《台語荒漠甘泉（全羅版）》

 | | | 轉寄

Siū khó͘

作者 陳清俊 翻譯 2007.12.02

listen

Cha̍p-jī ge̍h chhoe-jī (Cha̍p-jī ge̍h jī ji̍t)

"tùi khó͘-lān lâi chiâⁿ oân-choân." (Hi-pek-lâi 2:10)

Góa bat thiaⁿ kè kóng, Ū chi̍t ê lāu-bú chhōa tio̍h chi̍t ê khiau-ku koh páiⁿ-kha ê gín-ná lâi kap i ê kiáⁿ chòe phōaⁿ. I te̍k-pia̍t kéng-kò kiáⁿ kóng, m̄-thang thê-khí hit ê gín-ná ê kî-hêng, koh-iūⁿ, in-ūi i tùi che chin bín-kám. I iā kó͘-lē kiáⁿ kap chit ê gín-ná chòe-hé chhit-thô, chhin-chhiūⁿ chi̍t ê phó͘-thong ê gín-ná. Chóng-sī nn̄g ê gín-ná sńg bô jōa kú, lāu-bú thiaⁿ tio̍h kiáⁿ mn̄g hit ê gín-ná kóng, "Lí chai lí ê ka-chhiah-phiaⁿ pē sím-mi̍h mi̍h-kiāⁿ?" Hit ê gín-ná kám-kak chin ûi-lân, iáu bōe hôe-tap chi̍t ê būn-tê chìn-chêng, kiáⁿ í-keng thè gín-ná hôe-tap kóng, "Sī chi̍t ê pó-a̍h, lāi-bīn hē lí ê chi̍t-tùi si̍t, ū chi̍t ji̍t Siōng-tè ōe phah-khui i, lí chiū chhin-chhiūⁿ thiⁿ-sài ōe pe khí-lâi."

Ū chi̍t kang, Siōng-tè ōe hō͘ múi chi̍t ê ki-tok-tô͘ bêng-pe̍k hiān-chāi in só͘ hoán-tùi ê, chiàⁿ-sī Siōng-tè ēng lâi hō͘ in oân-choân, lia̍p-chō in chòe kng-ku̍t ê oa̍h-chio̍h tī thian-kok nih. --- Cortland Myers

Siū-khó͘ sī pôe-ióng phín-keh ê sîn-kî pûi-liāu. Lán it-seng ê bo̍k-piau sī lia̍p-chō lán ê phín-keh, phín-keh sī lán thang tòa-ji̍p éng-seng î-it ê mi̍h. Ko-sióng ê phín-keh sī lán siū chhì-liān, siū bôa-liān ê bo̍k-tek. --- Austin Phelps

Beh ta̍t-kàu īⁿ-siōng ê soaⁿ, bô pa̍t lō͘, chí-ū chhì-phè ê lō͘ thang kiâⁿ.

附註:《荒漠甘泉》漢羅版kap "Hong-bô͘ Kam-chôaⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:book@pctpress.com.tw