《生活e5台語，台語e5生活》

 | | | 轉寄

《當上帝開嘴講台語》

作者 台灣教會公報 2006.01.29

【林宜瑩採訪報導】你知影巴克禮《白話字聖經》、一九七二年出版ê《紅皮聖經》，以及iáu未出版ê聖經公會《現代台語譯本》聖經之間ê差異mah？只要讀過新竹教育大學（前新竹師院）台灣語言kap語文研究所博士班學生梁淑慧ê碩士論文，便ē-tàng明白三者之間ê差異，而且，chit份碩士論文iáu榮獲「彭明敏文教基金會」頒與「台灣研究」最佳碩士論文獎，並由人光出版社以《當上帝開嘴講台語》為名成書上冊，來幫助koh-khah chē人了解台語聖經之間ê差異性。

出身tī台南民族路教會、北上求學後tī和平長老教會聚會ê梁淑慧，原本就讀師大中文系，對所學內容總感覺he是中國ê文字kap文化，kah-ná kap台灣chit塊土地ê生活環境kap生活語言無關係，加上家己tī長老教會長大，對以白話字寫成ê聖詩特別有興趣，因此畢業後便以第一名考tiâu號稱世界第一ê新竹師院台灣語言kap語文教育研究所。 後來tī指導老師鄭良偉ê建議下，伊投入研究巴克禮《白話字聖經》、一九七二年出版ê《紅皮聖經》，以及iáu未出版ê聖經公會《現代台語譯本》聖經三種版本中，有關用漢字kap羅馬字書寫台語ê語法、詞彙、語音kap文字之間差異ê分析kap比較，甚至iáu做了一份問卷調查，來確認一下是m̄是以漢羅合用ê聖經，較能hō͘人接受使用。

梁淑慧表示，其實語言是必須跟tòe社會演變做調整ê，這是伊研究巴克禮白話字聖經比較偏向廈門音，發覺現代台語譯本比較符合當今台灣社會台語用法ê心得，因為聖經具有跟tòe時代改變做適時調整ê優點，因此chiah ē-tàng將基督信仰傳遍地極。

講到能得tio̍h台灣研究獎項，同時是台灣羅馬字協會成員ê梁淑慧表示，這是對伊ê一種肯定，未來，伊也會致力於台語ê推廣工作，目前梁淑慧是真理大學台語系所ê老師，下學期也已經接tio̍h私立中山醫學大學台語系之邀前往任教，伊期望透過人光出版社出版《當上帝開嘴講台語》一書，能hō͘ koh-khah chē人歡喜研讀台灣羅馬字，將白話字重新發揚起來。（原載台灣教會公報社第2811期）