《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 彼得後書第三章

作者 巴克禮普世版小組 2016.11.07

主(chú)再 臨(chài-lîm)ê應允(èng-ún)
1親 愛(chhin-ài)ê兄弟 姊 妹(hiaⁿ-tī chí-mōe)，我(góa)chit-má寫(siá)hō͘ lín ê是(sī)第二張(tē-jī tiuⁿ)phoe。Chit兩 張(nn̄g tiuⁿ)phoe lóng是(sī)beh kā lín提 醒(thê-chhéⁿ)，激勵(kek-lē)lín純 潔(sûn-kiat)ê心 志(sim-chì)。2我(góa)ài lín會記得(ē-kì-tit)神 聖(sîn-sèng) 先知(sian-ti)預言(ī-giân)ê話(ōe)，以及(í-ki̍p)救 主(kiù-chú)通 過(thong-kòe)使徒(sù-tô͘)傳(thoân)hō͘ lín ê命 令(bēng-lēng)。3 Siōng要緊(iàu-kín)lín tio̍h知(chai)，tī末 日(boa̍t-ji̍t)有(ū)一(chi̍t)kóa放 縱(hòng-chhiòng)私慾(su-io̍k)ê人(lâng)出 現(chhut-hiān)，kā lín恥 笑(thí-chhiò)，4講(kóng)：「主(chú)應允(èng-ún)beh再 臨(chài-lîm)，taⁿ tī tó位(ūi)？咱(lán)ê祖 先(chó͘-sian)lóng死去(sí-khì)à，m̄-koh tùi創 造(chhòng-chō)宇宙(ú-tiū)以來(í-lâi)一 切(it-chhè)lóng仝 款(kāng-khoán)。」5 Hiah-ê人(lâng)刁故意(tiau-kò͘-ì)bē記得(kì-tit)chit-ê事實(sū-si̍t)，就是(chiū-sī)自 早(chū-chá)tùi上 主(siōng-chú)ê話(ōe)創 造(chhòng-chō)天(thiⁿ)，地(tē)是(sī)tùi水(chúi)出 來(chhut-lâi)，mā用 水(ēng chúi)來 形 成(lâi hêng-sêng)。6當 時(tong-sî)ê世界(sè-kài)hō͘大 水(tōa-chúi)消 滅(siau-bia̍t)。7 M̄-koh chiah-ê天(thiⁿ)kah地(tē)，mā是(sī)tùi上 主(siōng-chú)ê話(ōe)保留 落來(lâu lo̍h-lâi)，直到(ti̍t-kàu)hiah-ê無 敬 虔(bô kèng-khiân)ê人(lâng)受 審 判(siū sím-phòaⁿ)kah hō͘火(hóe) 燒 滅(sio-bia̍t)亡ê日子(ji̍t-chí)。8親 愛(chhin-ài)ê兄弟 姊 妹(hiaⁿ-tī chí-mōe)，有一 項(ū chi̍t-hāng)tāi-chì請(chhiáⁿ)lín m̄-thang bē記得(kì-tit)，就是(chiū-sī)tī主(chú)ê眼 中(gán-tiong)，一日(chi̍t-ji̍t)kah-ná一 千(chi̍t-chheng) 年(nî)，一 千(chi̍t-chheng) 年(nî)kah-ná一日(chi̍t-ji̍t)。9有人(ū lâng)想 講(siūⁿ-kóng)主(chú)teh延(iân)chhiân祂(i)ê應允(èng-ún)，其實是(kî-si̍t sī)teh寬 容(khoan-iông)lín，祂(i)無(bô)ài有人(ū lâng)滅 亡(bia̍t-bông)，是(sī)ài ta̍k人(lâng)lóng悔 改(hóe-kái)。10 M̄-koh主(chú)再 臨(chài-lîm)ê日(ji̍t)，會(ē)親 像(chhin-chhiūⁿ)賊(chha̍t)á忽 然(hut-jiân)臨 到(lîm-kàu)，hit日(ji̍t)hiah-ê天(thiⁿ)會(ē)tī大(tōa)ê響 聲 中(hiáng-siaⁿ tiong)消 滅(siau-bia̍t)，hiah-ê天體(thian-thé)hō͘火(hóe)燒熔去(sio-iûⁿ khì)，地(tē)kah其 中(kî-tiong)ê萬 物(bān-bu̍t)mā lóng毀 滅 去(húi-bia̍t khì)。11萬 物(bān-bu̍t)既然(kì-jiân)會(ē)án-ne消 滅(siau-bia̍t)，lín tio̍h án怎(chóaⁿ)做 人(chò-lâng)？Lín ê生 活(seng-oa̍h)tio̍h聖 潔(sèng-kiat)koh敬 虔(kèng-khiân)，12來(lâi)thèng候(hāu)上 主(siōng-chú)ê日(ji̍t)趕 緊(kóaⁿ-kín)到(kàu)。Tī hit日(ji̍t)，chiah-ê天(thiⁿ)會(ē)hō͘火(hóe)消 滅(siau-bia̍t)，天體(thian-thé) 會(ē)hō͘火(hóe)燒熔去(sio-iûⁿ khì)。13 M̄-koh咱(lán)teh thèng候(hāu).ê是(sī)上 主(siōng-chú)所應允(só͘ èng-ún)ê新 天(sin thiⁿ)kah新地(sin tē)，tī hia有(ū)永 遠(éng-oán)ê公 義(kong-gī)。14所以(só͘-í)，親 愛(chhin-ài)ê兄弟 姊 妹(hiaⁿ-tī chí-mōe)，lín既然(kì-jiân)teh thèng候(hāu)chiah-ê tāi-chì，tio̍h tī上 主(siōng-chú)ê面 前(bīn-chêng)盡 力(chīn-la̍t)追求(tui-kiû)聖 潔(sèng-kiat)，過(kòe)無 缺 點(bô khoat-tiám)ê生 活(seng-oa̍h)，thang kah祂(i)和好(hô-hó)。15 Tio̍h將(chiong)咱(lán)ê主(chú)ê寬 容(khoan-iông)，看 做(khòaⁿ-chò)拯 救(chín-kiù)ê機會(ki-hōe)。咱(lán)親 愛(chhin-ài)ê兄弟(hiaⁿ-tī)保羅(pó-lô)，用(ēng)上 主(siōng-chú)賞賜(siúⁿ-sù)hō͘伊(i)ê智慧(tì-hūi)，寫(siá)phoe hō͘ lín mā有(ū)án-ne講(kóng)。16伊(i)所有(só͘ ū)ê phoe lóng有提起(ū thê-khí)chiah-ê tāi-chì，伊(i)ê phoe有(ū)一(chi̍t)kóa oh得(tit)了 解(liáu-kái)ê所 在(só͘-chāi)，hō͘ hiah-ê無學 問(bô ha̍k-būn)kah無 定 性(bô tēng-sèng)ê人(lâng)曲 解(khiok-kái)，親 像(chhin-chhiūⁿ)in曲 解(khiok-kái)其他(kî-tha)ê經 文(keng-bûn)，結 果(kiat-kó)in家己(ka-kī)自 討(chū-thó)滅 亡(bia̍t-bông)。17親 愛(chhin-ài)ê兄弟 姊 妹(hiaⁿ-tī chí-mōe)，án-ne lín既然(kì-jiân)tāi先 知(seng-chai)chiah-ê tāi-chì，tio̍h警 戒(kéng-kài)chiah免 得(bián-tit)hō͘ hiah-ê pháiⁿ人(lâng)，用(ēng)錯 誤(chhò-ngō͘)ê言 論(giân-lūn) chhōa lín行入(kiâⁿ-ji̍p)迷路(bê-lō͘)，來(lâi)失落(sit-lo̍h)lín堅 固(kian-kò͘)ê信 仰(sìn-gióng)。18 Tio̍h óa靠(khò)咱(lán)ê救 主(kiù-chú)耶穌基督(iâ-so͘ ki-tok)ê恩 典(un-tián)，來(lâi)hō͘咱(lán)對祂(tùi i)ê認(jīn)bat繼 續(kè-sio̍k)進 步(chìn-pō͘)。願(goān)榮 光(êng-kng)歸(kui)hō͘祂(i)，tùi chit-má直到(ti̍t-kàu)永 遠(éng-oán)！阿們(a-men)！