《Lahjih寓言》

 | | | 轉寄

007-chhiám, Niáu鼠á入牛角穩tak-tak

作者 蕭平治, 漢羅Ruby版處理：Lîm Chùn-io̍k 2020.07.05


kó͘-chá(古早) ， sian-jîn(仙 人) ūi(為) tio̍h beh pâi(排) cha̍p-jī(十 二) seⁿ-siùⁿ(生 相) ， chiū(就) kong-kò(公 告) tang sî(時) beh pí-sài(比賽) ê ji̍t-kî(日期) kah tē-tiám(地 點) 。 pí-sài(比賽) cháu-pio(走 標) beh khai-sí(開 始) chìn chêng(前) ，niáu chhí(鼠) á chiū(就) hó-chhùi(好 嘴) pài-thok(拜 託) chúi-gû(水 牛) hiaⁿ(兄) ：Kám ē-tàng khiú lí(你) ê bóe-liu(尾溜) ，chhōa góa(我) chham-ka(參 加) pí-sài(比賽) ？

kó͘ - ì(古意) ê chúi-gû(水 牛) pháiⁿ sè(勢) kī-choa̍t(拒 絕) ，siáng chai(知) niáu chhí(鼠) á ná pê(爬) ná óa gû-thâu(牛 頭) ， pí-sài(比賽) chiong-tiám(終 點) tit-beh kàu-ūi(到位) ，niáu chhí(鼠) á í-keng(已 經) khi̍p-tī gû-kak(牛 角) ， só͘- ū(所有) chham-ka(參 加) pí-sài(比賽) ê tōng-bu̍t(動 物) ， gû(牛) sī(是) cháu(走) siōng thâu-chêng(頭 前) ，siáⁿ chai(知) niáu chhí(鼠) á「pho̍k」 chi̍t-siaⁿ(一 聲) ， thiàu(跳) kàu(到) chiong-tiám(終 點) sòaⁿ(線) ， kiat-kó(結 果) ，niáu chhí(鼠) á tē-it(第一) miâ(名) ， chúi-gû(水 牛) soah pâi(排) tē-jī(第二) miâ(名) 。

ū-iáⁿ(有影) khiáu(巧) ê khah iâⁿ(贏) bīn(面) ， in-ūi(因為) niáu chhí(鼠) á pháiⁿ sim(心) bô(無) kā hó-pêng-iú(好 朋 友) niau(貓) á sio(相) thong-ti(通 知) ， hāi(害) niau(貓) á sit-khì(失 去) ki-hōe(機會) ，m̄-chiah niau(貓) á it-ti̍t(一直) beh pò(報) niáu chhí(鼠) á oan(冤) ， khòaⁿ(看) tio̍h niáu chhí(鼠) it-tēng(一 定) m̄ pàng(放) i(牠) kan-hiu(干 休) 。

㊣ gū - ì(寓意) ： khiáu(巧) to̍h sī(是) chhong-bêng(聰 明) ， khiáu(巧) m̄ tio̍h ūi(位) to̍h piàn(變) kan-khiáu(奸 巧) 。

註解：
穩tak-tak：[篤定、可靠]
khiú：[拉扯]
siáng/siâng知：[誰知]
siáⁿ知：[誰知道]
tit-beh（得beh）：[快要、將要]
贏面：[勝算]
m̄-chiah：[⋯才⋯]