《聖經故事三字詩》

 | | | 轉寄

11. Kiat-ha̍p .... 結合

作者 Tân Chheng-chùn 2009.02.22

br>
Pē-lú loân, lāi-gōa koán,
父女戀‧內外管，
Ló chiáng koân, iù ûi-toân.
老掌權，幼遺傳，
Chhn̂g un-loán, chîⁿ-gûn khoan,
床溫暖，錢銀寬
Kiáⁿ oân-choân, ka thoân-oân.
子完全，冢團圓，

Lâm chú gōa, piàⁿ seng-oa̍h,
男主外，拼生活，
Lú chú lāi, Kò͘ saⁿ-tāi.
女主內，顧三代；

Bó͘ tōa-chí, kim kau-í,
某大姊，金交椅，
Hū chiáng lí, hu sūn ì,
婦掌理，夫順意‧
Lú kiông-jîn, lâm pêng-bîn,
女強人，男平民，
Lú siōng chìn, lâm tè kín.
女上進，男隨緊，

Tông-sèng loân, hun-in loān,
同性戀‧婚姻亂，
Kiáⁿ bōe thoân, Siōng-tè hoán,
子未傳，上帝反；
Chū-kí koân, su-io̍k soan,
自己權，私慾宣，
Kong-khai poān, lí bōe oân.
公開叛，理未完；

Tò͘ siⁿ hūn, khí lia̍h-hûn,
妒生恨‧起裂痕，
Sui tâng khùn, sim ia̍h chùn,
雖同睏，心亦震，
bô jīn-hūn, Khí gî-būn,
無認份，起疑問，
Chiâⁿ siⁿ-hūn, chiū iu-būn,
成生分，就憂悶，
Chhùi-nōa phùn, ba̍k-sái thun,
嘴涎噴，目屎吞，
Lī-iân chhun, chú-lú hūn.
離緣剩，子女恨。