góa ê sim-lāi chòe pì-bi̍t,
　　蓋 密 在 我 的 心 內 做 秘 密，
10b　　　Góa í -keng pâi-lia̍t Lí ê kiù-un kap Lí ê sìn-si̍t ,
　　　　我 已 經 排 列　Ｌｉ２的 救 恩 及　Ｌｉ２的 信 實，

(齊聲)　GÓA TÙI TŌA CHŪ-HŌE
　　　　我　對　大　聚　會
　　　　BĒ-BAT Úⁿ-KHǸG LÍ Ê CHÛ-ÀI KAP SÊNG-SI̍T.
　　　　未　曾　隱　置　Ｌｉ２的 慈　愛　及　誠　實。


11a　Iâ-hô-hoa ah , kiû Lí m̄-thang tùi góa thêng-chí Lí ê chû-pi ;
　　耶 和 華 啊，求　Ｌｉ２不 通 對 我 停 止　Ｌｉ２的 慈 悲；
11b　　　Goān Lí ê chû-ài kap sêng-si̍t siông-siông pó-hō͘ góa bô lī .
　　　　願 　Ｌｉ２的 慈 愛 及 誠 實 常 常 保 護 我 無 離。


12a　In -ūi ū bōe-sǹg-tit ê chai-ē ûi-khùn góa;
　　因 為 有 未 算 得 的 災 厄 圍 困 我；
12b　　　Góa ê chōe-ok jip-tio̍h góa, hō͘ góa bōe-ōe kia̍h-ba̍k lâi khòaⁿ.
　　　　我 的 罪 惡 追 著 我，使 我 未 會 舉 目 來 看 。


12c　Chiah-ê chōe-ok pí góa ê thâu-mn̂g khah-chōe, bōe-tit-thang loa̍h,
　　諸 些 罪 惡 比 我 的 頭 毛 較 多， 未 得 通 捋，
12d　　　Góa ê sim sòa lī -khui góa.
　　　　我 的 心 續 離 開 我。


13a　Iâ-hô-hoa ah, kiû Lí hoaⁿ-hí chín-kiù góa;
　　耶 和 華 啊，求　Ｌｉ２歡 喜 拯 救 我；
13b　　　Iâ-hô-hoa ah, kiû Lí kín-kín pang-chān góa.
　　　　耶 和 華 啊，求　Ｌｉ２緊 緊 幫 助 我。


14a　Goān hiah-ê siàu-siūⁿ beh hāi góa sìⁿ-miā--ê ,
　　願 那 些 數 想 要 害 我 性 命 的，
14b　　　Chòe chi̍t-ē kiàn-siàu, làu-khùi tò -thè ;
　　　　做 一 下 見 誚， 漏 氣 倒 退；


14c　Goān hiah-ê hoaⁿ-hí góa siū hām-hāi--ê ,
　　願 那 些 歡 喜 我 受 陷 害 的，
14d　　　Oa̍t-tò -tńg siū lêng-jio̍k lak-kē .
　　　　越 倒 轉 受 凌 辱 落 低。


15a　Goān hiah-ê tùi góa kóng, “Ho͘h--chāi, Ho͘h--chāi"--ê ,
　　願 那 些 對 我 講： 「呼 哉， 呼 哉」 者，
15b　　　In -ūi kiàn-siàu lâi pāi-bô soe- thè.
　　　　因 為 見 誚 來 敗 亡 衰 退。


16a　Goān it -chhè chhē Lí- -ê ,
　　願 一 切 找　Ｌｉ２的，
16b　　　In -ūi Lí lâi hoaⁿ-hí khoài-lo̍k bô soah.
　　　　因 為　Ｌｉ２來 歡 喜 快 樂 無 息。


16c　Goān hiah-ê him-bō͘ Lí kiù-un--ê ,
　　願 那 些 欣 慕　Ｌｉ２救 恩 的，
16d　　　Siông-siông kóng, “Tio̍h chun Iâ-hô-hoa chòe tōa.”
　　　　常 常 講 ： 「當 尊 耶 和 華 做 大。」


17a　Chóng-sī góa sī khùn-khó͘ sòng-hiong--ê ,
　　總 是 我 是 困 苦 貧 窮 的，
17b　　　Chú iáu-kú siàu-liām góa bô piàn.
　　　　主 尚 且 數 念 我 無 變。


17c　Lí sī pang-chān góa--ê , chín-kiù góa--ê ;
　　Ｌｉ２是 幫 助 我 的，拯 救 我 的；
17d　　　Góa ê Siōng-tè ah , kiû Lí m̄-thang iân-chhiân.
　　　　我 的 上 帝 啊， 求　Ｌｉ２不 通 延 遲 。