《押韻啟應詩篇》

 | | | 轉寄

台語押韻啟應詩篇 28

作者 Tīⁿ Jî-gio̍k 2006.07.16

Tāi-pi̍t ê si.

1a　Iâ-hô-hoa ah , góa beh kiû-kiò Lí bô soah;
　　耶 和 華　啊， 我　要　求　叫　Ｌｉ２無　息；
1b　　　Góa ê chio̍h-pôaⁿ ah , m̄-thang bô beh thiaⁿ góa.
　　　　我　的 石　磐　啊，不 通　無 要　聽　我。


1c　Nā Lí tùi góa chēng-chēng bô àⁿ hī-khang.
　　若　Ｌｉ２對　我　靜　靜　無　俯 耳 孔。
1d　　　Góa chiū chhin-chhiūⁿ ji̍p bōng ê lâng.
　　　　我　就　親　像　入　墓　的 人。


2a　Góa kiû-kiò Lí , ǹg Lí ê chì-sèng-só͘ kia̍h chhiú ê sî ,
　　我 求 叫　Ｌｉ２， 向 　Ｌｉ２的 至 聖 所 舉 手 的 時，
2b　　　Kiû Lí thiaⁿ góa khún-kiû ê siaⁿ lâi chí-sī .
　　　　求　Ｌｉ２聽 我 懇 求 的 聲 來 指 示。


3a　M̄-thang chiong góa kap pháiⁿ-lâng, í -ki̍p chok-gia̍t ê lâng,
　　不 通 將 我 和 歹 人， 以 及 作 孽 的 人，
3b　　　Chòe chi̍t -ē tû--khì kàu khang-khang.
　　　　做 一 下 除 去 到 空 空 。


3c　In kap chhù-piⁿ kóng hô-pêng ê ōe ,
　　伊 與 厝 邊 說 和 平 的 話，
3d　　　Chóng-sī in ê sim kan-hiám hu-kóe.
　　　　總 是 伊 的 心 奸 險 虛 假。


4a　Goān Lí chiàu in só͘ chòe--ê kui hō͘ in ,
　　願　Ｌｉ２照 伊 所 作 的 歸 給 伊，
4b　　　Iā chiàu in só͘ kiâⁿ ê pháiⁿ-tāi, khoán-thāi in ;
　　　　也 照 伊 所 行 的 壞 事，款 待 伊；


4c　Goān Lí chiàu in ê chhiú só͘ chòe--ê , khoán-thāi in ;
　　願　Ｌｉ２照 伊 的 手 所 做 的，款 待 伊；
4d　　　Chiong in só͘ eng-kai tú-tio̍h--ê pò-èng in .
　　　　將 伊 所 應 該 遇 著 的 報 應 伊。


5a　In kì-jiân bô liû-sim tī Iâ-hô-hoa só͘ kiâⁿ--ê ,
　　伊 既 然 沒 留 心 在 耶 和 華 所 行 的，
5b　　　Í - ki̍p I ê chhiú só͘ chòe--ê ;
　　　　以 及 祂 的 手 所 做 的；


5c　I chiū beh húi-hoāi in ,
　　祂 就 要 毀 壞 伊，
5d　　　Bô beh kiàn-li̍p in .
　　　　不 要 建 立 伊。


6a　Iâ-hô-hoa sī eng-kai o -ló ê miâ,
　　耶 和 華 是 應 該 讚 美 的 名，
6b　　　In -ūi I thiaⁿ góa khún-kiû ê siaⁿ.
　　　　因 為 祂 聽 我 懇 求 的 聲。


7a　Iâ-hô-hoa sī góa ê le̍k-liōng,
　　耶 和 華 是 我 的 力 量，
7b　　　Ia̍h sī góa ê tîn-pâi teh pó-chiong.
　　　　亦 是 我 的 盾 牌 在 保 障。


7c　Góa ê sim óa-khò I ,
　　我 的 心 倚 靠 祂，
7d　　　Góa chiū tit-tio̍h pang-chān bián khòa -ì .
　　　　我 就 得 著 幫 助 免 掛 意。


8a　Iâ-hô-hoa sī I ê peh-sìⁿ ê khùi-la̍t teh pó-hō͘ .
　　耶 和 華 是 祂 的 百 姓 的 氣 力 在 保 護。
8b　　　Iā sī I siū boah-iû--ê tit-kiù ê ōe-só͘ .
　　　　也 是祂 受 抹 油 者 得 救 的 衛 所。


9a　Kiû Lí chín-kiù Lí ê peh-sìⁿ, sù-hok Lí ê sán-gia̍p,
　　求　Ｌｉ２拯 救　Lｉ２的 百 姓，賜 福 　Ｌｉ３ 的 產 業，
9b　　　Iúⁿ-chhī in , hû-chhî in , kàu éng-oán lóng sòa-chiap.
　　　　養 飼 伊，扶 持 伊， 到 永 遠 攏 續 接。