《聖經故事三字詩》

 | | | 轉寄

15 Kî-tó .... 祈禱

作者 Tân Chheng-chùn 2009.04.19

Ha̍k-seng būn, kàu-tō gún,
學生問，教導阮，
Ki-tok chún, siōng-kài ún,
基督准，上界穩，
Lâng-lâng sūn, Chú-tó-bûn:
人人順，主禱文：

“Goán Thiⁿ-pē, Lí miâ sèng,
「阮天父，你名聖，
Kok lîm-kàu, Chí-ì sêng,
國臨到，旨意成，
Tī tē hêng, ná thiⁿ-téng.
佇地行，若天頂；

Kim-ji̍t si̍t, kim-ji̍t tit;
今日食，今日得；
Bián goán chōe, chhiūⁿ goán chòe;
免阮罪，像阮做；
Bô siū chhì, pháiⁿ, thoat-lī;
無受試，歹、脫離；

Kok kap koân, êng-kng thoân,
國佮權，榮光傳，
Kàu éng-oán, Sim só͘-goān.”
到永遠，心所願。」
A-men.
阿們。

Kiû I kok, tit sù hok,
求衪國，得賜福，
Kiû I gī, chiū chí-sī,
求衪義，就指示，

Hoân só͘ kiû, pi̍t sêng-chiū,
凡所求，必成就，
Thiⁿ só͘ siú, hoaⁿ-hí siū,
天所賞，歡喜受，

Jīn-chin chhē, chhē-tio̍h ōe,
認真尋，尋著會，
Phah mn̂g ê, khui mn̂g tè.
拍門者，開門隨。