《台語chit條路》

 | | | 轉寄

《台語chit條路》--加學、加聽，做肥底 ─ 洪惟仁訪問(四)

作者 楊允言 2008.05.25

凰：chit-má oan-ná六十外？ 洪：chit-má六十幾歲a ，hit當時三十五niâ，我講，蔡茂豐哪會chiah少年，我料做老阿公a leh。以後我翻譯，翻譯幾lō年，我靠che生活mà，我著想講，he日本á寫冊，也無比我khah gâu leh，我soah bōe曉家己寫，著m̄著？小生理秘訣lah，koh chit-má我版稅mā iá koh teh？，我tī he聯經出版社kā in出版差不多多六、七本，其他ê iá koh有，永過一年差不多多四、五萬。 凰：一本四、五萬？ 洪：攏總lah。逐年攏mā有？chit-má差不多兩萬，舊冊a，無人買。 言：he是抽siâⁿ iá是按怎？ 洪：抽版稅，所以我翻譯hit幾本冊，出版了後oan-ná算做支持我生活ê一部分。 研究台語 凰：你ê台灣話是按怎開始研究ê？ 洪：siōng起頭是家tī無師自通ê，像講台灣話有七音，我家tī發現ê，家tī發明一套漁號，hit chūn根本著無老師a。 後來真正語言學入門，是kap鐘露昇教授學ê，伊定定愛去做方言調查，我著攏tòe伊那做，算是實習。chit-má讀語言學ê，全理論，阮hit chūn m̄是。hit當時台灣做方言調查做尚chē著是鐘露昇。 廖：;老師你hit chūn做方言調查是按怎做？ 洪：其實我tòe老師做干taⁿ做兩ê方言niâ，老師？一本普林斯頓ê方言調查表，做調查。hit當時阮kap美國華盛頓大學hit ê羅杰瑞教授做伙做，伊chit-má是美國hit？研究漢語方言「第一把交椅」，但是hit當時伊來台灣是iá koh teh寫博士論文，teh收集資料，著kap鐘露昇做伙做方言調查，做閩北，也有山地ê，in兩ê那做ê時chūn，我著tiàm邊a那學，看in按怎做，我著按怎記，咱che巧巧仔人，看著會曉a，阮hit chūn訓練無通好像chit-má我teh訓練學生按呢一字仔一字仔kā in講neh，in ti7hia做，你若問siuⁿ多著kā你講：『mài吵lah，mài吵lah！』按呢你知無？但是咱有一ê概念a，我耳仔koh好，koh語音學有訓練過。 言：以後kám有一直繼續做調查？ 洪：去牛奶島大學有小khòa仔做淡薄仔，出來了後一直做翻譯，完全停止。以後哪會想beh koh tńg來做台語leh？著是，寫日吳語ê hit寡翻譯寫kah會煩，雖然hit當時我已經翻譯kah出名a，但是我chiok m̄甘願ê，我kám干taⁿ kā人翻譯ê才niâ？所以我著想beh來寫有關台語ê冊，第一本著是【河洛話聲調研究】，因為對聲調ê研究我真早著有心得，所以hit本冊寫兩、三個月著寫好a。