《押韻啟應詩篇》

 | | | 轉寄

台語押韻啟應詩篇 13

作者 Tīⁿ Jî-gio̍k 2006.03.26

13　Tāi-pi̍t ê si, kau hō͘ Ga̍k-koaⁿ; tiāu, ēng tē-poeh.

1a　Iâ-hô-hoa ah, Lí bōe-kì-tit góa, beh jōa-kú ah? Kàu éng-oán mah?
　　耶　和　華　啊，Ｌí　未　記得我，要　偌　久啊？到　永　遠　嗎？
1b　　　Lí ng bīn m̄ khòaⁿ góa, beh jōa-kú ah?
　　　　Ｌí　掩　面　不　看　我，要　偌　久　啊？

2a　Góa ê sim-sîn siūⁿ-lâi siūⁿ-khì,
　　我 的 心 神 想 來 想 去，
　　góa ê sim thong-ji̍t iu-khó͘ kiông beh sí , beh kàu jōa-kú ah?
　　我 的 心 通 日 憂 苦 強 要 死，要 到 偌 久 啊？
2b　　　Góa ê tùi-te̍k ko-seng iâⁿ-kè góa beh kàu jōa-kú ah?
　　　　我 的 對 敵 高 升 贏 過 我 要 到 偌 久 啊？

3a　Iâ-hô-hoa góa ê Siōng-tè ah , kiû Lí khòaⁿ-kò͘ góa, thiàⁿ góa,
　　耶 和 華 我 的 上 帝 啊，求Lí　看 顧 我，愛 我，
3b　　　Hō͘ góa ê ba̍k-chiu kng-bêng bô ha̍p-óa ,
　　　　使 我 的 目 珠 光 明 無 合 倚，
　　　　kiaⁿ-liáu góa khùn kàu sí , chiū án-ni bōe oa̍h.
　　　　驚 了 我 睡 到 死，就 按 呢 不 活。

4a　Kiaⁿ-liáu góa ê tùi-te̍k kóng khí, “ Góa khah-iâⁿ i ; ”
　　驚 了 我 的 對 敵 講 起：「 我 較 贏 他；」
4b　　　Kiaⁿ-liáu góa ê kiû-siû tī góa iô-choah ê sî , lâi hoaⁿ-hí .
　　　　驚 了 我 的 仇 讎 在 我 搖 泏 的 時，來 歡 喜。

5a　Chóng-sī góa óa-khò Lí chû-ài ê iok-sok,
　　總 是 我 倚 靠Lí　慈 愛 的 約 束，
5b　　　Góa ê sim in-ūi Lí ê chín-kiù lâi khoài-lo̍k.
　　　　我 的 心 因 為Ｌí的 拯 救 來 快 樂。

6a　Góa beh chhiùⁿ-koa o -ló Iâ-hô-hoa;
　　我 要 唱 歌 讚 美 耶 和 華；
6b　　　In-ūi I ēng tōa-un khoán-thāi góa.
　　　　因 為 祂 用 大 恩 款 待 我。