《用咱ê話唸Ιn ê詩》

 | | | 轉寄

《心城》"City of the Heart" Chhutpán ê ōe/出版ê話

作者 TAPLINGER chhut-pán kong-si, New York 2021.01.03

Robert J. Smithdas sī Bíkok sijîn, tī só͘ū sijîn tiongkan, i lóng sī chin lântit ê jînbu̍t, Smithdas siansiⁿ iáu chin sèhàn ê sî to̍h sitkhì sīle̍k kah thiaⁿle̍k.

Tī i kui sìlâng ê hùntàu tiong, i khekho̍k itchhè kanlân ê chiònggāi, " Sim Siâⁿ " chiū ánne tànseng. Che sī chi̍t pún sichi̍p, chhionghun hiánbêng chit ūi kia̍tchhut sijîn hō͘ lâng ìnsiōng chhimkhek ê suchêng châilêng.

Tùi "sùkùi" khai tiûⁿ ê kántan sikù kàu ji̍tsiông sengo̍ah tiong siōng chhinbi̍t ê si, " Sim Siâⁿ " sī teh ūi chokchiá ê sêngkong hùntàu chò kiànchèng. Smithdas siansiⁿ ū se̍kliān ê chhiúkang, siūⁿ kóng i ê sikoa sī chūhoattek ê kòjîn tînsu̍t, m̄koh, che suiàu tùi gígiân sèchiat ū chhionghun ê koansim chùì. I tī sūgiân tiong siá kóng,"Góa chhòngchok chiahê si, sī inūi kúinā nî lâi góa ê sim teh hiòng góa chhiùⁿ koa, inūi chhiⁿchhám koh bílē ê chêngsū á.sī kiônglia̍t ê chêngkám, hō͘ góa ohtit kā kakī ê susióng kah kámchêng kūthé hòa lâi ēng gígiân piáuta̍t. Inūi siuⁿkòe chūhoattek, chiahê sû soah hoānlām chiâⁿchò góa ê ìsek, jîchhiáⁿ kā kakī sokchō chiâⁿchò koakhek; m̄koh koh khah siông kìⁿ ê sī, góa hoatkiàn kakī tng teh chhiauchhōe kahná bêkiong ê hâmgī gígiân, chhōetio̍h siōng ētàng hō͘ lâng sìnho̍k ê tansû kah siōng ha̍plí ê chiatchàu, lâi sokchō góa ê chútê tiongsim."

" Sim Siâⁿ "ê thâuchi̍t pō͘hūn chhaputto ôanchôan sī chokchiá biâusiá koankiàn ê tôngnî sîkî tùi sīkak kah thiaⁿkak chhuthiān ê kìek, tùi chhunthiⁿ kàu kôaⁿthiⁿ, kohchài kàu chhunthiⁿ. Κah i ê lāubú, i ê pêngiú íkip i só͘ thiàⁿ ê lâng ê khoàilo̍k kah thòngkhó͘ ê koanhē. Κò͘sêng tē jī pō͘hūn sikoa ê chútê, kîtiong pauhâm kámtōng lâng ê si. Tē saⁿ pō͘hūn paukoat tùi lâng ê tîmsu kah lêngsèng sengo̍ah, koh khah su bi̍t ê piáuta̍t, siōng bóe ēng hit siú koanhē i bat khòaⁿkìⁿ ê kìek ê huihoân ê si chò kiatsok, chit siú si kiòchò "kng".

Bíkok ōese