《聖經故事三字詩》

 | | | 轉寄

16. Hiàn-chè .... 獻祭

作者 Tân Chheng-chùn 2009.05.03

A-pek-la̍h-hán, sìn-sim chán,
亞伯拉罕，信心贊，
Bô͘-hoān lán, jîn-seng chān,
模範咱，人生助，
Kè kan-lân, ji̍p chhàn-lān;
過艱難，得燦爛；

Siōng-tè thê, hiàn lâng chè,
上帝提，獻人祭，
Bô ûi-ke̍h, bô tòng-teh,
無違逆，無擋teh，
Má-siōng chòe, Í-sat tè.
馬上做，以撒隨；

Kiáⁿ mn̄g pē, chhâ kap hé,
子問父，柴佮火，
Lóng hó-sè, chè-mi̍h neh?
攏好勢，祭物呢？

Siōng-tè ōe, pī-pān leh,
上帝會，備辦leh，
Chin-si̍t ōe, khǹg sim-té,
真實話，藏心底，
Sim bêng-pe̍h, oh kái seh,
心明白，難解說，
Chēng-chēng peh, bô kóng-ōe;
靜靜爬，無講話。

Taⁿ kàu-tè, thia̍p chhâ-pé,
今到地，疊柴把，
Chiong kiáⁿ hē, to giâ teh,
將子置，刀舉teh，
Chhiú beh hē, thiⁿ chó͘ pē,
手欲下，天阻父，
Oa̍t sin-thé, khòaⁿ iûⁿ kê,
越身體，看羊夾，
Iûⁿ-ko thè, lâi hiàn-chè,
羊羔替，來獻祭，
Chin lân-tê, khó-giām kè.
真難題，考驗過。