巴克禮普世版（試讀本） 使徒行傳第七章
司 提 反ê答 辯
1祭司長就 講：「Chiah-ê tāi-chì kám是án-ne？」2司 提 反講：「各位父老兄弟，請聽，咱ê祖 先亞伯 拉罕，Iáu未徙 去哈 蘭以 前，iáu tòa tī米所波大米ê時，榮 光ê上 主對伊顯 現，3 kā伊講：「離開你ê故 鄉kah親 族，去我beh kā你指示ê所 在。(註：創12：1) 4亞伯 拉罕就 離開Ka-le̍k-tí人ê地方，去tòa tī哈 蘭。伊ê老父死了 後，上 主hō͘伊tùi hia徙到lín chit-má teh tòa ê所 在。5 Tī chia上 主並 無hō͘伊產 業，連khiā腳ê所 在都無。雖 然hit時伊Iáu未有kiáⁿ，m̄-koh上 主應允beh賜hō͘伊chit-ê土地，thang做伊kah kiáⁿ孫ê產 業。6上 主有án-ne kā伊講：『你ê kiáⁿ孫會出 外去tī外 國，做 人ê奴隸受pháiⁿ款 待四百年久。』(註：創15：13) 7上 主koh講：『M̄-koh我beh審 判hit-ê hō͘ in做奴隸ê國家。後來我會hō͘ in出 來，tī chit-ê所 在敬 拜我。』(註：創15：14) 8然 後上 主kah伊立約，用割禮做記號，因為án-ne伊生以撒了 後，第八日kā伊行 割禮。後來以撒生雅 各，雅 各生咱十二個族 長。9「Chiah-ê族 長怨妒約 瑟，kā伊賣去埃及，m̄-koh上 主kah伊同 在。10救伊脫 離一 切ê苦 難，hō͘伊tī埃及王法 老ê面 前，得tio̍h恩 典kah智慧，hō͘法 老kā伊設立做埃及ê宰 相kah王 宮ê總 管。11後來埃及kah迦南全 地發 生飢荒，引起大 災 難。咱ê祖 先無米糧thang食。12雅 各聽 講埃及有糧食，就 差咱ê祖 先去hia。這是頭 一pái。13第二pái koh去ê時，約 瑟hō͘兄弟認 出伊ê身 分，因為án-ne，法 老bat約 瑟ê家 族。14約 瑟差 人去請 伊ê老父雅 各kah全 家 族，總 共七 十 五人去埃及。15雅 各就落去埃及，後來伊kah咱ê祖 先lóng死tī hia。16 In ê屍體後來運tńg來示 劍，埋 葬tī亞伯 拉罕用錢tùi Hap-boa̍t ê kiáⁿ孫買來ê hit塊墓 地。17上 主對亞伯 拉罕應允ê hit-ê期ná近，以色列 人tī埃及生 湠興 旺。18後來另 外一個m̄-bat約 瑟ê王起來 統 治埃及。(註：出1：8) 19伊用詭計來對付咱ê民 族，虐 待咱ê祖 先，命 令in tio̍h kā in ê嬰á tàn tòa外 面，hō͘ in死。20 Hit時，摩西tú出 世，非 常清 秀ê嬰á，tī老父ê厝養 飼三個月久。21伊受棄sak ê時，法 老ê cha-bó͘-kiáⁿ kā伊拾去當 做家己ê kiáⁿ養 飼。22摩西學 習埃及 人所有ê學 問，講 話做tāi-chì lóng有才 能。23「摩西四 十歲ê時，想beh去 看家己ê兄弟，以色列ê同 胞。24伊看tio̍h一個兄弟hō͘埃及 人欺負，就kā伊保護，phah死hit-ê埃及 人，替受委屈ê人報仇。25伊想 講家己ê兄弟會了 解，是上 主用伊ê手來救in，m̄-koh in無了 解。26隔tńg日，伊看tio̍h兩個以色列 人teh相phah，想beh kā in調 解，講：「Lín是兄弟，ná會teh互 相欺負？」27 Hit-ê teh欺負ê人kā摩西sak開，講：「啥 人設立你做阮ê頭 人，做阮ê判 官？28你ài-beh親 像昨hng thâi死hit-ê埃及 人，來kā我thâi死是無？」(註：出2：14) 29摩西一下 聽tio̍h chit句話就逃 走，去tòa米甸人ê地方，tī hia生兩個kiáⁿ。30「四 十年後，tī西奈 山ê曠 野，有天使tī刺phè ê火 焰中，對摩西顯 現。31摩西看tio̍h chit-ê景 象，感 覺真 稀奇，行óa去想beh看khah詳 細ê時，就 聽tio̍h主ê聲，講：32『我是lín祖 先ê上 主，就是亞伯 拉罕、以撒、雅 各ê上 主。』(註：出3：6)摩西驚kah phi̍h-phi̍h-chhoah，m̄敢看。33主kā伊講：『你ê鞋tio̍h thǹg起來，因為你khiā ê所 在是聖 地。34我確 實有 看tio̍h我ê子 民tī埃及teh受 苦，mā有聽tio̍h in teh叫 苦ê聲。我降 臨來beh kā in拯 救，taⁿ你來，我beh差你去埃及。』(註：出3：5，7) 35 Chit-ê摩西就是以色列 人bat kā伊拒 絕，問伊講：『啥 人設立你做阮ê頭 人，做阮ê判 官？』上 主卻通 過tī刺phè中對伊顯 現ê天使，差 派伊做領 袖，做拯 救 者。36摩西chhōa in出 埃及，tī埃及、紅 海kah曠 野四 十年久，行真chē奇事神 跡。37 Chit-ê摩西bat對以色列ê kiáⁿ孫講：『上 主beh對lín兄弟 中間，為lín興起一個親 像我chit款ê先知。』(註：申18：15) 38摩西mā bat kah tī西奈 山對伊講 話ê天使，以及咱ê祖 先tī曠 野做伙見面，伊mā有得tio̍h活ê信息來 傳hō͘咱。39咱ê祖 先m̄肯聽伊ê話，顛倒kā伊拒 絕，想beh倒tńg去埃及。40 In kā亞倫講：「你tio̍h kā阮造神 明來做 頭chhōa阮，因為chit-ê chhōa阮出 埃及ê摩西m̄知tú-tio̍h甚 麼tāi-chì。』(註：出32：1) 41 Hit時，in就chō牛á-kiáⁿ ê像，koh tùi hit-ê偶 像獻 祭，歡 喜in家己ê手所做ê偶 像。42 M̄-koh上 主oa̍t-lìn-tńg，chhut-chāi in去服 事天 象。Tú親 像先知ê冊所記載，講：『以色列ê子 民ah，lín tī曠 野四 十年久，kám bat獻牲 禮á是祭 物hō͘我？43 Lín扛Mô͘-lo̍k ê布棚，kah Lí-hoan神ê星，就是lín造來拜ê偶 像；我beh kā lín遷 徙去巴比倫hit-pêng！』(註：摩5：25-27) 44「咱祖 先tī曠 野有見 證ê會 幕，就是上 主對摩西ê指示，照伊所 看tio̍h ê款 式受起 造.ê。45後來咱ê祖 先既然承 接chit-ê會 幕，上 主對in ê面 前kā外 族趕 走，in佔 領hit-ê土地了 後，就kah約書亞將會 幕徙 去hia，一直到大衛ê時代。46大衛有得tio̍h上 主ê恩 典，求上 主允 准in kā雅 各ê上 主chhōe一個tòa ê所 在。47 M̄-koh後來為上 主起聖 殿ê是所羅門。48「其實至 高上 主並 無tòa tī人ê手所起ê厝，親 像先知所 講：49 『主講：天是我ê寶座，地是我ê腳 踏。Lín beh kā我起甚 麼 款ê厝？我安息ê所 在tī tó位？50這一 切kám m̄是我親 手創 造.ê？」(註：賽66：1-2) 51 「Lín ná會chiah-ni̍h固 執，lín ê心 硬，耳 孔m̄聽話，kah lín ê祖 先仝 款，常 常悖 逆聖 神！52 Tó一個先知無受tio̍h lín祖 先ê迫 害？預言hit-ê公 義ê奴僕teh-beh來臨ê人，lóng hō͘ lín害死。Taⁿ lín成 做出 賣koh thâi死chit-ê奴僕ê人。53 Lín是tùi天使領受 上 主ê律 法，竟 然無teh遵 守！」
司 提 反Hông Tìm死
54 In聽tio̍h司 提 反chiah-ê話，心 內非 常受氣，對伊咬 牙 切 齒。55 M̄-koh司 提 反hō͘聖 神充 滿，gia̍h頭看天，看tio̍h上 主ê榮 光，mā看tio̍h耶穌khiā tī上 主ê正pêng。56伊講：「看ah！我 看tio̍h天 開，人 子khiā tī上 主ê正pêng！」57眾 人耳 孔掩teh，大 聲hoah，做一個chhi̍h óa去，58 kā司 提 反趕 出 去城 外，用 石 頭kā伊tìm。做 見 證ê人將in ê外衫，交hō͘一個名叫掃羅ê少 年 人去顧。59 In用 石 頭tìm司 提 反ê時，司 提 反求，講：「主耶穌ah，求祢接 納 我ê靈 魂！」60伊跪 落去，大 聲叫，講：「主ah，m̄-thang用chit-ê罪歸hō͘ in！」伊講soah就 死去。掃羅mā贊 同謀殺司 提 反。
|
|
|
轉寄