《押韻啟應詩篇》

 | | | 轉寄

台語押韻啟應詩篇 99

作者 Tīⁿ Jî-gio̍k 2008.01.07

99

1a　Iâ-hô-hoa chòe ông chip-chèng,
　　耶 和 華 做 王 執 政，

1b　　　Lia̍t-pang tio̍h ngia̍uh-ngia̍uh-chhoah;
　　　　列 邦 著 蠕 蠕 惙；

1c　I chē tī ki -lō͘-peng,
　　祂 坐 在 基 路 兵，

1d　　　Tōe tio̍h iô-tāng hán-hoah,
　　　　地 著 搖 動 喊 喝，

2a　Iâ-hô-hoa tī Sek-an chòe tōa;
　　耶 和 華 在 錫 安 做 大；

2b　　　I pôaⁿ-kè tī bān peh-sìⁿ ê téng-bīn hiah tōa.
　　 　　祂 pôaⁿ 過 在 萬 百 姓 的 頂 面 許 大。

3a　In tio̍h o-ló Lí tōa koh thang kiaⁿ-ùi ê miâ;
　　伊 著 讚美 你 大 又 通 驚 畏 的 名；

3b　　　Chú I sī chì-sèng ê miâ.
　　　　主 祂 是 至 聖 的 名。

4a　Ông ū khùi-la̍t hoaⁿ-hí kong-pêng;
　　王 有 氣 力 歡 喜 公 平；

4b　　　Lí hō͘ chèng-ti̍t kian-kò͘ an-tēng,
　　　　你 使 正 直 堅 固 安 定，

　　　　Tī NGÁ-KOK TIONG KIÂⁿ KONG-PÊNG KAP GĪ-LÍ Ê KOK-CHÈNG.
　　　　在 雅 各 中 行 公 平 與 義 理 的 國 政。

5a　Lín tio̍h chun-tiōng Iâ-hô-hoa lán ê Siōng-tè ,
　　恁 著 尊 重 耶 和 華 咱 的 上 帝，

5b　　　Tī I kha-ta̍h -í ê thâu-chêng kūi-pài Chì-sèng--ê .
　　 　　在 祂 腳 踏 椅 的 頭 前 跪 拜 至 聖 者。

6a　Tī I ê chè-si-tiong ū Mô͘-se kap A -lûn,
　　在 祂 的 祭 司 中 有 摩 西 與 阿 倫，

6b　　　Tī kiû-kiò I ê miâ ê lâng-tiong, ū Sat-bó͘-jíⁿ ê un-khûn.
　　　　在 求 叫 祂 的 名 的 人 中 ， 有 撒 母 耳 的 殷 勤。

6c　　In kiû-kiò Iâ-hô-hoa,
　　伊 求 叫 耶 和 華，

6d　　　I chiū thiaⁿ in koan-khòaⁿ. 　　
　　　　祂 就 聽 伊 觀 看 。

7a　I tī hûn-thiāu ê tiong-kan tùi in kóng ōe ;
　　祂在 雲 柱 的 中 間 對 伊 講 話；

7b　　　In chun-siú I kan-chèng ê ōe ,
　　　　伊 遵 守 祂 干 証 的 話，
　　　　kap I só͘ siúⁿ-sù in ê lu̍t-hoat lâi chòe.
　　　　與 祂 所 賞 賜 伊 的 律 法 來 做。

8a　Iâ-hô-hoa goán ê Siōng-tè ah ,
　　耶 和 華 阮 的 上 帝 啊，

8b　　　Lí ū ìn in ; Lí sui-jiân chiàu in ê só͘-kiâⁿ pò-èng in ,
　　　　你 有 應 伊；你 雖 然 照 伊 的 所 行 報 應 伊，

　　　　IÁU-KÚ LÍ SĪ SIÀ-BIÁⁿ Iⁿ Ê SIŌNG-TÈ, TEH SI- Iⁿ .
　　　　猶 久 你 是 赦 免 伊 的 上 帝， 在 施 恩。

9a　Lín tio̍h chun-tiōng Iâ-hô-hoa lán ê Siōng-tè úi-tāi ,
　　恁 著 尊 重 耶 和 華 咱 的 上 帝 偉 大，

9b　　　Tī I ê sèng-soaⁿ kūi-pài;
　　　　在 祂 的 聖 山 跪 拜；

(齊聲)　Iⁿ-ŪI LÁⁿ Ê SIŌNG-TÈ IÂ-HÔ-HOA SĪ CHÌ-SÈNG Ê TÂI.
　　　　因 為 咱 的 上 帝 耶 和 華 是 至 聖 的 台。