《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 路加福音第二十三章

作者 巴克禮普世版小組 2013.09.15

耶穌(iâ-so͘)Tī彼拉多(pí-lia̍p-to)面 前(bīn-chêng)受 審 問(siū sím-mn̄g) (太27：1-2，11-14；可15：1-5；約(iok)18：28-38)
1全 體(choân-thé)議員(gī-oân)lóng khiā起來(khí-lâi)，kā耶穌(iâ-so͘)押去(ah-khì)彼拉多(pí-lia̍p-to)ê面 前(bīn-chêng)。2 In控 告(khòng-kò)講(kóng)：「阮(goán)看(khòaⁿ)chit-ê人(lâng)迷惑(bê-he̍k)阮(goán)ê民 族(bîn-cho̍k)，禁 止(kìm-chí)人(lâng)納 稅(la̍p-sòe)hō͘皇 帝(hông-tè)，koh自(chū)稱 做(chheng-chò)基督(ki-tok)，做 王(chò ông)。」3彼拉多(pí-lia̍p-to)問耶穌(mn̄g iâ-so͘)講(kóng)：「祢(lí)是(sī)猶 太 人(iû-thài-lâng)ê王(ông)是無(sī-bô)？」耶穌(iâ-so͘)應 講(ìn-kóng)：「是(sī)，照(chiàu)你講(lí kóng)án-ne。」4彼拉多(pí-lia̍p-to)對(tùi)hiah-ê祭司長(chè-si-tiúⁿ)kah kui陣(tīn)ê人(lâng)講(kóng)：「我 看(góa khòaⁿ)chit-ê人(lâng)無 罪(bô-chōe)。」5 M̄-koh in jú堅 持(kian-chhî)講(kóng)：「祂(i)tùi加利利省(ka-lī-lī-séng)開始(khai-sí)，taⁿ來到(lâi-kàu)chia，tī猶太(iû-thài)全 地(choân-tē)教示人(kà-sī lâng)，煽 動(siàn-tōng)人民(jîn-bîn)。」

耶穌(iâ-so͘)Tī希律(hi-lu̍t)ê面 前(bīn-chêng)
6彼拉多(pí-lia̍p-to)一下 聽(chi̍t-ē thiaⁿ)tio̍h，就 問(chiū mn̄g)看(khòaⁿ)chit-ê人(lâng)是(sī)加利利人(ka-lī-lī-lâng)á m̄是(sī)。7伊(i)一下 知(chi̍t-ē chai)耶穌(iâ-so͘)屬(sio̍k)tī希律(hi-lu̍t)所 管 轄(só͘ koán-hat)，就(chiū)kā祂(i)送 去(sàng-khì)希律(hi-lu̍t)hia。Hit時(sî)希律 人(hi-lu̍t lâng)mā tī耶路撒 冷(iâ-lō͘-sat-léng)。8希律(hi-lu̍t)看(khòaⁿ)tio̍h耶穌(iâ-so͘)真 歡 喜(chin hoaⁿ-hí)，因為(in-ūi)伊(i)bat聽(thiaⁿ)tio̍h耶穌(iâ-so͘)ê tāi-chì，一直(it-ti̍t)ài beh見(kìⁿ)祂(i)，koh ǹg望(bāng)ē-tàng看(khòaⁿ)tio̍h祂(i)行 神 跡(kiâⁿ sîn-jiah)。9希律(hi-lu̍t)問耶穌(mn̄g iâ-so͘)真(chin)chē tāi-chì，m̄-koh耶穌(iâ-so͘)lóng無應(bô ìn)伊(i)半 句(pòaⁿ-kù)。10祭司長(chè-si-tiúⁿ)kah經 學 教 師(keng-ha̍k kàu-su)khiā起來(khí-lâi)，極 力(ke̍k-le̍k)控 告(khòng-kò)耶穌(iâ-so͘)。11希律(hi-lu̍t)kah伊(i)ê兵(peng)mā kā祂(i)侮 辱(bú-jio̍k)、戲弄(hì-lāng)。然 後(jiân-āu)kā祂(i)穿(chhēng)一 領(chi̍t-niá)真(chin)súi ê長 袍(tn̂g-phàu)，chiah kā祂(i)送(sàng)tńg去(khì)還(hêng)彼拉多(pí-lia̍p-to)。12希律(hi-lu̍t)kah彼拉多(pí-lia̍p-to)本 來(pún-lâi)有結 怨(ū kiat-oàn)，tùi hit一日(chi̍t-ji̍t)起(khí)soah變(piàn)做 朋 友(chò pêng-iú)。

耶穌(iâ-so͘)Hông判 死 刑(phòaⁿ sí-hêng) (太27：15-26；可15：6-15；約(iok)18：39-19。16)
13彼拉多(pí-lia̍p-to)召(tiàu)hiah-ê祭司長(chè-si-tiúⁿ)、官 員(koaⁿ-oân)kah人民(jîn-bîn)來(lâi)，14 kā in講(kóng)：「Lín押(ah)chit-ê人(lâng)來(lâi)我(góa)chia，控 告(khòng-kò)祂(i)煽 動(siàn-tōng)人民(jîn-bîn)。Taⁿ我(góa)tī lín ê面 前(bīn-chêng)kā祂(i)審 問(sím-mn̄g)，m̄-koh我(góa)查(chhâ)lóng無(bô)lín告(kò)祂(i)ê罪(chōe)。15希律(hi-lu̍t)mā認 定(jīm-tēng)祂(i)無 罪(bô-chōe)，chiah將(chiong)祂(i)送(sàng)tńg來 還(lâi hêng)咱(lán)。可 見(khó-kiàn)祂(i)無(bô)做 甚 麼(chò sím-mi̍h)應 該(eng-kai)死(sí)ê tāi-chì。16所以(só͘-í)我(góa)beh kā祂(i)鞭(piⁿ)phah，教示(kà-sī)一下(chi̍t-ē)chiah放(pàng)伊(i)去(khì)。」17每年(múi-nî)ê Pôaⁿ過 節(kòe-cheh)，總 督(chóng-tok)tio̍h照(chiàu)in ê要求(iau-kiû)kā in放(pàng)一個(chi̍t-ê)犯 人(hoān-lâng)。(有(ū)ê版 本(pán-pún)無(bô)chit節(cheh)) 18群 眾(kûn-chiòng)同 齊(tâng-chê)大 聲(tōa-siaⁿ)hoah講(kóng)：「Tio̍h除去(tû-khì)chit-ê人(lâng)，放(pàng)巴拉巴(pa-lia̍p-pa)hō͘阮(goán)。」19 Chit-ê巴拉巴(pa-lia̍p-pa)，因為(in-ūi)tī城內(siâⁿ-lāi)作 亂(chok-loān)koh thâi死(sí) 人(lâng)，chiah關 落 監(koaiⁿ lo̍h-kaⁿ)。20彼拉多(pí-lia̍p-to)beh ài放(pàng)耶穌(iâ-so͘)，就(chiū)koh對 眾 人(tùi chèng-lâng)講(kóng)一(chi̍t)pái。21 M̄-koh in大 聲(tōa-siaⁿ)hoah講(kóng)：「Kā伊(i)釘(tèng)十字架(si̍p-jī-kè)，Kā伊(i)釘(tèng)十字架(si̍p-jī-kè)。」22彼拉多(pí-lia̍p-to)第三(tē-saⁿ)pái對(tùi)in講(kóng)：「是(sī)án怎(chóaⁿ)？祂(i)kám有(ū)做 甚 麼(chò sím-mi̍h)pháiⁿ tāi-chì？我 看(góa khòaⁿ)伊(i)無應 該(bô eng-kai)死(sí)ê罪(chōe)，所以(só͘-í)我(góa)beh kā祂(i)鞭(piⁿ)phah，教示(kà-sī)一下(chi̍t-ē)chiah放(pàng)祂(i)去(khì)。」23 M̄-koh in繼 續(kè-sio̍k)大 聲(tōa-siaⁿ)hoah要求(iau-kiû)kā耶穌(iâ-so͘)釘(tèng)十字架(si̍p-jī-kè)，最 後(chòe-āu)in ê聲(siaⁿ)soah khah贏(iâⁿ)。24彼拉多(pí-lia̍p-to)就 照(chiū chiàu)in所求(só͘ kiû)ê來 宣 判(lâi soan-phòaⁿ)：25放(pàng)in所要求(só͘ iau-kiû)hit-ê因為(in-ūi)作 亂(chok-loān)koh thâi死(sí) 人(lâng)，hō͘人(lâng)關 落 監(koaiⁿ lo̍h-kaⁿ)ê巴拉巴(pa-lia̍p-pa)；將(chiong)耶穌(iâ-so͘)交(kau)hō͘ in，順(sūn)in ê意思(ì-sù)去 處 理(khì chhú-lí)。

耶穌(iâ-so͘)Hông釘(tèng)十字架(si̍p-jī-kè) (太27：32-44；可15：21-32；約(iok)19：17-27)
26兵(peng)á押(ah)耶穌(iâ-so͘)去(khì)ê時(sî)，有一個(ū chi̍t-ê)古利奈(kó͘-lī-nāi)ê人(lâng)名 叫(miâ-kiò)西門(se-bûn)tùi庄 腳(chng-kha)來(lâi)。In kā伊(i)khiú來(lâi)，將(chiong)十字架(si̍p-jī-kè)khòa帶(tòa)伊(i)ê肩 頭(keng-thâu)hō͘伊(i)giâ，來(lâi)tòe耶穌(iâ-so͘)ê後面(āu-bīn)行(kiâⁿ)。27有(ū)一 大陣(chi̍t tōa-tīn)人(lâng)teh tòe耶穌(iâ-so͘)，其 中(kî-tiong)有(ū)一(chi̍t)kóa婦人 人(hū-jîn-lâng)為(ūi)祂(i)悲 傷(pi-siong)啼 哭(thî-khàu)。28耶穌(iâ-so͘)oa̍t頭(thâu)對(tùi)in講(kóng)：「耶路撒 冷(iâ-lō͘-sat-léng)ê婦人 人(hū-jîn-lâng)ah，lín m̄免(bián)為我(ūi góa)啼 哭(thî-khàu)，tio̍h為(ūi)lín家己(ka-kī)kah lín ê kiáⁿ兒(jî)來 啼 哭(lâi thî-khàu)！29因為(in-ūi)時(sî)teh-beh到(kàu)，人(lâng)會講(ē kóng)：『Bē懷孕(hoâi-īn)，m̄-bat生(seⁿ)kiáⁿ，m̄-bat hō͘ gín-á食 奶(chia̍h-leng)ê婦人 人(hū-jîn-lâng)真有(chin ū) 福 氣(hok-khì)。』30 Hit時(sî)人(lâng)會(ē)對(tùi)大 山(tōa-soaⁿ)講(kóng)：『Kā阮(goán)teh落來(lo̍h-lâi)！』mā對(tùi)小 山(sió-soaⁿ)講(kóng)：『Kā阮(goán)蓋 落 來(khàm lo̍h-lâi)！』(註(chù)：何10：8) 31因為(in-ūi)連(liân)青(chheⁿ)ê樹 木(chhiū-ba̍k)都(to)án-ne，乾去(ta-khì)ê樹 木(chhiū-ba̍k)kám bē koh-khah厲害(lī-hāi)？」32 Koh有兩個(ū nn̄g-ê)犯 人(hoān-lâng)hō͘人(lâng)押去(ah-khì)kah耶穌(iâ-so͘)做(chò)伙(hóe)處 死 刑(chhù sí-hêng)。33 In去 到(khì kàu)一個名(chi̍t-ê miâ)叫(kiò)頭 殼 碗(thâu-khak-óaⁿ)ê所 在(só͘-chāi)，就(chiū)tī hia kā耶穌(iâ-so͘)釘(tèng)十字架(si̍p-jī-kè)。Mā釘(tèng)hit兩個(nn̄g-ê)犯 人(hoān-lâng)，一個(chi̍t-ê)tī正(chiàⁿ)pêng，一個(chi̍t-ê)tī倒(tò)pêng。34耶穌(iâ-so͘)講(kóng)：「天父(thiⁿ-pē)ah，赦 免(sià-bián)in，因為(in-ūi)in m̄知(chai)in所做(só͘ chò)ê。」然 後(jiân-āu)in就(chiū)拈鬮(khau)來分(lâi pun)耶穌(iâ-so͘)ê衫(saⁿ)。35眾 人(chèng-lâng)khiā tī hia teh看(khòaⁿ)。Hiah-ê猶 太 人(iû-thài-lâng)ê頭 人(thâu-lâng)kā耶穌(iâ-so͘)恥 笑(thí-chhiò)講(kóng)：「祂(i)bat kiù別 人(pa̍t-lâng)，祂(i)若是(nā-sī)上 主(siōng-chú)所 揀 選(só͘ kéng-soán)ê基督(ki-tok)，tio̍h救家己(kiù ka-kī)！」36 Hiah-ê兵(peng)á mā kā祂(i)戲弄(hì-lāng)，行(kiâⁿ)óa去(khì)phâng酸 醋(sng-chhò͘)hō͘祂(i)，37講(kóng)：「祢(lí)若是(nā-sī)猶 太 人(iû-thài-lâng)ê王(ông)，tio̍h救(kiù)祢(lí)家己(ka-kī)。」38 Tī耶穌(iâ-so͘)ê頭 殼 頂(thâu-khak téng)面(bīn)有(ū)罪 狀(chōe-chn̄g)ê牌(pâi)á寫 講(siá kóng)：「Chit-ê是(sī)猶 太 人(iû-thài-lâng)ê王(ông)。」39做(chò)伙(hóe)釘(tèng)十字架(si̍p-jī-kè)ê犯 人 中(hoān-lâng tiong)ê一個(chi̍t-ê)侮 辱(bú-jio̍k)耶穌(iâ-so͘)，講(kóng)：「祢(lí)kám m̄是基督(sī ki-tok)？Tio̍h救(kiù)祢(lí)家己(ka-kī)，mā tio̍h救(kiù)阮(goán)。」40另 外(lēng-gōa)一個(chi̍t-ê)犯 人(hoān-lâng)kā hit-ê責 備(chek-pī)，講(kóng)：「你(lí)kah祂(i)仝 款(kāng-khoán)teh受 刑(siū-hêng)，你(lí)kám m̄驚( kiaⁿ )上 主(siōng-chú)？41咱(lán)受 刑(siū-hêng)是(sī)公 道(kong-tō)，因為(in-ūi)咱(lán)有 犯 罪(ū hoān-chōe)應 該(eng-kai)受 處 罰(siū chhù-hoa̍t)，m̄-koh chit-ê人(lâng)無做(bô chò)m̄-tio̍h ê tāi-chì。」42 Hit-ê犯 人(hoān-lâng)講(kóng)：「耶穌(iâ-so͘)ah，祢(lí)做 王(chò ông)來臨(lâi-lîm)ê時(sî)，請(chhiáⁿ)會記得(ē-kì-tit)我(góa)！」43耶穌(iâ-so͘)kā伊(i)講(kóng)：「我(góa)實 在(si̍t-chāi)kā你講(lí kóng)，今(kin)á日(ji̍t)你會(lí ē)kah我(góa)做(chò)伙(hóe)tī樂 園(lo̍k-hn̂g)。」

耶穌(iâ-so͘)ê死 亡(sí-bông) (太27：45-56；可15：33-41；約(iok)19：28-30)
44差 不多(chha-put-to)中 晝(tiong-tàu)ê時(sî)，全 地(choân-tē)烏暗(o͘-àm)到(kàu)下晡(ē-po͘)三 點(saⁿ-tiám)ê時(sî)，日頭(ji̍t-thâu)失(sit)光(kng)。45聖 殿 內(sèng-tiān lāi)ê帳籬(tiùⁿ-lî)tùi中(tiong)裂 開(li̍h-khui)。46耶穌(iâ-so͘)大 聲(tōa-siaⁿ)叫(kiò)，講(kóng)：「天父(thiⁿ-pē)ah，我(góa)ê靈 魂(lêng-hûn)交 託(kau-thok)祢(lí)。」講(kóng)soah就 斷 氣(chiū tn̄g-khùi)。47連 長(liân-tiúⁿ)看(khòaⁿ)tio̍h所 發 生(só͘ hoat-seng)ê tāi-chì，就(chiū)o-ló上 主(siōng-chú)，講(kóng)：「Chit-ê真 正(chin-chiàⁿ)是(sī)義 人(gī-lâng)！」48聚 集(chū-chi̍p)tī hia teh看(khòaⁿ)ê群 眾(kûn-chiòng)，看(khòaⁿ)tio̍h所 發 生(só͘ hoat-seng)ê tāi-chì，lóng ná行(kiâⁿ)ná搥(tûi)心 肝(sim-koaⁿ)，悲 傷(pi-siong)tńg去(khì)。49 Hiah-ê bat耶穌(iâ-so͘)ê人(lâng)kah tùi加利利省(ka-lī-lī-séng)tòe耶穌(iâ-so͘)來(lâi)ê婦人 人(hū-jîn-lâng)，lóng khiā遠 遠(hn̄g-hn̄g)teh看(khòaⁿ)chiah-ê tāi-chì。

耶穌(iâ-so͘)ê埋 葬(bâi-chòng) (太27：57-61；可15：42-47；約(iok)19：38-42)
50有一個(ū chi̍t-ê)人(lâng)名 叫(miâ-kiò)約 瑟(iok-sek)，伊是(i sī)一個(chi̍t-ê)議員(gī-oân)，做 人(chò-lâng)良 善(liông-siān)koh有(ū)正 義(chèng-gī)。51伊(i)無 贊 成(bô chàn-sêng)其他(kî-tha)議員(gī-oân)ê計謀(kè-bô͘)kah行 動(hêng-tōng)。伊是(i sī)猶 太 人(iû-thài-lâng)ê城 市(siâⁿ-chhī)A-lī-má-thài ê人(lâng)，平 時(pêng-sî)有(ū)teh期待(kî-thāi)上 主 國 度(siōng-chú kok-tō͘)ê來臨(lâi-lîm)。52 Chit-ê人(lâng)去見(khì kìⁿ)彼拉多(pí-lia̍p-to)，請 求(chhéng-kiû)收 埋(siu-bâi)耶穌(iâ-so͘)ê身屍(sin-si)。53伊(i)將(chiong)耶穌(iâ-so͘)ê身屍(sin-si)收 落來(siu lo̍h-lâi)，用(ēng)幼苧布(iù-tē-pò͘)包(pau)。然 後(jiân-āu)kā祂(i)埋 葬(bâi-chòng)tī石 壁(chio̍h-piah)phah好(hó)ê墓 內(bōng-lāi)，chit-ê墓(bōng)lóng iáu m̄-bat用 過(ēng-kòe)。54 Hit日(ji̍t)是(sī)節(cheh)ê準 備(chún-pī)日(ji̍t)，安息 日(an-hioh-ji̍t)teh-beh到(kàu)à。55 Tùi加利利省(ka-lī-lī-séng)kah耶穌(iâ-so͘)做(chò)伙(hóe)來(lâi)hiah-ê婦人 人(hū-jîn-lâng)，tòe tī約 瑟(iok-sek)ê後面(āu-bīn)。In chim-chiok看(khòaⁿ)hit-ê墓(bōng)，看(khòaⁿ)耶穌(iâ-so͘)ê遺體(ûi-thé)án怎(chóaⁿ)hē。56 In就(chiū)tńg去準 備(khì chún-pī)芳 料(phang-liāu)kah芳 油(phang-iû)。安息 日(an-hioh-ji̍t)，hiah-ê婦人 人(hū-jîn-lâng)照 律 法(chiàu lu̍t-hoat)ê規 定(kui-tēng)歇 睏(hioh-khùn)。