《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 路加福音第十八章

作者 巴克禮普世版小組 2013.08.11

18 寡 婦(kóaⁿ-hū)Kah判 官(phòaⁿ-koaⁿ)ê譬喻(phì-jū)
1耶穌(iâ-so͘)koh kā門徒(bûn-tô͘)講(kóng)一個(chi̍t-ê)譬喻(phì-jū)，教示(kà-sī)in tio̍h常 常(siông-siông)祈禱(kî-tó)，m̄-thang厭倦(ià-siān)。2祂(i)講(kóng)：「Tī某一個(bó͘ chi̍t-ê)城 市(siâⁿ-chhī)有一個(ū chi̍t-ê)判 官(phòaⁿ-koaⁿ)，伊(i)無敬 畏(bô kèng-ùi)上 主(siōng-chú)，mā無 尊 重(bô chun-tiōng)人(lâng)。3 Tī hit-ê城內(siâⁿ-lāi)有一個(ū chi̍t-ê)寡 婦(kóaⁿ-hū)，常 常(siông-siông)去(khì)chhōe伊(i)講(kóng)：『我(góa)有一個(ū chi̍t-ê)訴 訟(sò͘-siōng)ê對 頭(tùi-thâu)，求你(kiû lí)替 我(thè góa)主 持(chú-chhî)公 道(kong-tō)。』4判 官(phòaⁿ-koaⁿ)真 久(chin-kú)lóng無(bô)kā伊(i)答 應(tap-èng)。後來(āu-lâi)家己(ka-kī)想 講(siūⁿ-kóng)：『我(góa)雖 然(sui-jiân)無敬 畏(bô kèng-ùi)上 主(siōng-chú)，mā無 尊 重(bô chun-tiōng)人(lâng)。5 M̄-koh因為(in-ūi)chit-ê寡 婦(kóaⁿ-hū)常 常(siông-siông)來 攪 擾(lâi kiáu-jiáu)，我(góa)寧 可(lêng-khó)緊來(kín lâi)替(thè)她(i)主 持(chú-chhî)公 道(kong-tō)，免 得(bián-tit)她(i)koh來(lâi)kā我(góa)kô-kô纏(tîⁿ)。』」6主(chú)koh講(kóng)：「Lín tio̍h聽(thiaⁿ)chit-ê不義(put-gī)ê判 官(phòaⁿ-koaⁿ)所 講(só͘ kóng)ê話(ōe)！7何 況(hô-hòng)上 主(siōng-chú)揀 選(kéng-soán)ê子 民(chú-bîn)暝日(mê-ji̍t)大 聲(tōa-siaⁿ)對祂(tùi i)哀求(ai-kiû)。上 主(siōng-chú)kám會(ē)延(iân)chhiân真 久(chin-kú)chiah來替(lâi thè)in主 持(chú-chhî)公 道(kong-tō)？8我(góa)kā lín講(kóng)，上 主(siōng-chú)會(ē)趕 緊(kóaⁿ-kín)替(thè)in主 持(chú-chhî)公 道(kong-tō)。總 是(chóng-sī)人 子(jîn-chú)來臨(lâi-lîm)ê時(sî)，祂(i)tī世間(sè-kan)kám會看(ē khòaⁿ)tio̍h chit款(khoán)ê信 心(sìn-sim)？」

法 利賽 派(hoat-lī-sài-phài)ê人(lâng)kah抽 稅(thiu-sòe)ê人(lâng) 9 耶穌(iâ-so͘)koh再(chài)對(tùi)hiah-ê看(khòaⁿ)家己(ka-kī)做(chò)義 人(gī-lâng)koh看 輕(khòaⁿ-khin)別 人(pa̍t-lâng)ê人(lâng)，講(kóng)一個(chi̍t-ê)譬喻(phì-jū)。10耶穌(iâ-so͘)講(kóng)：「有兩個(ū nn̄g-ê)人(lâng)入去(ji̍p-khì) 聖 殿(sèng-tiān)祈禱(kî-tó)，一個(chi̍t-ê)是(sī)法 利賽 派(hoat-lī-sài-phài)ê人(lâng)，一個(chi̍t-ê)是(sī)抽 稅(thiu-sòe)ê。11法 利賽 派(hoat-lī-sài-phài)ê人(lâng)khiā-teh祈禱(kî-tó)講(kóng)：『上 主(siōng-chú)ah，我(góa)感 謝(kám-siā)祢(lí)，因為(in-ūi)我無(góa bô)親 像(chhin-chhiūⁿ)其他(kî-tha)ê人(lâng)貪 財(tham-châi)、不義(put-gī)、姦 淫(kan-îm)，mā無(bô)親 像(chhin-chhiūⁿ)chit-ê抽 稅(thiu-sòe)ê。12我(góa)一 禮拜(chi̍t lé-pài)禁 食(kìm-chia̍h)兩(nn̄g)pái，koh奉 獻(hōng-hiàn)全 部(choân-pō͘)收入(siu-ji̍p)ê十 份 之一(cha̍p-hūn chi-it)。』13 M̄-koh hit-ê抽 稅(thiu-sòe)ê khiā tòa遠 遠(hn̄g-hn̄g)ê所 在(só͘-chāi)，連(liân)gia̍h頭(thâu)ǹg天(thiⁿ)都(to)m̄敢(káⁿ)，kan-taⁿ悲 傷(pi-siong)講(kóng)：『上 主(siōng-chú)ah，憐 憫(liân-bín)我(góa)chit-ê有罪(ū-chōe)ê人(lâng)。』14我(góa)kā lín講(kóng)，hō͘上 主(siōng-chú)赦 罪(sià-chōe)tńg去(khì)厝 裡(chhù-ni̍h)ê，是(sī)chit-ê抽 稅(thiu-sòe)ê，m̄是(sī)hit-ê法 利賽 派(hoat-lī-sài-phài)ê人(lâng)，因為(in-ūi)驕 傲(kiau-ngō͘)ê人(lâng)一定會(it-tēng ē)受 降 低(siū kàng-kē)；謙 卑(khiam-pi)ê人(lâng)受提高(siū thê-ko)。」

耶穌(iâ-so͘)祝 福(chiok-hok)細漢(sè-hàn)Gín-á (太19：13-15；可10：13-16)
15有人(ū lâng)連(liân)細漢(sè-hàn)gín-á mā chhōa來(lâi)，beh hō͘耶穌(iâ-so͘)hōaⁿ手(chhiú)。門徒(bûn-tô͘)看(khòaⁿ)tio̍h就(chiū)kā in責 備(chek-pī)。16 M̄-koh耶穌(iâ-so͘)叫(kiò)hiah-ê細漢(sè-hàn)gín-á來 講(lâi kóng)：「容 允(iông-ín)細漢(sè-hàn)gín-á來(lâi)我(góa)chia，m̄-thang kā伊(i)阻 擋(chó͘-tòng)，因為(in-ūi)親 像(chhin-chhiūⁿ)gín-á ê人(lâng)，chiah ē-tàng成 做(chiâⁿ-chò)上 主 國 度(siōng-chú kok-tō͘)ê子 民(chú-bîn)。17我(góa)實 在(si̍t-chāi)kā lín講(kóng)，若無(nā-bô)親 像(chhin-chhiūⁿ)細漢(sè-hàn)gín-á án-ne承 接(sêng-chiap)上 主 國 度(siōng-chú kok-tō͘)，絕 對(choa̍t-tùi)bē-tàng入去(ji̍p-khì)hit-ê國度(kok-tō͘)。」

好 額(hó-gia̍h)ê官 員(koaⁿ-oân)來見(lâi kìⁿ)耶穌(iâ-so͘) (太19：16-30；可10：17-31)
18 有一個(ū chi̍t-ê)猶 太 人(iû-thài-lâng)ê官 員(koaⁿ-oân)來(lâi)問耶穌(mn̄g iâ-so͘)，講(kóng)：「好(hó)ê老師(lāu-su)ah，我(góa)tio̍h án怎(chóaⁿ)做(chò)chiah ē-tàng得(tit)tio̍h永 遠(éng-oán)ê活 命(oa̍h-miā)？」19耶穌(iâ-so͘)kā伊(i)講(kóng)：「你(lí)án怎(chóaⁿ)稱 呼(chheng-ho͘)我是(góa sī)好(hó)à？上 主(siōng-chú)以外(í-gōa)無一個(bô chi̍t-ê)是好(sī hó)。20你(lí)當 然(tong-jiân)lóng bat chiah-ê誡 命(kài-bēng)，就是(chiū-sī)：M̄-thang姦 淫(kan-îm)，M̄-thang thâi死(sí) 人(lâng)，M̄-thang偷(thau)the̍h，M̄-thang lām-sám做 見 證(chò kiàn-chèng)，Tio̍h孝 敬(hàu-kèng)你(lí)ê父母(pē-bú)。」(註(chù)：申5：16-20；出(chhut)20：12-16) 21 Hit-ê人(lâng)講(kóng)：「Chiah-ê誡 命(kài-bēng)，我(góa)自(chū)細漢(sè-hàn)to̍h lóng án-ne teh遵 守(chun-siú)。」22耶穌(iâ-so͘)聽(thiaⁿ)tio̍h chiah-ê話(ōe)就(chiū)kā伊(i)講(kóng)：「你(lí)iáu欠(khiàm)一 項(chi̍t-hāng)，tio̍h去賣(khì bē)你(lí)所有(só͘ ū)ê財 產(châi-sán)，來分(lâi pun)hō͘ sàn-chhiah人(lâng)。Án-ne你就(lí chiū)有積 聚(ū chek-chū)財 寶(châi-pó)tī天 頂(thiⁿ-téng)，然 後(jiân-āu)chiah來(lâi)tòe我(góa)。」23 Hit-ê人(lâng)聽(thiaⁿ)tio̍h chiah-ê話(ōe)真 憂悶(chin iu-būn)，因為(in-ūi)伊(i)真 好 額(chin hó-gia̍h)。24耶穌(iâ-so͘)看(khòaⁿ)tio̍h hit-ê人(lâng)teh憂悶(iu-būn)就 講(chiū kóng)：「好 額 人(hó-gia̍h-lâng)beh入去(ji̍p-khì)上 主 國 度(siōng-chú kok-tō͘)真 困 難(chin khùn-lân)！25因為(in-ūi)駱駝(lo̍k-tô)穿 過(chhng-kòe)針 鼻(chiam-phīⁿ)，比(pí)好 額 人(hó-gia̍h-lâng)入(ji̍p)上 主 國 度(siōng-chú kok-tō͘)，iáu khah簡 單(kán-tan)！」26聽見(thiaⁿ-kìⁿ)chiah-ê話(ōe)ê人(lâng)問 講(mn̄g kóng)：「Án-ne，啥 人(siáⁿ-lâng)chiah ē-tàng得(tit)tio̍h救(kiù)？」27耶穌(iâ-so͘)應 講(ìn-kóng)：「人(lâng)所做(só͘ chò)bē到(kàu)ê，上 主(siōng-chú)lóng會(ē)。」28彼得(pí-tek)講(kóng)：「阮(goán)已經(í-keng)放(pàng)sak家己(ka-kī)所有(só͘ ū)ê來(lâi)teh tòe祢(lí)。」29耶穌(iâ-so͘)kā in講(kóng)：「我(góa)實 在(si̍t-chāi)kā lín講(kóng)，人(lâng)若為(nā ūi)tio̍h上 主 國 度(siōng-chú kok-tō͘)來 放(lâi pàng)sak厝 宅(chhù-the̍h)、bó͘、兄弟(hiaⁿ-tī)、父母(pē-bú)，á是(sī)kiáⁿ兒(jî)，30 tī今 世(kim-sè)會得(ē tit)tio̍h幾(kúi)nā倍(pōe)ê報賞(pò-siúⁿ)，tī來世(lâi-sè)得(tit)tio̍h永 遠(éng-oán)ê活 命(oa̍h-miā)。」

耶穌(iâ-so͘)第三(tē-saⁿ)Pái預言(ī-giân)祂(i)ê死 亡(sí-bông)kah Koh活(oa̍h) (太20：17-19；可10：32-34)
31 耶穌(iâ-so͘)chhōa十二使徒(cha̍p-jī sù-tô͘)去(khì)邊(piⁿ)á kā in講(kóng)：「你 看(lí khòaⁿ)，taⁿ咱(lán)beh上(chiūⁿ) 耶路撒 冷(iâ-lō͘-sat-léng)，先知(sian-ti)所記載(só͘ kì-chài)關 係(koan-hē)人 子(jîn-chú)ê一 切(it-chhè)，lóng會 應 驗(ē èng-giām)。32祂(i)會(ē)hō͘人(lâng)出 賣(chhut-bē)交(kau)hō͘外 邦 人(gōa-pang-lâng)，in會(ē)kā伊(i)恥 笑(thí-chhiò)、侮 辱(bú-jio̍k)、phùi瀾(nōa)。33 In會用(ē ēng)鞭(piⁿ)kā祂(i)phah來害死(lâi hāi-sí)祂(i)，第三日(tē-saⁿ ji̍t)上 主(siōng-chú)會(ē)hō͘祂(i)koh活(oa̍h)。」34 M̄-koh門徒(bûn-tô͘)tùi chiah-ê tāi-chì lóng bē了 解(liáu-kái)，chiah-ê話(ōe)hō͘ in感 覺(kám-kak)莫 名(bo̍k-bêng)奇妙(kî-biāu)，in m̄知(chai)耶穌(iâ-so͘)teh講(kóng)啥 物(siáⁿ-mi̍h)。

耶穌(iâ-so͘)醫好(i-hó)失 明(sit-bêng)ê乞 食(khit-chia̍h) (太20：29-34；可10：46-52)
35 耶穌(iâ-so͘)teh-beh到(kàu)耶利哥城(iâ-lī-ko-siâⁿ)ê時(sî)，有一個(ū chi̍t-ê)chheⁿ-mê-ê坐(chē)tī路邊(lō͘-piⁿ)teh求 乞(kiû-khit)。36 Hit-ê chheⁿ-mê-ê聽(thiaⁿ)tio̍h真(chin)chē人(lâng)tùi hia經 過(keng-kòe)，就 問(chiū mn̄g)是(sī)啥 物(siáⁿ-mi̍h)tāi-chì。37人(lâng)kā伊(i)講(kóng)：「拿撒勒 人(ná-sat-le̍k-lâng)耶穌(iâ-so͘)teh-beh tùi chia經 過(keng-kòe)。」38伊(i)就(chiū)大 聲(tōa-siaⁿ)hoah講(kóng)：「大衛(tāi-pi̍t)ê kiáⁿ孫(sun)，耶穌(iâ-so͘)，憐 憫(liân-bín)我(góa)！」39行(kiâⁿ)tī頭 前(thâu-chêng)ê人(lâng)kā伊(i)責 備(chek-pī)，叫伊(kiò i)tio̍h恬 恬(tiām-tiām)，m̄-koh伊(i)koh-khah大 聲(tōa-siaⁿ)hoah講(kóng)：「大衛(tāi-pi̍t)ê kiáⁿ孫(sun)ah，憐 憫(liân-bín)我(góa)！」40耶穌(iâ-so͘)停 腳(thêng-kha)，叫(kiò)人(lâng)kā伊(i)牽 來(khan lâi)。伊(i)óa來(lâi)ê時(sî)，耶穌(iâ-so͘)問伊(mn̄g i)講(kóng)，41「你(lí)ài我(góa)kā你(lí)做 啥 物(chò siáⁿ-mi̍h)？」伊(i)就 講(chiū kóng)：「主(chú)ah，求你(kiû lí)hō͘我(góa)koh再(chài)有看 見(ū khòaⁿ-kìⁿ)。」42耶穌(iâ-so͘)kā伊(i)講(kóng)：「好(hó)，hō͘你(lí)koh再(chài)有看 見(ū khòaⁿ-kìⁿ)，你(lí)ê信 心(sìn-sim)救(kiù)tio̍h你(lí)à。」43伊(i)隨時(sûi-sî)看 見(khòaⁿ-kìⁿ)，就(chiū)tòe耶穌(iâ-so͘)去(khì)，歸 榮 光(kui êng-kng)hō͘上 主(siōng-chú)。群 眾(kûn-chiòng)看(khòaⁿ)tio̍h chit-ê tāi-chì，lóng o-ló上 主(siōng-chú)。