《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多前書第十六章

作者 巴克禮普世版小組 2015.04.19

Ūi信徒(sìn-tô͘)募 款(bō͘-khoán)
1關 係(koan-hē)募 款(bō͘-khoán)幫 助(pang-chō͘)信徒(sìn-tô͘)ê tāi-chì，lín mā tio̍h照(chiàu)我(góa)前(chêng)吩 咐(hoan-hù)加拉 太(ka-lia̍p-thài)hiah-ê教 會(kàu-hōe)ê辦 法(pān-hoat)去 做(khì chò)。2每(múi)七 日(chhit-ji̍t)ê頭 一 日(thâu chi̍t-ji̍t)，lín ta̍k人(lâng)tio̍h照 家己(chiàu ka-kī)ê收入(siu-ji̍p)poah一(chi̍t)kóa起來(khí-lâi)khǹg，免 得(bián-tit)我 去(góa khì)lín hia ê時(sî)chiah開始(khai-sí)募 款(bō͘-khoán)。3我(góa)到位(kàu-ūi)ê時(sî)，會 將(ē chiong)紹 介(siāu-kài)ê phoe kah lín ê捐 款(koan-khoán)交(kau)hō͘ lín所(só͘)推 薦(chhui-chiàn)ê人(lâng)，差 派(chhe-phài)in帶 去(tòa khì)耶路撒 冷(iâ-lō͘-sat-léng)。4若是(nā-sī)我(góa)mā tio̍h去(khì)，in mā thang kah我(góa)做(chò)伙(hóe)去(khì)。

保羅(pó-lô)ê計畫(kè-ōe)
5我(góa)chit-má經 過(keng-kòe)馬其頓(má-kî-tùn)了 後(liáu-āu)，就(chiū)beh去(khì)lín hia。6我(góa)大 概(tāi-khài)會(ē)kah lín tòa一 站(chi̍t-chām)á，kiám-chhái會(ē)kah lín做(chò)伙(hóe)過(kòe)冬 天(tang-thiⁿ)，án-ne無論(bô-lūn)續 落 去(sòa lo̍h-khì)beh去(khì)tó位(ūi)，thang hō͘ lín送(sàng)我(góa)出 發(chhut-hoat)。7 Chit-pái我無(góa bô)ài kan-taⁿ過路(kòe-lō͘)順 續(sūn-sòa)去(khì)lín hia，主(chú)若(nā)允 准(ín-chún)，我(góa)ǹg望(bāng)kah lín tòa khah久(kú)。8 M̄-koh我(góa)mā beh tī以弗所(í-hut-só͘)tòa到(kàu)五旬 節(gō͘-sûn-cheh)。9雖 然(sui-jiân)tī hia有真(ū chin)chē對敵(tùi-te̍k)，m̄-koh上 主(siōng-chú)為我(ūi góa)開(khui)一個(chi̍t-ê)闊(khoah)koh大(tōa)ê門(mn̂g)，thang做(chò)有功 效(ū kong-hāu)ê工 作(kang-chok)。10提摩 太(thê-mô͘-thài)若(nā)到位(kàu-ūi)，lín tio̍h kā伊(i)接 待(chiap-thāi)，hō͘伊(i)ē-tàng安心(an-sim)做 工(chò-kang)，因為(in-ūi)伊(i)kah阮(goán)仝 款(kāng-khoán)teh做 主(chò chú)ê工(kang)。11 Lín lóng m̄-thang kā伊(i)看 輕(khòaⁿ-khin)，tio̍h送(sàng)伊(i)平 安(pêng-an)出 發(chhut-hoat)來(lâi)我(góa)chia，因為(in-ūi)我(góa)teh thèng候(hāu)伊(i)kah hiah-ê兄弟(hiaⁿ-tī)做(chò)伙(hóe)來(lâi)。12關 係(koan-hē)咱(lán)ê兄弟(hiaⁿ-tī)亞波羅(a-pho-lô)，我(góa)再 三(chài-saⁿ)勸(khǹg)伊(i)kah hiah-ê兄弟(hiaⁿ-tī)去(khì)lín hia，m̄-koh伊(i)到(kàu)taⁿ lóng無(bô)按算(àn-sǹg)beh去(khì)。若有(nā ū)tú好(hó)ê機會(ki-hōe)，伊(i)就會(chiū-ē)去(khì)。

結 尾(kiat-bóe)ê請 安(chhéng-an)
13 Lín tio̍h警 醒(kéng-séng)，tī信 仰 上(sìn-gióng siōng)khiā hō͘在(chāi)，tio̍h勇 敢(ióng-kám)、堅 強(kian-kiông)。14一 切(it-chhè)tāi-chì tio̍h用 疼 心(ēng thiàⁿ-sim)來做(lâi chò)。15兄弟 姊 妹(hiaⁿ-tī chí-mōe)ah，lín bat Su-thê-hoán-à ê一 家 人(chi̍t-ke-lâng)，in是(sī)A-kai-a省(séng)頭(thâu)一 家(chi̍t-ke)歸(kui)信 主(sìn-chú)，koh熱 心(jia̍t-sim)服務(ho̍k-bū)信徒(sìn-tô͘)。16我(góa)勸(khǹg)lín tio̍h服 從(ho̍k-chiông)chit款(khoán)人(lâng)，以及(í-ki̍p)所有(só͘-ū)kah lín做(chò)伙(hóe)勞苦(lô-khó͘)ê同 工(tâng-kang)。17我(góa)真 歡 喜(chin hoaⁿ-hí)Su-thê-hoán-à，Hok-tô͘-lah，A-kai-kó͘ ē-tàng來(lâi)lín chia，thang補(pó͘)lín ê不 足(put-chiok)。18 In hō͘我(góa)kah lín ê心 靈(sim-lêng)得(tit)tio̍h鼓舞(kó͘-bú)，lín tio̍h尊 重(chun-tiōng)chit款(khoán)人(lâng)。19亞西亞(a-se-a)省(séng)ê各(kok)教 會(kàu-hōe)lóng kā lín請 安(chhéng-an)。亞居拉(a-ku-lah)、百 基拉(pek-ki-lah)kah tī in厝 內(chhù-lāi)teh聚 會(chū-hōe)ê教 會(kàu-hōe)，tī主(chú)ê內面(lāi-bīn)迫 切(pek-chhiat)kā lín請 安(chhéng-an)。20所有(só͘ ū)ê兄弟 姊 妹(hiaⁿ-tī chí-mōe)lóng kā lín請 安(chhéng-an)。Lín tio̍h用 聖 潔(ēng sèng-kiat)ê相(sio)chim來互 相(lâi hō͘-siōng)請 安(chhéng-an)。21我(góa)保羅(pó-lô)親 筆(chhin-pit)kā lín請 安(chhéng-an)。22若有人(nā ū lâng)無 疼(bô thiàⁿ)主(chú)，tio̍h受 咒 詛(siū chiù-chó͘)。主(chú)ah，求(kiû)祢(lí)降 臨(kàng-lîm)！23願(goān)主(chú)耶穌基督(iâ-so͘ ki-tok)ê恩 典(un-tián)kah lín同 在(tông-chāi)。24我(góa)ê疼 心(thiàⁿ-sim)kah所有(só͘-ū)屬(sio̍k)基督耶穌(ki-tok iâ-so͘)ê人(lâng)同 在(tông-chāi)。阿們(a-men)！