《賴永祥講書》

 | | | 轉寄

《教會史話》(1_054) 康熙教士測繪台灣地圖

作者 賴永祥 2008.07.27

清聖祖tī康熙47年(1708)至56年(1717)下令叫西洋天主教士到全國測量來畫地圖。這是中國第一擺用khah科學ê方法來畫ê地圖，後來號名做「皇輿全覽圖」。

受命來台灣西部測量ê，有三ê法國籍ê耶穌會士，就是雷孝思(Jean-BaptisteRegis)。馮秉正(Joseph-Francois-Marie-Anne de Moyriac de Mailla)德瑪諾(Romain Hinderer)，tī台灣ê時期是1714年4月18至5月20日左右(康熙53年3月5至4月7)。這應該是台灣文化史上ê一件大代誌，可惜傳落來ê無多，親像連橫「台灣通史」ê記載干taⁿ 16 ê字:「是年(康熙53年)命天主教神甫買刺來台測量緯度」。買刺Mailla之譯，伊ê漢名是馮秉正。

有關教士來台灣測量ê詳細情形，請看方豪「康熙五十三年測繪台灣地圖考」(收tī「方豪六十自定稿」一文。是文列記載中文史料相互參證校正錯誤外，koh將當事人之一馮秉正ê一張有關長函譯做中文並用仝時代ê中文記述來印證，更加可貴。馮秉正tī 1715年8月至 P. de Colonia神父ê信，其實講著測繪者無多，m̄-koh有關台灣ê歷史、地理、風俗、物產等ê描寫soah是真詳細。他ê法文函原記載tī「觀摩奇異書札集」Lettres edifiantes et Curieuses，有德譯、英譯等，甘為霖ê英譯tī「荷蘭治下之台灣」附錄。

以下就是鴻秉正函講著當時tī台灣kám有教友的一段：「當阮離開厦門以前，有人對阮說tī台灣mā有教友。我們有去調查，tī漢人內面是絕對無ê，m̄-koh tī島民內面 kan-na是有ê，是tī荷蘭人佔港口ê時傳ê。我們bat chhōe著幾若ê會曉講荷蘭話、會曉讀荷蘭冊ê，他們mā會曉用荷蘭字來寫。阮ma7ti7他們手內chhōe著幾本荷蘭文聖經ê殘本。他們無拜任何菩薩，任何kap菩薩有關係ê代誌，他們攏會驚。他們無beh學任何ê宗教工作，也m̄念任何ê祈禱文。m̄-koh我們看出他們有熟悉一位創造天地ê主宰，一個天主包含聖父、聖子、聖神三位，他們mā講人類ê第一ê查埔人叫做亞當，第一ê查某人厄伐(夏娃)因為無聽天主ê命令，惹天主對in kap in ê子孫受氣，他們必須受洗chiah會凍免除這一切ê罪惡。他們koh知影付洗經文。m̄-koh阮無法度確知in是m̄是teh付洗。充任譯員ê漢人向我們證實他們ê孩子生落來了後，就用冷水倒tī伊ê身上。m̄-koh因為這寡通事是教外人，對本地話ê認識無多，阮從來攏無啥信任。阮kan-na已經試出他們並無來生賞罰ê觀念，他們對hō͘ kiáⁿ兒付洗，mā kan-na無啥關心....。

　 《台灣教會公報》 1932期 主後1989年3月12日