《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 羅馬書第十一章

作者 巴克禮普世版小組 2014.11.23

上 主(siōng-chú)憐 憫(liân-bín)以色列(í-sek-lia̍t)民 族(bîn-cho̍k)
1 Án-ne我(góa)beh問(mn̄g)lín，上 主(siōng-chú)kám有(ū)棄(khì)sak祂(i)ê子 民(chú-bîn)？絕 對(choa̍t-tùi)無(bô)，因為(in-ūi)我(góa)mā是(sī)以色列 人(í-sek-lia̍t-lâng)，是(sī)亞伯 拉罕(a-pek-la̍h-hán)ê kiáⁿ孫(sun)，屬(sio̍k)便 雅 憫(piān-ngá-bín)支 族(chi-cho̍k)。2上 主(siōng-chú)m̄-bat放(pàng)sak祂(i)早(chá)to̍h揀 選(kéng-soán)ê子 民(chú-bîn)，lín kám m̄知(chai)聖 經(sèng-keng)有記載(ū kì-chài)，關 係(koan-hē)以利亞(í-lī-a)對(tùi)上 主(siōng-chú)控 告(khòng-kò)以色列 人(í-sek-lia̍t-lâng)ê tāi-chì？3伊(i)講(kóng)：「主(chú)ah，in thâi死(sí)你(lí)ê先知(sian-ti)，拆 毀(thiah-húi)你(lí)ê祭 壇(chè-tôaⁿ)，只有(chí-ū)chhun我(góa)tī-teh，in mā teh siàu想(siūⁿ)我(góa)ê性 命(sèⁿ-miā)。」(註(chù)：王(ông)上(siōng)19：10，14) 4 M̄-koh上 主(siōng-chú)án怎(chóaⁿ)應答(ìn-tap)？祂(i)án-ne講(kóng)：「我有(góa ū)為(ūi)tio̍h家己(ka-kī)留(lâu)七 千 個(chhit-chheng-ê)m̄-bat跪拜(kūi-pài)巴力(pa-le̍k)ê人(lâng)。」(註(chù)：王(ông)上(siōng)19：18) 5 Chit-má mā是(sī)án-ne，上 主(siōng-chú)有(ū)留(lâu)用(ēng)恩 典(un-tián)揀 選(kéng-soán)ê一(chi̍t)kóa人(lâng)。6既然是(kì-jiân sī)上 主(siōng-chú)ê恩 典(un-tián)，就(chiū)m̄是 照(sī chiàu)人(lâng)ê行 為(hêng-ûi)；恩 典(un-tián)若是(nā-sī)照(chiàu)人(lâng)ê行 為(hêng-ûi)，hit-ê恩 典(un-tián)就(chiū)m̄是(sī)叫 做(kiò-chò)恩 典(un-tián)。7 Án-ne結 局(kiat-kio̍k)án怎(chóaⁿ)？以色列 人(í-sek-lia̍t-lâng)無(bô)得(tit)tio̍h in teh追求(tui-kiû).ê，只有(chí-ū)上 主(siōng-chú)揀 選(kéng-soán)ê一(chi̍t)kóa人有(lâng ū)得(tit)tio̍h，其他(kî-tha)ê人(lâng)心 硬(sim-ngē)m̄聽(thiaⁿ)。8照(chiàu)聖 經(sèng-keng)所記載(só͘ kì-chài)：「上 主(siōng-chú)hō͘ in ê心 靈(sim-lêng)麻痺(bâ-pì)，目 睭(ba̍k-chiu)看(khòaⁿ)bē見(kìⁿ)，耳 孔(hīⁿ-khang)聽(thiaⁿ)bē tio̍h，直到(ti̍t-kàu)今(kin)á日(ji̍t)。」(註(chù)：申29：4；賽29：10) 9大衛(tāi-pi̍t)講(kóng)：「Tio̍h hō͘ in ê宴會 變 成(ē piàn-chiâⁿ)in ê陷 坑(hām-kheⁿ)、羅 網(lô-bāng)，hō͘ in跋 倒(poa̍h-tó)來做(lâi chò)in ê報應(pò-èng)。10 Tio̍h hō͘ in ê目 睭(ba̍k-chiu)花(hoe)，bē-tàng看 見(khòaⁿ-kìⁿ)。Tio̍h hō͘ in ê尻 脊 骿(kha-chiah-phiaⁿ)永 遠(éng-oán)曲 痀(khiau-ku)。」(註(chù)：詩(si)69：22-23) 11 Án-ne我(góa)beh問(mn̄g)：「以色列 人(í-sek-lia̍t-lâng)跋 倒(poa̍h-tó)，kám lóng peh bē起來(khí-lâi)？」絕 對(choa̍t-tùi)會(ē)！，因為(in-ūi)in ê犯 罪(hoān-chōe)，拯 救(chín-kiù)soah臨 到(lîm-kàu)外 邦 人(gōa-pang-lâng)，顛倒(tian-tò)會(ē)激 起(kek-khí)in ê嫉妒(chi̍t-tò͘)。12既然(kì-jiân)以色列 人(í-sek-lia̍t-lâng)ê犯 罪(hoān-chōe)會(ē)hō͘世 間 人(sè-kan-lâng)得(tit)tio̍h豐 盛(hong-sēng)ê祝 福(chiok-hok)，in ê失落(sit-lo̍h)會(ē)hō͘外 邦 人(gōa-pang-lâng)得(tit)tio̍h富 足(hù-chiok)。若是(nā-sī)所有(só͘ ū)ê以色列 人(í-sek-lia̍t-lâng)lóng歸(kui)向(hiòng) 上 主(siōng-chú)，hit-ê祝 福(chiok-hok)kám m̄是(sī)koh-khah大(tōa)！

上 主(siōng-chú)拯 救(chín-kiù)外 邦 人(gōa-pang-lâng)
13我是(góa sī)對(tùi)lín外 邦 人(gōa-pang-lâng)講(kóng)：因為(in-ūi)我是(góa sī)外 邦 人(gōa-pang-lâng)ê使徒(sù-tô͘)，對我(tùi góa)ê宣 教(soan-kàu)職 份(chit-hūn)感 覺(kám-kak)真(chin)光 榮(kong-êng)。14看(khòaⁿ)án-ne會(ē)激 起(kek-khí)我(góa)ê同 胞(tông-pau)ê嫉妒(chi̍t-tò͘)，thang救(kiù)in中 間(tiong-kan)ê一(chi̍t)kóa人(lâng)。15以色列 人(í-sek-lia̍t-lâng)受(siū)棄(khì)sak若(nā)會(ē)hō͘世 間 人(sè-kan-lâng)kah上 主(siōng-chú)和好(hô-hó)，in koh受 接 納(siū chiap-la̍p)，kám m̄是(sī)親 像(chhin-chhiūⁿ)tùi死(sí)koh活(oa̍h)？16頭 一塊(thâu-chi̍t-tè)麵 粉(mī-hún)chhè若(nā)聖 別(sèng-pia̍t)獻(hiàn)hō͘上 主(siōng-chú)，kui-sn̂g mā lóng會(ē)聖 潔(sèng-kiat)；樹 根(chhiū-kin)若(nā)聖 別(sèng-pia̍t)獻(hiàn)hō͘上 主(siōng-chú)，連(liân)樹 枝(chhiū-ki)mā會(ē)聖 潔(sèng-kiat)。17 Lín雖 然(sui-jiân)是(sī)野 生(iá-seng)ê橄 欖 樹(kan-ná-chhiū)ê樹 枝(chhiū-ki)，若(nā)接 枝(chiap-ki)tī受(siū)栽 培(chai-pôe)ê橄 欖 樹(kan-ná-chhiū)，來代替(lâi tāi-thè)一(chi̍t)kóa at斷(tn̄g).ê，就 對(chiū tùi)仝(kāng)hit叢(châng)樹 根(chhiū-kin)分 享(hun-hióng)豐 富(hong-hù)ê營 養 分(êng-ióng-hun)。18所以(só͘-í)lín m̄-thang對(tùi)hiah-ê at斷(tn̄g)ê樹 枝(chhiū-ki)誇 口(khoa-kháu)，想 講(siūⁿ-kóng)lín比(pí)in khah好(hó)。Lín若(nā)beh誇 口(khoa-kháu)，tio̍h會記得(ē-kì-tit)，是(sī)lín óa靠(khò)樹 根(chhiū-kin)teh活(oa̍h)，m̄是(sī)樹 根(chhiū-kin)óa靠(khò)lín teh活(oa̍h)。19你(lí)kiám-chhái會講(ē kóng)：「樹 枝(chhiū-ki)剪(chián)起來(khí-lâi)是(sī)為(ūi)tio̍h beh hō͘我(góa)ē-tàng接(chiap)落去(lo̍h-khì)。」20無(bô)m̄-tio̍h，因為(in-ūi)in m̄信(sìn)chiah hō͘人(lâng)剪(chián)起來(khí-lâi)，lín是因為(sī in-ūi)有信(ū sìn)chiah khiā會(ē)tiâu，m̄-koh lín m̄-thang驕 傲(kiau-ngō͘)，顛倒(tian-tò)tio̍h驚 惶(kiaⁿ-hiâⁿ)。21 因為(in-ūi)上 主(siōng-chú)若無(nā-bô)kā自 然(chū-jiân)生(seⁿ)出 來(chhut-lâi)ê樹 枝(chhiū-ki)留 落來(lâu lo̍h-lâi)，可 能(khó-lêng)mā無(bô)一定會(it-tēng ē)kā lín留 落來(lâu lo̍h-lâi)。22 Án-ne咱(lán)tio̍h知(chai)上 主(siōng-chú)是(sī)慈愛(chû-ài)koh嚴 格(giâm-keh)，對(tùi)墮落(tūi-lo̍h)ê人(lâng)真 嚴 格(chin giâm-keh)，m̄-koh lín若(nā)繼 續(kè-sio̍k)óa靠(khò)祂(i)ê慈愛(chû-ài)，祂(i)就會(chiū-ē)對(tùi)lín慈愛(chû-ài)。若無(nā-bô)，祂(i)mā會(ē)kā lín剪(chián)起來(khí-lâi)。23 Hiah-ê受(siū)剪(chián)ê以色列 人(í-sek-lia̍t-lâng)若無(nā-bô)koh固 執(kò͘-chi̍p)m̄信(sìn)，mā會(ē)koh接(chiap)倒(tó)tńg去(khì)原 來(goân-lâi)hit叢(châng)樹(chhiū)，因為(in-ūi)上 主(siōng-chú)有 權 能(ū koân-lêng)kā in接(chiap)倒(tó)tńg去(khì)。24 Lín chiah-ê tùi野 生(iá-seng)橄 欖 樹(kan-ná-chhiū)剪(chián)起來(khí-lâi)ê樹 枝(chhiū-ki)，都(to)ē-tàng接(chiap)tī無 仝(bô-kāng)本 性(pún-sèng)受(siū)栽 培(chai-pôe)ê橄 欖 樹(kan-ná-chhiū)，何 況(hô-hòng)是(sī)hiah-ê原 來(goân-lâi)ê樹 枝(chhiū-ki)，kám bē koh-khah好(hó)接(chiap)倒(tó)tńg去(khì)？

上 主(siōng-chú)憐 憫(liân-bín)全 人 類(choân jîn-lūi)
25兄弟 姊 妹(hiaⁿ-tī chí-mōe)ah，我(góa)ài lín知(chai)chit-ê奧妙(ò-biāu)，免 得(bián-tit)lín家己(ka-kī)掠 做(lia̍h-chò)智慧(tì-hūi)。一部 分(chi̍t-pō͘-hūn)ê以色列 人(í-sek-lia̍t-lâng)暫 時(chiām-sî)硬 心(ngē-sim)，thèng候(hāu)到(kàu)外 邦 人(gōa-pang-lâng)全 部(choân-pō͘)歸 主(kui-chú)為止(ûi-chí)。26 Án-ne所有(só͘ ū)ê以色列 人(í-sek-lia̍t-lâng)lóng會得救(ē tit-kiù)。照(chiàu)聖 經(sèng-keng)記載(kì-chài)：「拯 救 者(chín-kiù-chiá)會(ē)tùi錫安(sek-an)出 來(chhut-lâi)，kā雅 各(ngá-kok)ê不義(put-gī)除去(tû-khì)。27 Hit時(sî)，我(góa)會赦 免(ē sià-bián)in ê罪(chōe)，這是(che sī)我(góa)kah in所立(só͘ li̍p)ê約(iok)。」(註(chù)：賽59：20-21；27：9；耶31：33-34) 28 Tùi福 音(hok-im)ê觀 點(koan-tiám)來 看(lâi-khòaⁿ)，因為(in-ūi)lín有接 受(ū chiap-siū)in卻(khiok)拒 絕(kī-choa̍t)，in soah變 做(piàn-chò)上 主(siōng-chú)ê對敵(tùi-te̍k)，m̄-koh tùi受 揀 選(siū kéng-soán)ê觀 點(koan-tiám)來 看(lâi-khòaⁿ)，因為(in-ūi)上 主(siōng-chú)帶 念(tài-liām)對(tùi)in ê祖 先(chó͘-sian)ê應允(èng-ún)，in成 做(chiâⁿ-chò)上 主(siōng-chú)所 疼(só͘ thiàⁿ)ê人(lâng)。29 因為(in-ūi)上 主(siōng-chú)ê恩賜(un-sù)kah揀 選(kéng-soán)bē改 變(kái-piàn)。30 Lín外 邦 人(gōa-pang-lâng)過 去(kòe-khì)無順 服(bô sūn-ho̍k)上 主(siōng-chú)，m̄-koh chit-má卻(khiok)因為(in-ūi)以色列 人(í-sek-lia̍t-lâng)無順 服(bô sūn-ho̍k)，lín chiah得(tit)tio̍h憐 憫(liân-bín)。31親 像(chhin-chhiūⁿ)án-ne，因為(in-ūi)lín有得(ū tit)tio̍h憐 憫(liân-bín)，in chit-má無順 服(bô sūn-ho̍k)上 主(siōng-chú)是(sī)hō͘ in mā得(tit)tio̍h憐 憫(liân-bín)。32上 主(siōng-chú)放(pàng)所有(só͘ ū)ê人(lâng)lóng tī無順 服(bô sūn-ho̍k)ê狀 態(chōng-thài)，是(sī)為(ūi)tio̍h beh憐 憫(liân-bín)所有(só͘ ū)ê人(lâng)。

歸 榮 光(kui êng-kng)Hō͘上 主(siōng-chú)
33 上 主(siōng-chú)ê智慧(tì-hūi)非 常(hui-siông)深 沉(chhim-tîm)，智識(tì-sek)非 常(hui-siông)豐 富(hong-hù)！祂(i)ê判 斷(phòaⁿ-toàn)oh得(tit)推 測(chhui-chhek)，祂(i)ê道路(tō-lō͘)oh得(tit)chhōe-tio̍h！34啥 人(siáⁿ-lâng)知(chai)主(chú)ê心意(sim-ì)？啥 人(siáⁿ-lâng)ē-tàng替(thè)祂(i)出(chhut)主意(chú-ì)？(註(chù)：賽43：13) 35啥 人(siáⁿ-lâng)bat送(sàng)禮物(lé-mi̍h)hō͘上 主(siōng-chú)來得(lâi tit)tio̍h報答(pò-tap)？(註(chù)：伯41：11) 36因為(in-ūi)萬 物(bān-bu̍t)lóng是(sī)tùi祂(i)hia來(lâi)，óa靠(khò)祂(i)，為(ūi)tio̍h祂(i)來活(lâi oa̍h)。願(goān)祂(i)得(tit)tio̍h榮 光(êng-kng)，直到(ti̍t-kàu)永 遠(éng-oán)。阿們(a-men)。