《聖經故事三字詩》

 | | | 轉寄

10. Hun-in .... 婚姻

作者 Tân Chheng-chùn 2009.02.08

Khí-thâu lūn, Sîn siat hun,
起頭論，神設婚，
Lâm-lú khùn, Siōng-tè chún,
男女睏，上帝准，
Chō͘ chhiá chun, thiàⁿ jîn-kûn,
助且尊，疼人群，
Thoân kiáⁿ sun, ài-chêng chhun,
傳子孫，愛情春；

Kiat hó hun, ài iū un,
結好婚，愛又恩，
Bô kheng-hun, tio̍h ûn-khûn,
無輕分*，著慇勤，
Thé-thiap chûn. sèng chiām kūn.
體貼存，性漸近，
Siú hun-chhùn, bô kè hūn.
守分寸，無過份；

Kiû ha̍k-būn, chek kim-gûn,
求學問，積金銀，
Chun ngó͘-lûn, bô tîm-lûn,
遵五倫，無沈淪。
Hó miā-ūn, kò͘ tit ún,
好命運，顧得穩，
Chhn̂g thâu kún, chhn̂g bé un,
床頭滾，床尾溫；

Bô pok hun, bô hòa kûn,
無卜薰**，無喊拳***，
Bô kâ-kún, bô loān pûn,
無擾滾，無亂噴****，
Chió boah hún, sim un-sûn.
少摸粉，心溫純，
Hui pêng-hun, hui ngī sūn.
非平分，非硬順；

Lâm thàn chîⁿ, Ka lú chhî.
男賺錢，家女持，
Lâm-lú pîⁿ, bô saⁿ phiⁿ,
男女平，無相偏*****‧

* Kin-kin kè-kàu 斤斤計較 ；
** 抽煙；
*** 猜拳；
**** pûn ke-kui, 吹牛，亂講話；
***** chiàm piān-gî 占便宜。