《押韻啟應詩篇》

 | | | 轉寄

台語押韻啟應詩篇 22

作者 Tīⁿ Jî-gio̍k 2006.06.04

Tāi-pi̍t ê si, kau hō͘ Ga̍k-koaⁿ; tiāu, ēng "Chá-khí-sî ê lo̍k-bú."

1a　Góa ê Siōng-tè , góa ê Siōng-tè , siáⁿ-sū pàng-lī góa sit-bê ?
　　我　的上　帝，我　的上　帝，啥　事　放　離　我　失迷？
1b　　　Siáⁿ-sū lī-khui hn̄g-hn̄g khiā teh, bô kiù góa chi̍t--ē ,
　　　　啥　事　離開　遠　遠　立　在，無　救　我　一　下，
　　　　m̄-thiaⁿ góa só͘ âu-kiò--ê ?
　　　　不聽　我　所　喉叫　的？

2a　Góa ê Siōng-tè ah, góa ji̍t--sî kiû-kiò, Lí bô thiaⁿ góa;
　　我　的上　帝　啊，我　日　時　求　叫，Ｌｉ２無　聽　我；
2b　　　Mî--sî kiû-kiò, góa ia̍h bô chēng-chēng ná thâng-thōa.
　　　　暝　時求　叫，我　亦　無　靜　靜　如　蟲　豸。

3a　Chóng-sī Lí sī sèng--ê ,
　　總　是Ｌｉ２是　聖　的，
3b　　　Lí sī ēng Í -sek-lia̍t ê o -ló chòe chō-ūi--ê .
　　　　Ｌｉ２是　用　以色列　的讚美　做　座　位的。

4a　Goán ê lia̍t-chó͘ óa-khò Lí ,
　　阮 的 列 祖 倚 靠 　Ｌｉ２，
4b　　　In óa-khò Lí, Lí chiū chín-kiù in chhut sí .
　　　　伊 倚 靠　Ｌｉ２，Ｌｉ２　就 拯 救 伊 出 死。

5a　In ai-kiû Lí, chiū tit-tio̍h chín-kiù;
　　伊 哀 求 你，就 得 著 拯 救；
5b　　　In óa-khò Lí chiū m̄-bián bo̍k-bo̍k-siû.
　　　　伊 倚 靠 你 就 不 免 沐 沐 游。

6a　Chóng-sī góa sī thâng-thōa, m̄ -sī lâng;
　　總 是 我 是 蟲 豸， 不 是 人；
6b　　　Hō͘ lâng ki-chhì, hō͘ peh-sìⁿ khòaⁿ-khin bô tāng.
　　　　給 人 譏 刺， 給 百 姓 看 輕 無 重。

7a　Hoān-nā khòaⁿ-kìⁿ góa ê , lóng thí-chhiò góa chòe sóng,
　　凡 若 看 見 我 的，攏 恥 笑 我 做 爽，
7b　　　In ngiauh-chhùi iô -thâu, kóng:
　　　　伊 翹 嘴 搖 頭， 講：

8a　Lâng tio̍h chiong pún-sin kau hō͘ Iâ-hô-hoa, I thang kiù i ;
　　人 當 將 本 身 交 給 耶 和 華，祂 通 救 他；
8b　　　Iâ-hô-hoa kì-jiân hoaⁿ-hí i , I thang kiù i .
　　　　耶 和 華 既 然 歡 喜 他，祂通 救 他。

9a　Chóng-sī Lí sī hō͘ góa chhut lāu-bú ê thai--ê ,
　　總 是Ｌｉ２　是 使 我 出 老 母 的 胎 者，
9b　　　Góa tī lāu-bú ê heng-chêng, Lí hō͘ góa óa-khò Lí .
　　　　我 在 老 母 的 胸 前，　Ｌｉ２使 我 倚 靠　Ｌｉ２。

10a　Góa tùi thai--ni̍h chhut-sè , chiū kau-tài Lí kàu-tè,
　　我 對 胎 裡 出 世，就 交 代　Ｌｉ２到 達，
10b　　　Góa tùi chhut lāu-bú ê pak-tó͘-té Lí sī góa ê Siōng-tè .
　　　　我 對 出 老 母 的 腹 肚 底Ｌｉ２　是 我 的 上 帝。

11a　M̄-thang lī-khui góa hn̄g-hn̄g teh chē,
　　不 通 離 開 我 遠 遠 在 坐，
11b　　　In-ūi hoān-lān pek-kūn bô thè, bô ū pang-chān góa--ê .
　　　　因 為 患 難 迫 近 無 退，無 有 幫 助 我 的。

12a　Ū chōe-chōe gû-káng ûi-lûi góa;
　　有 多 多 牛 牡 圍 壘 我；
12b　　　Pa-san ióng ê gû sì-bīn ûi-khùn góa.
　　　　巴 珊 勇 的 牛 四 面 圍 困 我。

13a　In ǹg góa khui-chhùi teh beh chia̍h,
　　伊 向 我 開 嘴 在 要 食，
13b　　　Chhin-chhiūⁿ teh peh-thiah, teh tōa-siaⁿ háu ê sai hiah tōa-chiah.
　　　　親 像 在 剝 撕，在 大 聲 哭 的 獅 彼 大 隻。

14a　Góa chhin-chhiūⁿ chúi piàⁿ--chhut--khì,
　　　我 親 像 水 傾 出 去，
14b　　　Góa ê kut lóng thu̍t-lûn--khì,
　　　　我 的 骨 攏 黜 圇 去，

14c　Góa ê sim chhin-chhiūⁿ la̍h,
　　　我 的 心 親 像 蠟，
14d　　　Siau-iûⁿ tī pak-lāi teh ká .
　　　　消 熔 在 腹 內 在 攪。

15a　Góa ê cheng-le̍k ko͘-tâ ,
　　　我 的 精 力 枯 焦，
15b　　Chhin-chhiūⁿ hāu-phiáⁿ-phè ta- ta ,
　　　　親 像 鱟 塊 片 乾 乾，

15c　Góa ê chi̍h liâm tī góa ê chiūⁿ-kiuⁿ;
　　　我 的 舌 粘 在 我 的 上 顎；
15d　　　Lí hē góa tī sí-tōe ê thô͘-hún chi̍t -iūⁿ.
　　　　Ｌｉ２　放 我 在 死 地 的 土 粉 一 樣。

16a　Káu ê lūi ûi góa, pháiⁿ-tóng pau-ûi góa;
　　狗 的 類 圍 我， 歹 黨 包 圍 我；
16b　　　In chha̍k góa ê chhiú, chha̍k góa ê kha hō͘ in phòa.
　　　　伊 刺 我 的 手， 刺 我 的 腳 使 伊 破。

17a　Góa ê kut-thâu, góa lóng ōe sǹg-tit ;
　　　我 的 骨 頭， 我 攏 會 算 得；
17b　　　In teh khòaⁿ góa, teh siòng góa siau-sit.
　　　　伊 在 看 我， 在 相 我 消 失。

18a　In pun góa ê saⁿ lâi khoài-lo̍k.
　　　伊 分 我 的 衫 來 快 樂。
18b　　　Liam-khau góa ê i -ho̍k.
　　　　占 箍 我 的 衣 服。

19a　Iâ-hô-hoa ah, kiû Lí m̄-thang lī-khui góa hn̄g-hn̄g teh khòaⁿ,
　　耶 和 華 啊，求　Ｌｉ２不 通 離 開 我 遠 遠 在 看 ，
19b　　　Góa ê khùi-la̍t ah, kiû Lí kín-kín lâi pang-chān góa.
　　　　我 的 氣 力 啊，求　Ｌｉ２緊 緊 來 幫 助 我。

20a　Kiû Lí kiù góa ê sîn-hûn thoat-lī to-kiàm ê kong-kek,
　　求　Ｌｉ２救 我 的 神 魂 脫 離 刀 劍 的 攻 擊，
20b　　　Kiù góa ê sìⁿ-miā thoat-lī káu-lūi ê sè -le̍k.
　　　　救 我 的 性 命 脫 離 狗 類 的 勢 力。

21a　Kiù góa thoat-lī sai ê chhùi-kak,
　　救 我 脫 離 獅 的 嘴 角，
21b　　　Lí í -keng thiaⁿ góa, hō͘ góa thoat-lī iá -gû ê kak.
　　　　Ｌｉ２已 經 聽 我， 使 我 脫 離 野 牛 的 角。

22a　Góa beh pò-iông Lí ê miâ tī góa ê hiaⁿ-tī ;
　　我 要 報 揚　Ｌｉ２的 名 在 我 的 兄 弟；
22b　　　Góa beh o -ló Lí tī hōe-tiong put-sî .
　　　　我 要 讚 美 Ｌｉ２　在 會 中 不 時。

23a　Lín kiaⁿ-ùi Iâ-hô-hoa--ê , tio̍h o -ló I ;
　　恁 驚 畏 耶 和 華 者，當 讚 美 祂；
　　Ngá-kok ê hō͘ -è , lóng tio̍h êng-kng I .
　　雅 各 的 後 裔， 攏 當 榮 光 祂。
23b　　　Í- sek-lia̍t ê hō͘ -è , lóng tio̍h kèng-ùi I .
　　　　以色 列 的 後 裔，攏 當 敬 畏 祂。

24a　In-ūi I bô khòaⁿ-khin, ia̍h bô iàm-chiān,
　　因為 祂 無 看 輕， 亦 無 厭 賤 ，
24b　　　Khùn-khó͘-lâng ê khùn-khó͘ kap hā-chiān.
　　　　困 苦 人 的 困 苦 與 下 賤。


25a　Góa tī tōa chū-hōe ê tiong-kan só͘ o-ló--ê , sī tùi Lí lâi;
　　我 在 大 聚 會 的 中 間 所 讚美 的，是 從 Ｌｉ２　來；
25b　　　Góa beh tī kiaⁿ-ùi I ê lâng ê bīn-chêng khut-kē,
　　　　我 要 在 驚 畏 祂 的人 的 面 前 屈 低，
　　　　siā góa ê goān sī eng-kai.
　　　　謝 我 的 願 是 應 該。

26a　Khiam-pi ê lâng beh tit-tio̍h chia̍h-pá móa-ì .
　　謙 卑 的 人 要 得 著 食 飽 滿 意。
　　chhē Iâ-hô-hoa ê lâng beh o -ló I ;
　　找 耶 和 華 的 人 要 讚 美 祂；

26b　　　Goān lín ê sim oa̍h kàu éng-oán bô tiong-chí.
　　　　願 恁 的 心 活 到 永 遠 無 中 止。
27a　Tōe ê ke̍k-thâu lóng beh siàu-liām lâi kui-chèng,
　　地 的 極 頭 攏 要 思 念 來 歸 正，
　　hiòng Iâ-hô-hoa kiong-kèng,
　　向 耶 和 華 恭 敬，
27b　　　Lia̍t-pang ê bān-cho̍k lóng beh pài-kèng tī Lí ê bīn-chêng.
　　　　列 邦 的 萬 族 攏 要 拜 敬 在 Ｌｉ２ 的 面 前。

28a　In-ūi kok sī Iâ-hô-hoa--ê ;
　　因 為 國 是 耶 和 華 的；
28b　　　I sī bān-kok ê chú-cháiⁿ, sī éng-sè--ê .
　　　　祂 是 萬 國 的 主 宰， 是 永 世 的。

29a　Tōe-chiūⁿ it-chhè hó-hàn--ê , beh lim chia̍h lâi kèng-pài;
　　地 上 一 切 好 漢 者，要 飲 食 來 敬 拜；
29b　　　Kìⁿ-nā kui-thó͘--ê , bōe-ōe pó-choân sìⁿ-miā--ê , lóng beh phak-pài.
　　　　凡 若 歸 土 的, 未 會 保 全 性 命 的, 攏 要 仆 拜。

30a　Ū hō͘ -è beh ho̍k-sāi I tāi-tāi,
　　有 後 裔 要 服 事 祂 代 代，
30b　　　Chú ê tāi-chì beh thoân tī āu-tāi .
　　　　主 的 代 誌 要 傳 在 後 代。

31a　In beh lâi, beh thoân I ê kong-gī hō͘ ta̍k -ê ,
　　伊 要 來，要 傳 祂 的 公 義 給 逐 個，
31b　　　Hō͘ teh beh chhut-sì ê peh-sìⁿ, chai chit-ê sū sī I chòe--ê .
　　　　使 將 要 出 世的 百 姓，知 這 個 事 是 祂 做 的。