《押韻啟應詩篇》

 | | | 轉寄

台語押韻啟應詩篇 97

作者 Tīⁿ Jî-gio̍k 2007.12.24

97

1a　Iâ-hô-hoa chòe ông; tōe tio̍h khoài-lo̍k;
　　耶 和 華 做 王； 地 著 快 樂；

1b　　　Chèng hái-sū tio̍h hoaⁿ-hí hō͘ I chiok-hok.
　　　　眾 海 嶼 著 歡 喜 受 祂 祝 福。

2a　Ba̍t-hûn kap o͘-àm tī sì -ûi ûi I ,
　　密 雲 與 黑 暗 在 四 圍 圍 祂，

2b　　　Gī -lí kap kong-pêng sī I pó-chō ê tōe -ki .
　　　　義 理 與 公 平 是 祂 寶 座 的 地 基。

3a　Hé kiâⁿ tī I ê bīn-chêng,
　　火 行 在 祂 的 面 前，

3b　　　Sio I sì-ûi ê tùi-te̍k bia̍t-chéng.
　　　　燒 祂 四圍 的 對 敵 滅 種。

4a　I ê sih-nà chiò-kng sè-kài;
　　祂的 閃 電 照 光 世 界；

4b　　　Tōe khòaⁿ-kìⁿ, chiū tín-tāng lâi ai .
　　　　地 看 見， 就 振 動 來 哀。

5a　Tī Iâ-hô-hoa ê bīn-chêng, chiū-sī choân-tōe ê Chú ê bīn-chêng,
　　在 耶 和 華 的 面 前 ， 就 是 全 地 的 主 的 面 前，

5b　　　Chiah-ê soaⁿ siau-iûⁿ chhin-chhiūⁿ la̍h bô hêng.
　　　　諸 些 山 消 溶 親 像 臘 無 形。

6a　Chiah-ê thiⁿ hián-bêng I ê gī ,
　　諸 些 天 顯 明 祂 的 義，

6b　　　Lia̍t-pang khòaⁿ-kìⁿ I ê êng-kng bû-jī .
　　　　列 邦 看 見 祂 的 榮 光 無 二。

7a　Hoān-nā ho̍k-sāi tiau-khek ê ngó͘-siōng--ê ,
　　凡 若 服 侍 雕 刻 的 偶 像 的，

7b　　　Ēng hu-ké ê sîn chū-khoa--ê ,
　　　　用 虛 假 的 神 自 誇 的，

7c　Lóng tio̍h siū kiàn-siàu tò-thè,
　　攏 著 受 見 誚 倒 退，

7d　　　Lín chiah-ê sîn-bêng ah , lóng tio̍h kèng-pài Chú éng-sè .
　　　　恁 諸 些 神 明 啊，攏 著 敬 拜 主 永 世。

8a　Iâ-hô-hoa ah, in -ūi Lí ê phòaⁿ-toàn kong-gī ,
　　耶 和 華 啊，因 為 你 的 判 斷 公 義，

8b　　　Sek-an thiaⁿ-kìⁿ chiū hoaⁿ-hí ,
　　　　錫 安 聽 見 就 歡 喜，
　　　　Iû-tāi ê siâⁿ ia̍h lóng khoài-lo̍k bô pí .
　　　　猶 大 的 城 亦 攏 快 樂 無 比。

9a　In-ūi Iâ-hô-hoa Lí sī chì-koân pôaⁿ-kè choân-tōe;
　　因為 耶 和 華 你 是 至 高 pôaⁿ 過 全 地；

9b　　　Lí sī chì-chun, pôaⁿ-kè chèng sîn-bêng bô-hān pōe.
　　　　你 是 至 尊， pôaⁿ 過 眾 神 明 無 限 倍。

10a　Thiàⁿ Iâ-hô-hoa ê jîn-sū,
　　　愛 耶 和 華 的 人 士，

10b　　　Lín lóng tio̍h oàn-hūn pháiⁿ-sū .
　　　　　恁 攏 著 怨 恨 歹 事。

10c　I pó-hō͘ I sèng ê peh-sìⁿ ê sìⁿ-miā kiâⁿ chín-kiù,
　　　祂 保 護 祂 聖 的 百 姓 的 性 命 行 拯 救，

10d　　　I chín-kiù in thoat-lī pháiⁿ-lâng ê chhiú.
　　　　　祂 拯 救 伊 脫 離 歹 人 的 手 。

11a　Kng-bêng sī ūi-tio̍h gī-lâng lâi pī-pān,
　　　光 明 是 為 著 義 人 來 備 辦，

11b　　　Hoaⁿ-hí sī ūi-tio̍h sim chèng-ti̍t ê lâng lâi pī-pān.
　　　　　歡 喜 是 為 著 心 正 直 的 人 來 備 辦。

12a　Gī-lâng ah , lín tio̍h in-ūi Iâ-hô-hoa lâi hoaⁿ-hí ;
　　　義 人 啊， 恁 著 因 為 耶 和 華 來 歡 喜；

12b　　　Kì-liām I ê sèng-miâ lâi chàn-bí .
　　　　　紀 念 祂 的 聖 名 來 讚 美。