《巴克禮普世版聖經「漢羅+Ruby」試讀本》

 | | | 轉寄

第六章

作者 巴克禮普世版小組 2012.02.05

關 係(koan-hē) 行 善(kiâⁿ-siān) ê 教示(kà-sī)

1 Lín tio̍h 謹慎(kín-sīn)， m̄-thang 為(ūi)tio̍h boeh hō͘ 人(lâng) 看(khoàⁿ)，tiâu-kang tī 人(lâng) ê 面 前(bīn-chêng) 展(tián) lín ê 敬 虔(kèng-khiân)。若(nā) án-ne 做(chò)，lín bē-tàng 得(tit)tio̍h 天父(thiⁿ-pē) ê 報賞(pò-siúⁿ)。
2 所以(só͘-í) 你(lí) 賑 濟(chín-chè) ê 時(sî)，親 像(chhin-chhiūⁿ) 假(ké) 好(hó) ê 人(lâng) tī 會 堂(hoē-tn̂g) kap 街路(ke-lō͘) 所(só͘) 做(chò) ê ài hō͘ 人(lâng) o-ló。我(goá) 實 在(si̍t-chāi) kā lín 講(kóng)：In 已經(í-keng) 得(tit)tio̍h in ê 報賞(pò-siúⁿ) à。
3 只有(chí-ū) 你(lí) 賑 濟(chín-chè) ê 時(sî)，m̄-thang hō͘ 你(lí) ê 倒 手(tò-chhiú) 知(chai) 你(lí) ê 正 手(chiàⁿ-chhiú) ê 所(só͘) 做(chò)；
4 你(lí) 若(nā) 恬 恬(tiām-tiām) 賑 濟(chín-chè) 人(lâng)，tī 暗 中(àm-tiong) teh 鑑 察(kàm-chhat) 人(lâng) ê 天父(thiⁿ-pē) 會(ē) 報賞(pò-siúⁿ) 你(lí)。

關 係(koan-hē) 祈禱(kî-tó) ê 教示(kà-sī) (Lk 11:2~4)

5 Lín 祈禱(kî-tó) ê 時(sî)，m̄-thang 親 像(chhin-chhiūⁿ) 假(ké) 好(hó) ê 人(lâng)；因為(in-ūi) in ài khiā tī 會 堂(hoē-tn̂g) kap 大(toā) 街面(ke-bīn) ê oat角(kak) 祈禱(kî-tó)，boeh hō͘ 人(lâng) 看(khoàⁿ)tio̍h。我(goá) 實 在(si̍t-chāi) kā lín 講(kóng)：In 已經(í-keng) 受(siū)tio̍h in ê 報賞(pò-siúⁿ) à。
6 只有(chí-ū) 你(lí) 祈禱(kî-tó) ê 時(sî)，tio̍h 入去(ji̍p-khì) 你(lí) ê 房 間 內(pâng-keng-lāi)，門(mn̂g) 關(koaiⁿ) 起來(khí-lâi)，求(kiû) 你(lí) ê 父(pē)，tī 暗 中(àm-tiong) teh 鑑 察(kàm-chhat) 人(lâng) ê 天父(thiⁿ-pē) 會(ē) 報賞(pò-siúⁿ) 你(lí)。
7 Koh lín 祈禱(kî-tó) ê 時(sî)，話(oē) m̄-thang ta̍uh-ta̍uh 重 複(têng-ho̍k)，親 像(chhin-chhiūⁿ) 未 信 者(bī-sìn-chiá)；因為(in-ūi) in 想(siūⁿ) 講(kóng) 真(chin) chē 話(oē)，chiah 得(tit)tio̍h 聽(thiaⁿ)tio̍h。
8 所以(só͘-í) lín m̄-thang 學(o̍h) in；因為(in-ūi) lín bē 求(kiû) 祂(I) ê 事 先(tāi-seng)，lín ê 父(pē) 已經(í-keng) 知(chai) lín 所(só͘) 欠 用(khiàm-ēng) ê。
9 所以(só͘-í) lín tio̍h án-ne 祈禱(kî-tó):阮(goán) tī 天 頂(thiⁿ-téng) ê 父(pē)，願(goān) 你(lí) ê 名(miâ) 聖(sèng)。
10 你(lí) ê 國(kok) 臨 到(lîm-kàu)。你(lí) ê 旨意(chí-ì) 得(tit) 成(chiâⁿ)，tī 地裡(tē-ni̍h) 親 像(chhin-chhiūⁿ) tī 天 頂(thiⁿ-téng)。
11 阮(goán) ê 日食(ji̍t-si̍t)，今(kin) á 日(ji̍t) hō͘ 阮(goán)。
12 赦 免(sià-bián) 阮(goán) ê 辜負(ko͘-hū)，親 像(chhin-chhiūⁿ) 阮(goán) 也(iā) 有(ū) 赦 免(sià-bián) 辜負(ko͘-hū) 阮(goán) ê 人(lâng)。
13 M̄-thang chhōa 阮(goán) 入(ji̍p) tī 試(chhì)，tio̍h 救(kiù) 阮(goán) 脫 離(thoat-lî) hit-ê pháiⁿ-ê。
14 因為(in-ūi) lín 若(nā) 赦 免(sià-bián) 人(lâng) ê 過 失(koè-sit)，lín ê 天父(thiⁿ-pē) 也(iā) boeh 赦 免(sià-bián) lín。 15 Lín 若(nā) 無(bô) 赦 免(sià-bián) 人(lâng) ê 過 失(koè-sit)，lín ê 父(pē) 也(iā) 無(bô) boeh 赦 免(sià-bián) lín ê 過 失(koè-sit)。

關 係(koan-hē) 禁 食(kìm-chia̍h) ê 教示(kà-sī)

16 Koh lín 禁 食(kìm-chia̍h) ê 時(sî)，m̄-thang 親 像(chhin-chhiūⁿ) 假(ké) 好(hó) ê 人(lâng) 面(bīn)帶(toà) 憂 愁(iu-chhiû)；因為(in-ūi) in 將(chiong) in ê 面(bīn) 變(piàn) pháiⁿ 看(khoàⁿ)，boeh hō͘ 人(lâng) 看(khoàⁿ)tio̍h in teh 禁 食(kìm-chia̍h)。我(goá) 實 在(si̍t-chāi) kā lín 講(kóng)：In 已經(í-keng) 受(siū)tio̍h in ê 報賞(pò-siúⁿ) à。
17 只有(chí-ū) 你(lí) 禁 食(kìm-chia̍h) ê 時(sî)，tio̍h 抹(boah) 你(lí) ê 頭(thâu)，洗(soé) 你(lí) ê 面(bīn)；
18 無(bô) hō͘ 人(lâng) 看(khoàⁿ) tio̍h 你(lí) teh 禁 食(kìm-chia̍h)，只有(chí-ū) hō͘ 看(khoàⁿ) bē tio̍h ê 天父(thiⁿ-pē) 知 影(chai-iáⁿ)，án-ne hit 位(ūi) 暗 中(àm-tiong) 看 見(khoàⁿ-kìⁿ) 你(lí) 所做(só͘-chò) ê,天父(thiⁿ-pē) 會(ē) 報賞(pò-siúⁿ)你(lí)。

天 頂(thiⁿ-téng) ê 財 寶(châi-pó) (Lk 12:33~34)

19 M̄-thang 為(ūi)tio̍h 家己(ka-kī) 積 聚(chek-chū) 財 寶(châi-pó) tī 地裡(tē-ni̍h)，tī-hia 有(ū) 蟲(thâng) 會(ē) 咬(kā), 會(ē) 生(seⁿ)sian, 也(iā) 有(ū) 賊(chha̍t)á 會(ē) iah孔(khang) 來(lâi)偷(thau)the̍h。
20 只有(chí-ū) 為(ūi)tio̍h 家己(ka-kī) 積 聚(chek-chū) 財寶(châi-pó) tī 天 頂(thiⁿ-téng)無(bô) 蟲(thâng), 也(iā) bē 生(seⁿ)sian, 也(iā) 無(bô) 賊(chha̍t)á 會(ē) iah孔(khang) 來(lâi)偷(thau)the̍h。
21 因為(in-ūi) lín ê 財寶(châi-pó) tī hia，lín ê 心(sim) 也(iā) boeh tī hia。

身 軀(sin-khu) ê 燈(teng) (Lk 11:34~36)

22 身 軀(sin-khu) ê 燈(teng) 就是(chiū-sī) 目 睭(ba̍k-chiu)；你(lí) ê 目 睭(ba̍k-chiu) 若(nā) 金(kim)，全(choân) 身 軀(sin-khu) 就(chiū) 光(kng)。
23 你(lí) ê 目 睭(ba̍k-chiu) 若(nā) 花(hoe)，全(choân) 身 軀(sin-khu) 就(chiū) 暗(àm)。你(lí) 內面(lāi-bīn) ê 光(kng) 若(nā) 暗(àm)，hit-ê 暗(àm) jōa 大(toā) ah！

上 主(siōng-chú) kap 錢 財(chîⁿ-châi) (Lk 16:13；12:22~31)

24 無(bô) 人(lâng) 會(ē) 服 事(ho̍k-sāi) 兩(nn̄g) 個(ê) 主 人(chú-lâng)；因為(in-ūi) 伊(i) ē 怨 恨(oàn-hūn) chit-ê，疼(thiàⁿ) hit-ê;á是(sī) 會(ē) 尊 重(chun-tiōng) chit-ê，看 輕(khoàⁿ-khin) hit-ê;lín bē-tàng 服 事(ho̍k-sāi) 上 主(siōng-chú) 續(soà) 服 事(ho̍k-sāi) 錢 財(chîⁿ-châi)。
25 所以(só͘-í) 我(goá) kā lín 講(kóng)：M̄-thang 掛慮(khoà-lū) lín ê 性命(sìⁿ-miā) boeh 食(chia̍h) 甚麼(sím-mi̍h)，boeh lim 甚麼(sím-mi̍h)，á是(sī) lín ê 身 軀(seng-khu) boeh 穿(chhēng) 甚麼(sím-mi̍h)。Lín ê 性 命(seⁿ-miā) kiám m̄是(sī) 比(pí) 食 物(chia̍h-mi̍h) khah 要緊(iàu-kín), 身 軀(seng-khu) kiám m̄是(sī) 比(pí) 衫 褲(saⁿ-khò͘) khah 要緊(iàu-kín)？
26 試 看(chhì-khoàⁿ) 空 中(khong-tiong) ê 飛 鳥(poe-chiáu)，無(bô) 種 作(chèng-choh)，無(bô) 收 成(siu-sêng)，無(bô) 積 聚(chek-chū) tī 粟 倉(chhek-chhng)，lín ê 天父(thiⁿ-pē) 也(iā) teh 飼(chhī) in。Lín kiám 無(bô) 比(pí) hiah-ê khah 貴 重(kùi-tiōng) mah？
27 Lín 甚麼(sím-mi̍h) 人(lâng) ē 用(ēng) 掛 慮(khoà-lū) hō͘ 性命(seⁿ-miā) khah 長(tn̂g) 一(chi̍t) 刻(khek) 久(kú)？
28 啥事(siáⁿ-sū) 為(ūi)tio̍h 衫 褲(saⁿ-khò͘) 掛慮(khoà-lū) ah？你(lí) 想(siūⁿ) 看(khoàⁿ) bāi lè, 山 裡(soaⁿ-ni̍h) ê 百 合 花(pek-ha̍p-hoe)，怎 樣(cháiⁿ-iūⁿ) 大(toā) 叢(châng)；in 無(bô) 勞苦(lô-khó͘)，無(bô) 紡 織(pháng-chit)；
29 m̄-koh 我(goá) kā lín 講(kóng)：當(tng) 所羅門(só͘-lô-bûn) 榮 華(êng-hoâ) 富貴(hù-kùi)ê 時(sî)，伊(i) 所(só͘) 穿(chhēng) ê m̄ 值(ta̍t)tio̍h chiah-ê 花(hoe) ê 一(chi̍t) 蕊(lúi)。
30 Taⁿ 山 裡(soaⁿ-ni̍h) ê 草(chháu)，今(kin)á日(ji̍t) tī-teh，明(bêng)á日(ji̍t) hiat tī 火 爐(hoé-lô͘)，上 主(siōng-chú) hō͘ 伊(i) 穿(chhēng) 到(kàu) án-ne，何 況(hô-hóng) lín，小(sió) 信(sìn) ê 人(lâng) ah？
31 所以(só͘-í) m̄-thang 掛 慮(khoà-lū) 講(kóng)：阮(goán) boeh 食(chia̍h) 甚麼(sím-mi̍h)？Boeh lim 甚麼(sím-mi̍h)？Boeh 穿(chhēng) 甚麼(sím-mi̍h)？
32 因為(in-ūi) chiah-ê lóng 是(sī) 未 信 者(bī-sìn-chiá) 所(só͘) 追求(tui-kiû) ê;lín ê 天 父(thiⁿ-pē) 也(iā) 知(chai) chiah-ê lóng 是(sī) lín 欠 用(khiàm-ēng) ê。
33 只有(chí-ū) 事 先(tāi-seng) 求(kiû) 祂(I) ê 國(kok) kap 祂(i) ê 義(gī)，祂(I) 自 然(chū-jiân)會(ē) 將(chiong) 其他(kî-tha) 一切(it-chhè)ê 物(mi̍h) lóng 賞賜(siú-sù) hō͘ lín。
34 所以(só͘-í) m̄-thang 為(ūi)tio̍h 明(bîn)á日(ji̍t) 掛 慮(khoà-lū)；因為(in-ūi) hit-ê 明(bîn)á日(ji̍t)，伊(i) boeh 家己(ka-kī) 掛 慮(khoà-lū)。一日(chi̍t-ji̍t) ê 艱 苦(kan-khó͘) 一 日(chi̍t-ji̍t) 當(tng)。