《押韻啟應詩篇》

 | | | 轉寄

台語押韻啟應詩篇 92

作者 Tīⁿ Jî-gio̍k 2007.11.18

92　　An-hioh-ji̍t ê Si-koa.

1a　Chin hó lah , kám-siā Iâ-hô-hoa,
　　真 好 啦， 感 謝 耶 和 華，

1b　　　Chhiùⁿ-koa o -ló Lí Chì-koân--ê ê miâ bô soah.
　　　　唱 歌 讚 美 你 至 高 者 的 名 無 息。

2a　Chá-khí-sî pò-iông Lí ê chû-ài ;
　　早 起 時 報 揚 你 的 慈 愛；

2b　　　Ê- hng-sî pò-iông Lí ê sìn-si̍t kàu bān sè-tāi .
　　　　瞑 昏 時 報 揚 你 的 信 實 到 萬 世 代。

3a　Ēng cha̍p-tiâu-hiân ê ga̍k-khì kap sek,
　　用 十 條 弦 的 樂 器 及 瑟，

3b　　　Ēng khîm tôaⁿ chong-giâm ê siaⁿ-im o-ló kàu ke̍k.
　　　　用 琴 彈 莊 嚴 的 聲 音 讚美 至 極。

4a　In -ūi Iâ-hô-hoa Lí ēng Lí ê só͘-kiâⁿ hō͘ góa hoaⁿ-hí ;
　　因 為 耶 和 華 你 用 你 的 所 行 使 我 歡 喜；

4b　　　Góa beh in-ūi Lí ê chhiú só͘ chòe--ê lâi khoài-lo̍k bô pí .
　　　　我 要 因 為 你 的 手 所 做 的 來 快 樂 無 比。

5a　Iâ-hô-hoa, Lí ê só͘-chòe cháiⁿ-iūⁿ hiah tōa !
　　耶 和 華，你 的 所 做 怎 樣 許 大！

5b　　　Lí ê sim-sū ke̍k-kî chhim-khoah.
　　　　你 的 心 事 極 其 深 闊。

6a　Bû-ti ê lâng bōe hiáu-tit pó sī bô kè ,
　　無 知 的 人 不 曉 得 寶 是 無 價，

6b　　　Gû-chhún ê lâng ia̍h bōe bêng-pe̍k chit-ê .
　　　　愚 蠢 的 人 亦 不 明 白 此 個。

7a　Pháiⁿ-lâng hoat-siⁿ chhin-chhiūⁿ chháu chiām-sî ,
　　歹 人 發 生 親 像 草 暫 時，

7b　　　It- chhè chòe-pháiⁿ ê lâng bō͘-sēng ê sî ,
　　　　一 切 做 歹 的 人 茂 盛 的時，
　　　　chiàⁿ-sī in beh bia̍t-bô kàu éng-oán ê sî .
　　　　正 是 伊 要 滅 無 到 永 遠 的時。

8　　CHÓNG-SĪ IÂ-HÔ-HOA LÍ SĪ CHÌ-KÔAⁿ--Ê , TI̍T-KÀU ÉNG-ÓAⁿ.
　　　總 是 耶 和 華 你 是 至 高 者，直 到 永 遠。

9a　Iâ-hô-hoa ah , Lí ê tùi-te̍k teh kiau-so,
　　耶 和 華 啊，你 的 對 敵 在 教 唆，
　　Lí khòaⁿ, Lí ê tùi-te̍k tek-khak bia̍t-bô;
　　你 看 ， 你 的 對 敵 的 確 滅 無；

9b　　　It- chhè chòe-pháiⁿ ê lâng ia̍h beh sì-sòaⁿ siau bô.
　　　　一 切 做 歹 的 人 亦 要 四 散 消 無。

10a　Chóng-sī Lí hō͘ góa ê kak kia̍h koân,
　　　總 是 你 使 我 的 角 舉 高，
　　 chhin-chhiūⁿ iá -gû ê kak hiah koân,
　　　 親 像 野 牛 的 角 許 高，

10b　　　Góa siū sin ê iû boah siū kéng-soán.
　　　　　我 受 新 的油 抹 受 揀 選。

11a　Góa chhin-ba̍k khòaⁿ-kìⁿ góa ê tùi-te̍k tú-tio̍h pò-èng kái-koat;
　　　我 親 眼 看 見 我 的 對 敵 遇 著 報 應 解 決；

11b　　　Góa chhin-hī thiaⁿ-kìⁿ
　　　　　我 親 耳 聽 見
　　　　hiah-ê khí-lâi kong-kek góa ê pháiⁿ-lâng siū hêng-hoa̍t.
　　　　　那 些 起 來 攻 擊 我 的 歹 人 受 刑 罰。

12a　Gī-lâng beh heng-ōng chhin-chhiūⁿ chó-chhiū;
　　　義 人 要 興 旺 親 像 棗 樹；

12b　　　Beh tióng-tōa chhin-chhiūⁿ Lī-pa-lùn ê pek-hiuⁿ-chhiū.
　　　　　要 長 大 親 像 黎 巴 嫩 的 柏 香 樹 。

13a　Kìⁿ-nā chai tī Iâ-hô-hoa ê chhù ê chhiū-chai,
　　　凡 若 栽 在 耶 和 華 的 厝 的 樹 栽，

13b　　　Beh heng-ōng tī lán ê Siōng-tè ê īⁿ -lāi .
　　　　　要 興 旺 在 咱 的 上 帝 的 院 內。

14a　In nî-lāu ê sî iû-goân beh kiat ké-chí chin ko-kùi,
　　　伊 年 老 的 時 猶 原 要 結 果 子 真 高 貴，

14b　　　In ê chiap móa-móa, sek chhiⁿ-chhùi;
　　　　　伊 的 汁 滿 滿， 色 青 翠；

15a　Thang hián-bêng Iâ-hô-hoa sī chèng-gī ,
　　　通 顯 明 耶 和 華 是 正 義，

15b　　　I sī góa ê chio̍h-pôaⁿ tōe-ki , I lóng bô put-gī .
　　　　　祂是 我 的 石 磐 地 基，祂攏 無 不 義。