《押韻啟應詩篇》

 | | | 轉寄

台語押韻啟應詩篇 24

作者 Tīⁿ Jî-gio̍k 2006.06.18

Tāi-pi̍t ê si.

1a　Tōe kap kî-tiong só͘ chhiong-móa--ê ,
　　地　和　其中　所　充　滿　的，
1b　　　Sè-kài kap tiàm-tī i tiong-kan--ê , lóng sī Iâ-hô-hoa--ê .
　　　　世界　和　住　在它中　間　的，攏　是耶和華　的。


2a　I chiong tōe kiàn-li̍p tī hái ê téng-bīn,
　　祂將　地　建　立　在　海　的頂　面，
2b　　　An-tì tī tōa-chúi ê téng-bīn.
　　　　安置在　大　水　的頂　面。


3a　Siáⁿ-lâng ōe chiūⁿ Iâ-hô-hoa ê soaⁿ?
　　甚　人　會　上　耶和華　的山？
3b　　　Siáⁿ-lâng ōe khiā tī I ê sèng-tôaⁿ?
　　　　甚　人　會　立　在祂的聖　壇？

4a　Chiū-sī chhiú chheng-khì, sim chheng-pe̍h,
　　就　是　手　清　氣，心　清　白，
4b　　　Chûn-sim bô ǹg hu -ké, chiù-chōa bô khǹg kan-kè--ê .
　　　　存　心　無　向　虛　假，咒　詛　無　放　奸　計的。



5a　Chit-hō lâng beh tit-tio̍h Iâ-hô-hoa ê sù-hok;
　　此　號　人　要　得著　耶和華　的賜福；
5b　　　Koh tùi kiù i ê Siōng-tè tit-tio̍h gī ê iok-sok.
　　　　又　對　救　他的　上　帝得　著　義的約　束。


6a　Chiah-ê sī chhē-kiû Iâ-hô-hoa ê lâng,
　　諸　些是　找　求　耶 和 華　的人，
6b　　　Ngá-kok ê Siōng-tè ah, che sī ài kìⁿ Lí ê bīn ê lâng.
　　　　雅　各　的 上　帝　啊，這　是 愛 見Ｌｉ２ 的 面 的　人。


7a　Siâⁿ-mn̂g ah, lín ê thâu tio̍h kia̍h-khí;
　　城　門 　啊，恁　的 頭　著　舉　起；
　　éng-oán ê mn̂g ah, lín tio̍h siū kú-khí;
　　永　遠　的 門　啊，恁　著　受　舉 起；
7b　　　Êng-kng ê Ông beh ji̍p--khì.
　　　　榮　光　的　王　要　入　去。


8a　Hit-ê êng-kng ê Ông sī teh chí siáⁿ-lâng ū hiah tōa ?
　　彼 個 榮　光　的 王　是 在　指 甚　人　有 許 大？
8b　　　Chiū-sī tōa khùi-la̍t tōa koân-lêng ê Iâ-hô-hoa,
　　　　就　是　大　氣 　力　大　權 　能　的 耶 和 華，
　　　　tī kau-chiàn ū tōa koân-lêng ê Iâ-hô-hoa.
　　　　在 交　戰　有 大　權　能　的 耶 和 華。



9a　Siâⁿ-mn̂g ah, lín ê thâu tio̍h kia̍h-khí,
　　城　門　啊， 恁 的 頭　著　舉　起，
9b　　　Êng-kng ê Ông beh ji̍p--khì.
　　　　榮　光　的 王　要　入　去。


10a　Siáⁿ-lâng sī êng-kng ê Ông?
　　甚　人　是 榮　光　的 王？
10b　　　Bān-kun ê Iâ-hô-hoa I sī êng-kng ê Ông.
　　　　萬　軍　的 耶 和 華　祂 是　榮　光　的 王。