《押韻啟應詩篇》

 | | | 轉寄

台語押韻啟應詩篇 26

作者 Tīⁿ Jî-gio̍k 2006.07.02

Tāi-pi̍t ê si.

1a　Iâ-hô-hoa ah , kiû Lí kā góa phòaⁿ-toàn;
　　耶 和 華　啊，求　Ｌｉ２給 我　判　斷；
　　in-ūi góa ū kiâⁿ, chiàu góa ê sûn-choân.
　　因為　我　有 行， 照　我　的 純　全。
1b　　　Góa óa-khò Iâ-hô-hoa bô iô-choah kòe koan.
　　　　我　倚 靠　耶 和 華　沒　搖 泏　過　關。


2a　Iâ-hô-hoa ah , kiû Lí kàm-chhat góa, chhì-giām góa.
　　耶 和 華 啊，求　Ｌｉ２鑑 察 我， 試 驗 我。
2b　　　Thoàn-liān góa ê sim-tn̂g khoan-khoah.
　　　　鍛 鍊 我 的 心 腸 寬 闊。


3a　In-ūi Lí ê chû-ài siông-siông tī góa ê ba̍k-chiu-chêng;
　　因 為Ｌｉ２的 慈 愛 常 常 在 我 的 目 珠 前；
3b　　　Góa ia̍h ū chiàu Lí ê chin-lí kiâⁿ chìn-chêng.
　　　　我 亦 有 照　Ｌｉ２ 的 真 理 行 進 前。


4a　Góa bē bat kap hong-hàm ê lâng saⁿ-kap chē;
　　我 未 曾 和 謊 譀 的 人 相 與 坐；
4b　　　Ia̍h bô kap ké-chòe ê lâng chòe-tīn the.
　　　　亦 沒 和 假 作 的 人 作 陣 躺。


5a　Góa oàn-hūn pháiⁿ-lâng ê hōe;
　　我 怨 恨 壞 人 的 會；
5b　　　Bô beh kap ok-to̍k ê lâng tâng chū-hōe.
　　　　不 要 和 惡 毒 的 人 同 聚 會。


6a　Iâ-hô-hoa ah , góa beh sóe chhiú piáu-bêng góa ê bô chōe,
　　耶 和 華 啊，我 要 洗 手 表 明 我 的 無 罪，
6b　　　Chiah lâi se̍h Lí ê chè-tôaⁿ kúi-nā kòe,
　　　　才 來 踅　Ｌｉ２的 祭 壇 幾 若 次，


7a　Thang hō͘ lâng thiaⁿ-kìⁿ kám-siā ê siaⁿ chi̍t-kòe koh chi̍t-kòe.
　　通 給 人 聽 見 感 謝 的 聲 一 次 又 一 次。
7b　　　Koh thang kóng khí Lí it-chhè kî-biāu ê só͘-chòe.
　　　　又 通 講 起　Ｌｉ２ 一 切 奇 妙 的 所 作。

8a　Iâ-hô-hoa ah , góa thiàⁿ-sioh Lí só͘-tòa ê chhù;
　　耶 和 華 啊，我 愛 惜　Ｌｉ２ 所 住 的 厝；
8b　　　Í- ki̍p Lí êng-kng só͘ tī-teh ê só͘-chāi kú-kú .
　　　　以及　Ｌｉ２ 榮 光 所 在 的 的 所 在 久 久。


9a　M̄-thang chiong góa ê lêng-hûn kap chōe-jîn
　　不 通 將 我 的 靈 魂 和 罪 人
　　chòe chi̍t -ē siu-si̍p--khì.
　　作 一 下 收 拾 去。


9b　　　M̄ -thang chiong góa ê oa̍h-miā kap thâi-lâng--ê
　　　　不 通 將 我 的 活 命 和 殺 人 者
　　　　chòe chi̍t -ē siu-si̍p--khì.
　　　　作 一 下 收 拾 去。


10a　In ê chhiú-tiong ū kan-ok ê pháiⁿ-pō͘,
　　伊 的 手 中 有 奸 惡 的 歹 步，
10b　　　In ê chiàⁿ-chhiú móa-móa pò͘ -lō͘ .
　　　　伊 的 右 手 滿 滿 賄 路。


11a　Lūn-kàu góa, góa beh chiàu góa ê sûn-choân lâi kiâⁿ;
　　論 到 我， 我 要 照 我 的 純 全 來 行；
11b　　　Kiû Lí lîn-bín góa, kiù-sio̍k góa ê sìⁿ-miā.
　　　　求　Ｌｉ２ 憐 憫 我， 救 贖 我 的 性 命。


12a　Góa ê kha khiā tī pîⁿ-tháⁿ ê só͘-chāi bô iô-choah.
　　我 的 腳 站 在 平 坦 的 所 在 沒 搖 泏。
12b　　　Tī chèng-hōe-tiong, góa beh o -ló Iâ-hô-hoa.
　　　　在 眾 會 中， 我 要 讚 美 耶 和 華。