《疼你e5厝邊》

 | | | 轉寄

Mr. 伊特，你beh往toh位去？

作者 彭淑青 2005.10.02

四年了後，寫續集，kám bē相隔siuⁿ久？

2001年tùi美國佳樂盲人中心（The Carroll Center for the Blind, Boston, MA)學習tńg來，看見台灣ê視障朋友到處碰壁，tī機緣下，tùi án-ne投入視障者職務再設計kap輔具ê推廣、評估kap執行工作。今年第二pái到佳樂中心學習，teh-beh tńg來到台灣，卻突然想起有職業ê hit-ê失業人口i̍是beh延續續集ê chit-ê時chūn,我ioh(猜)。

當年hit-ê遊行(kiâⁿ)tī社會福利機構ê失業人口，現在服務tī按摩業，當時伊m̄知家己會選擇按摩，但是現在已經真習慣tī這就是伊ê人生，而且ē-tàng thàn錢飼家己。我kā伊暫稱做Mr. 伊特，因為tī每一個台灣重建系統下生存ê身障者，lóng叫做Mr. 伊特。伊特（it)代表了一個歷程kap懊惱，但是伊特m̄是伊、也m̄是伊，tī chit-ê系統下，因為看bē-tio̍h一個全人、或是一個體ê貌樣。

Mr. 伊特像一個會行路ê募款箱子，tī社會機構之間chiap-chiap接受捐款：tī chit-ê機構中ê職訓課程中學點á按摩、tī hit-ê職訓機構中加強點á盲用電腦，伊ê資源漸漸累積，但是伊其實需要有人協助伊，如何適當來用這一身ê資源，去chhōe-tio̍h適合ê工作。但事實是，伊特無瞭解就業市場，伊帶tio̍h豐盛ê存款去探詢家己ê價值，然後用真貴ê代價去購買生命裡ê一段經驗。伊特講，我僅有ê存款已經用了了；福利單位講：阮咱tàn了siuⁿ-chē善款tī伊特ê募款箱á裡。

我想beh邀請伊特到chia,麻州來一chōa,當伊住滿一年ê時，麻州州政府有一個專替盲人籌備各項重建工作ê委員會（Massachusetts Commission for the Blind, MCB)會派遣一位重建諮商師Lynn chhōe-tio̍h伊特。伊知影伊特是法定盲人，tùi án-ne詢問伊特ê資料背景，知影伊有工作需求。Lynn詢問伊特，你想beh一份工作，你想你能做什麼？伊特無想法，也無確定家己是m̄是有夠額ê就業能力，tùi án-ne Lynn聯繫佳樂中心ê Laura(重建諮商師)，要求Laura協助評估。

Tī邀請下，伊特來到佳樂中心tòa tī宿舍，然後完成兩個禮拜ê評估。

Tī chit兩禮拜ê時間，伊kap定向行動師、諮商師、輔具服務員、重建教師等幾位老師做了幾pái面談，也操作一kóa機器、家庭設備；伊特意外發現，伊可能ē-tàng用koh-khah有效ê方式處理家己ê生活，以前並m̄知。伊kap其他接受評估ê盲人tòa tī同一棟厝裡、到自助餐廳領餐、tī餐廳享受中餐，並且每工認識無仝ê人。伊有時發現，家己其實m̄免孤寂，因為chia有真chē kap伊相同ê人，各自帶有無仝ê理想kap未來。Tī評估日ê最後一工，伊特受Laura ê評估團隊邀請，kap Lynn共同坐落來，共同討論伊ê、伊家己ê未來。伊決定，並設定目標，認為家己ē-tàng進入當地一間大型ê賣場，擔任一名商品ê銷售員。

伊同時接受評估團隊建議，繼續留tī佳樂中心進行四週ê訓練。伊ê數學一向無好，但Brian(輔具訓練師）kā伊講，伊有機會使用科技輔具協助家己；伊其實有點á笨拙，所以社區溝通專員kap伊共同解決chit-ê難題。有一kóa訓練伊感覺真容易，有一kóa真難，但伊lóng願意試探。Dennis 是一位稱職ê工作教練，也是資深ê就業服務員，in共同探測了幾個工作，由伊特自行面試，最後伊受聘tī一間地方ê藥局。

伊特tī chit段評估kap訓練ê過程中，無其他ê收入來源，伊真擔心家己將[坐吃空山]。Lynn tùi án-ne協助伊chhōe-tio̍h社會保險津貼，hō͘伊每個月ē-tàng維持大約895美元ê收入；因為伊是一位法定盲人，所以相關ê評估kap訓練費用，MCB幫伊付清，伊將m̄免負擔一角銀。伊特前後開了將近兩個月ê時間，伊認為比起過去tī台北流浪，家己充滿koh-khah chē ê信心ē-tàng做好工作。

Mr. 伊特，你beh toh位去？你ē-tàng決定tńg來到台灣，也ē-tàng選擇留tī chia,當然，伊特你ē-tàng帶tio̍h一kóa麻州ê經驗tńg去到台北，kā所謂ê重建系統中，kā人看做人、而非只是社會資源ê態度打包帶行。重建系統hō͘你ê是評量中ê社會參與、訓練中ê社會參與，以及設定目標中，ē-tàng自立更生ê hit一份生命參與。

Mr. 伊特，你beh toh位去？

伊特ê障礙tùi視力來，小漢時chūn因為欠缺夠額ê輔具，伊無法度kap大多數ê同學一般，自由自在學習除法、瞭解青蛙ê結構，iáu有iáu有，成長過程中，也無人kā伊講無閒ê父母，ài如何教育視障gín-á「摸tio̍h」皮包kap「拾tio̍h」皮包ê定義無仝。Tī伊特iáu會赴長大到koh-khah大ê時chūn,hō͘ koh-khah chē ê參與養足伊ê視覺經驗kap社會參與，tī伊特感覺家己可能對賣物件有興趣ê時chūn,mài kā伊講按摩業比較快速方便好生存，伊特ē-tàng學習用能力思考kap做決定，á m̄是tī職業ê組合套餐裡，選擇一個方便即時ê二號餐。

伊特伸出伊ê手臂，你怎樣kap伊ê雙手合作neh?你也伸出雙手kap伊同齊探索，á是kā 二號餐送到伊手裡。伊特ê盲太明顯，致到無容易hō͘人發現伊卑微ê微笑裡，也有一個夢想。Mr. 伊特講伊有一個小弟，teh beh成年，咱現在beh架構ê chit-ê如果是一個koh-khah適合ê社會參與型態ê ê重建環境，伊有機會參與無？我講有，而且chit-ê環境，會先看tio̍h伊小弟ê微笑，然後chiah看tio̍h伊ê盲。....(四年前ê hit一篇下期待續)