《押韻啟應詩篇》

 | | | 轉寄

台語押韻啟應詩篇 10

作者 Tīⁿ Jî-gio̍k 2006.03.05

10
1a　Iâ-hô-hoa ah, Lí siáⁿ-sū hn̄g-hn̄g teh khiā ?
　　耶　和　華　啊，Ｌｉ２　甚　事　遠　遠　在　站？
1b　　　Tī hoān-lān ê sî , Lí siáⁿ-sū bih tī hia ?
　　　　在　患　難　的　時，Ｌｉ２　甚　事　匿　在　彼？

2a　In-ūi pháiⁿ-lâng tī kiau-ngō͘ tiong,
　　因為　歹　人　在　驕　傲　中，
　　tui-ji̍p khùn-khó͘ ê lâng chin kín-kip,
　　追　入　困　苦　的　人　真　緊　急，
2b　　　Goān in hām-lo̍h tī ka-kī só͘ siat ê kè-bô͘ lâi tio̍h-kip.
　　　　願　伊　陷　落　在　自己　所　設　的計　謀　來　著　急。

3a　Pháiⁿ-lâng khoa-kháu i ê sim só͘ ài khoan-khoah.
　　歹 人 誇 口 他 的 心 所 愛 寬 闊。
3b　　　Tham-sim--ê khì-sak Iâ-hô-hoa, koh bú-bān I lâi chū-khoa.
　　　　貪 心 的 棄 捨 耶 和 華， 又 侮 慢 祂 來 自 誇。

4a　Pháiⁿ-lâng bīn tài kiau-ngō͘, bô beh kiû Siōng-tè pó-hō͘,
　　歹 人 面 帶 驕 傲， 無 要 求 上 帝 保 護，
4b　　　I só͘ siūⁿ--ê , lóng bû -sī Siōng-tè lâi tô͘ -bô͘ .
　　　　他所 想 的，都 無 視 上 帝 來 圖 謀。

5a　In-ūi Lí ê sím-phòaⁿ pôaⁿ-kè i ê gán-kài,
　　因 為Ｌｉ２　的 審 判　ｐｏａＮ５過 他 的 眼 界，
5b　　　Tì -kàu kìⁿ-nā i só͘ kiâⁿ--ê siông-siông bô -tāi .
　　　　致 到 凡 若 他 所 行 的 常 常 無 事。

5c　Lūn-kàu pháiⁿ-lâng it-chhè ê tùi-te̍k,
　　論 到 壞 人 一 切 的 對 敵，
5d　　　I lóng biáu-sī in , hō͘ in bô bīn-sek.
　　　　他都 藐 視 伊，使 伊 無 面 色。

6a　I sim-lāi kóng, Góa tek-khak bōe iô-choah,
　　他心 內 講， 我 的 確 不 搖 泏，
6b　　　Tāi-tāi bōe tú-tio̍h chai-lān ū khùi-oa̍h.
　　　　代 代 不 遇 到 災 難 有 氣 活。

7a　Pháiⁿ-lâng ê chhùi móa-móa kan-chà, khi-ap, kap chiù-mē.
　　壞 人 的 嘴 滿 滿 奸 詐、欺 壓、及 咒 罵。
7b　　　I ê chi̍h-ē ok-to̍k, hu -ké .
　　　　他的 舌 下 惡 毒、 虛 假。

8a　I tī hiong-chhoan bâi-ho̍k ê só͘-chāi bih teh tán lâng.
　　他在 鄉 村 埋 伏 的 所 在 匿 在 等 人。
8b　　　I ê ba̍k-chiu àm-chīⁿ ti̍t-ti̍t siòng bô i -óa ê lâng,
　　　　他的 目 珠 暗 靜 直 直 相 無 依倚 的 人，
　　　　tī ún-ba̍t ê só͘-chāi hāi-sí bô chōe ê lâng.
　　　　在 隱 密 的 所 在 害 死 無 罪 的 人。

9a　Pháiⁿ-lâng bâi-ho̍k tī àm-chīⁿ ê só͘-chāi,
　　壞 人 埋 伏 在 暗 靜 的 所 在，
9b　　　Chhin-chhiūⁿ bih tī hia̍t ê sai;
　　　　親 像 匿 在 穴 的 獅；

9c　I bâi-ho̍k beh lia̍h sòng-hiong-lâng,
　　他 埋 伏 要 抓 貧 窮 人，
9d　　　Ēng bāng ûi, lâi lia̍h sòng-hiong-lâng.
　　　　用 網 圍，來 抓 貧 窮 人。

10a　Pháiⁿ-lâng khut-sin phak--teh, siòng sì -bīn,
　　壞 人 屈 身 趴 著， 相 四 面，
10b　　　Bô i -óa ê lâng chiū tó tī i jiáu-gê--ê ē -bīn.
　　　　無 依倚 的 人 就 倒 在 他 爪 牙 的 下 面。

11a　I sim-lāi kóng, Siōng-tè bōe -kì--tit--khì,
　　他 心 內 講： 上 帝 不 記 得 去，
11b　　　Ng I ê bīn, éng-oán bô khòaⁿ-kìⁿ.
　　　　掩 祂 的 面，永 遠 無 看 見。

12a　Iâ-hô-hoa ah , kiû Lí khí--lâi ,
　　耶 和 華 啊，求Ｌｉ２　起 來，
　　Siōng-tè ah , kia̍h-khí Lí ê chhiú chhut--lâi ,
　　上 帝 啊，舉 起Ｌｉ２的 手 出 來，
12b　　　M̄-thang bōe kì-tit sòng-hiong-lâng ê chhám-hāi.
　　　　不 通 不 記 得 貧 窮 人 的 慘 害。

13a　Pháiⁿ-lâng siáⁿ-sū biáu-sī Siōng-tè ,
　　歹 人 啥 事 藐 視 上 帝，
13b　　　Sim-lāi kóng, Lí bô beh hoat sèng-tē ?
　　　　心 內 講：Ｌｉ２　無 要 發 性 地？

14a　Lí í -keng khòaⁿ-kìⁿ lâng siū ok-to̍k oàn-tò͘ ,
　　Ｌｉ２　已 經 看 見 人 受 惡 毒 怨 妒，
14b　　　Lí lóng kàm-chhat, beh ēng Lí ê chhiú chiàu-kò͘ ,
　　　　Ｌｉ２　都 鑑 察， 要 用Ｌｉ２的 手 照 顧，

14c　Bô i -óa ê lâng, chiong pún-sin kau-tài Lí ;
　　無 依 倚 的 人， 將 本 身 交 待Ｌｉ２；
14d　　　Pang-chān bô- pē -ê -kiáⁿ--ê sī Lí .
　　　　幫 助 無 父 的 子 者 是Ｌｉ２。

15a　Goān Lí phah-chi̍h pháiⁿ-lâng ê chhiú-kut;
　　願Ｌｉ２　 打 折 歹 人 的 手 骨；
15b　　　Lūn-kàu ok-lâng, goān Lí kun-kiù i ê pháiⁿ kàu lóng lō͘-chhut.
　　　　論 到 惡 人， 願Ｌｉ２　根 究 他 的 歹 到 攏 露 出。

16a　Iâ-hô-hoa chòe ông, tùi éng-oán kàu éng-oán bô jī ;
　　耶 和 華 做 王， 從 永 遠 到 永 遠 無 二；
16b　　　Bô-sìn ê lâng beh tùi I ê tōe lóng siau-bô--khì.
　　　　無 信 的 人 要 從 祂 的 地 都 消 無 去。

17a　Iâ-hô-hoa ah, khiam-pi ê lâng ê sim-goān, Lí í-keng thiaⁿ-kìⁿ siaⁿ;
　　耶 和 華 啊，謙 卑 的 人 的 心 願，Ｌｉ２　 已 經 聽 見 聲；
17b　　　Lí beh pī-pān in ê sim, Lí beh àⁿ hī-khang lâi thiaⁿ.
　　　　Ｌｉ２　要 備 辦 伊 的 心，Ｌｉ２要 俯 耳 孔 來 聽。

18a　Beh thòe bô pē ê kiáⁿ, í -ki̍p siū ap-pek ê lâng sin-oan.
　　要 替 無 父 的 子，以 及 受 壓 逼 的 人 伸 冤。
18b　　　Hō͘ sè-kan-lâng bô koh háng-hoah lâng ê pháiⁿ si̍p-koàn.
　　　　使 世 間 人 無 再 喊 喝 人 的 壞 習 慣。