《台語chit條路》

 | | | 轉寄

《台語chit條路》--加學、加聽，做肥底 ─ 洪惟仁訪問(二十四)

作者 楊允言 2008.10.12

洪惟仁年表

1946 嘉義新港出世

1952 入新港國民學校

1958 國校畢業，考入嘉義中學

1959 搬去萬里，重考入基隆二中

1962 入基隆高中

1965 搬去金山，入文化中文系

1970 文化畢業，入師大國文所，兼認任東南工專講師，tòe鍾露昇老師學語言學

1972 師大國文所畢業，任辭修中學教師，入牛奶島(Green Islang)大學

1979 牛奶島畢業

1980 tī台北開一間日語補習班，失敗 kap黃美慈結婚，開始以翻譯日文書度日子

1981 生敦謙 tòe黃美慈去朴子開業助產士

1982 生敦涵

1983 搬去黃美慈後頭厝蒜頭開業

1985 開始做方言調查 【台灣河佬語聲調研究】自立出版

1986 【回歸鄉土回歸傳統】自立出版 tòa金山，tī各雜誌社做記者 【台灣禮俗語典】自立出版

1987 搬去石碇tòa一年 編【台灣漢語方言文獻分類書目】，無正式出版

1988 搬去汐止橫科 入中央研究院史語所做「台灣地區漢語方言調查研究計畫」助理 tī漢聲語文中心開第一期台語班

1989 《台語文摘》創刊 搬去汐止街仔 擔任史語所約聘助理研究員

1991 回復「台灣地區漢語方言調查研究計畫」助理

1992 《台語文摘》革新號創刊 【台灣方言之旅】、【台灣語言危機】、【台語文學與台語文字】前衛出版

1993 【閩南語經典辭書彙編】(一套十本)武陵出版 【台灣哲諺典】、【台語經典笑話】(《台語文摘》專刊) 日本交流協會フュロシッブ短期招聘，tī天理大學研究七個月

感想

歸暗攏是火車ê聲…

這是chit擺採訪計畫ê第一場採訪，mā是時間尚長ê一遍，ùi暗時九點一直到第二工早起六點。透暝開講ê感覺chiâⁿ好，但是，九塊錄音帶，對我來講實在是真大ê考驗。

hit工老師感冒，猶原接受阮ê採訪，心內感覺歹勢歹勢。後來kap滷卵、自敬檢討起chit件代誌，所得著ê結論是，hō͘箍面桶關過ê人，意志力khah強普通人。

ui3chit擺ê採訪，咱會凍看出，洪老師對台語確實有下過真大ê苦心。

討論ê問題，有一e5kap伊個人khah無直接關係，總是會凍提供hō͘關心台語文運動ê人做參考，所以只要kap台語有關ê部分我攏儘量kā整理出來。

用字方面，因為最近體會著造字所造成ê負擔kap無利便，所以chit段時間以來，用字勻勻仔teh做調整，放棄所有ê造字；另外，為著beh記泉州音，參考著TLPA ê記音方式，無用hyphen純粹是一種試驗！看tī無hyphen ê情形下，對讀是m̄是有啥麼影響。

以上。


負責人簡介

楊允言，1966年出世，台北人，88年台大資訊系、93年清華資訊所畢業，目前tī中央研究院資訊所做助理。

87年9月開始用台語寫物件，並且發起成立台大掌中劇團，92年5月擔任學生台灣語文促進會第一任會長。

88年開始tī《台灣新文化》、《台大建言》、《番藷仔》(台大掌中劇團社刊)、《濁水溪》…等等ê刊物頂面發表台語文章。90年開始陸續翻譯一寡華語小說，其中，〈墜馬西門〉(原作者：阿盛)刊tī《台灣文藝》122期(90.12)，〈海鼻新娘〉(原作者：宋澤萊，原名〈岬角上的新娘〉刊tī《台灣文藝》124期tī (91.04)；另外，有寫一篇〈台語文字化ê過去kap現在〉發表tī《台灣史料研究》第一號(93.02)，其他ê文章主要發表tī《台語學生》。

編過ê台語刊物包括《台語文摘》第11至15期許kap高穎亮，91年8月至12月)、《台語風》第一期(mā干taⁿ出一期，92年2月)、《台語學生》第一期(92年9月，kap淑惠)、《台語文摘》革新號第八期(散文選，93年12月)。

台語作品參加徵文比賽bat著獎ê，包括〈多難ê歷史，多難ê人民〉(第10屆鹹份地帶，92年，散文組第三名)、〈Miiome─鄒族記事〉(台文通訊兩周年，93年，散文組第一名)、〈關係台語文運動ê一寡想法〉(《台文通訊》兩周年，評論組第三名)。