《Lahjih寓言》

 | | | 轉寄

010_chhiám, 好玄誤大事

作者 蕭平治, 漢羅Ruby版處理：Lîm Chùn-io̍k 2020.07.26


ke-lō͘(街路) oat kak(角) ûi(圍) chi̍t-tīn(一 陣) lâng(人) ，m̄ chai(知) teh chhòng siáⁿ(啥) ？ chi̍t-sî(一時) hò͘ⁿ-hiân(好 玄) nǹg ji̍p-khì(入 去) khòaⁿ(看) ， thô͘(土) kha khǹg chi̍t(一) tè(塊) óaⁿ(碗) ， tó(倒) khap， piⁿ(邊) á khǹg chi̍t(一) siang(雙) tī(箸) ， chhah(插) ti̍t-ti̍t(直直) 。 ū(有) lâng(人) tiām-tiām(恬 恬) á khòaⁿ(看) ， ū(有) lâng(人) chhi-bú-chhi̍h-chhū， lâng(人) jú ûi(圍) jú chē， khòaⁿ(看) kàu(到) ji̍t(日) hông-hun(黃 昏) ， iā(也) bô(無) lâng(人) kóng-chhut(講 出) óaⁿ(碗) tī(箸) ê goân-in(原 因) ？ 「 hāi(害) ā， a- pa(阿爸) kau-tài(交 帶) ê tāi-chì soah bē kì-tit(記得) 。」

㊣ gū - ì(寓意) ： hò͘ⁿ-kî(好奇) sim(心) ē-tàng hoat-hiān(發 現) sin-kî(新奇) ，siuⁿ kòe(過) hò͘ⁿ-hiân(好 玄) ē gō͘(誤) tāi-sū(大事) 。

註解：
好玄（hò͘ⁿ-hiân）：[好奇。對於自己所不了解的事，覺得新奇而感興趣或去探查原由]
oat角：[轉角、轉彎的地方]
倒khap：[向下覆蓋著]
恬恬á：[安靜無聲]
chhi-bú-chhi̍h-chhū：[說話小聲怕別人聽見的樣子]