《耶穌言行錄》

| | | 轉寄

Tē-12-chiuⁿ,Kiâⁿ sóe-lé Iok-hān

作者 Ko Kim-seng. 2008.06.29

（Má-thài 3：1-12；Lō͘-ka 3：1-20）
Kiâⁿ sóe-lé Iok-hān ka-kī khiā tī Iû-thài ê khòng-iá，sī ài choan-sim ho̍k-sāi Siōng-tè.In-ūi sī chòe Chú ê sian-hong，só͘-í Iâ-so͘ bē chhut-thâu ê sî，i tāi-seng chhut-lâi kóng tō-lí.Só͘ chhēng ê ，sī lo̍k-tô mn̂g；só͘ hâ ê ，sī phê ê tòa；só͘ chia̍h ê，sī chháu-meh，iá-bi̍t.Iok-hān chhut siaⁿ kóng，"Thian-kok kūn lah，lín tio̍h hoán-hóe. "

Chōe-chōe lâng thiaⁿ i só͘ kóng，jīn ka-kī ê chōe，tùi i niá sóe-lé.Ū lâng phah-sǹg i sī Ki-tok，Iok-hān kā in kóng，"Góa m̄-sī Ki-tok，ū chi̍t ê pí góa khah tōa ê，chiū-sī Ki-tok；I lâi m̄-sī chhin-chhiūⁿ góa ēng chúi kiann4 sóe-lé，sī ēng Sèng Sîn kā lâng sóe. "

Hit-tia̍p ū lâng bô bêng-si̍t hoán-hóe lâi kiû sóe-lé.Iok-hān chek-pī kóng，"Lín tio̍h ēng chin-si̍t ê sim hoán-hóe kiat hó ê ké-chí. "In ū chi̍t hāng tōa chhò-gō͘，chiū-sī khò ka-kī chòe A-pek-lia̍p-hán ê kiáⁿ-sun，só͘-í Iok-hān kà in m̄-thang án-ni，tio̍h o̍h A-pek-lia̍p-hán ê sìn，sūn thàn Siōng-tè ê ì-sù；chiū ēng phì-jū kóng，"Hoān-nā chhiū bô kiat chōe-chōe hāng hó ê ké-chí，chiū-sī jîn-ài，hô-pêng，siān-liông，chīn-tiong，sìn-si̍t，khiam-pi，jîn-chû，thun-lún，un-jiû，chiah ê ké-chí；án-ni ōe hián-bêng senf5-si̍t hoán-hóe thiàⁿ Siōng-tè.Nā-sī chit hō m̄-sī lán ka-kī ōe，chiū-sī tùi Sèng Sîn.Lán ka-kī sim-lāi ê ké-chí ta̍k hāng sī pháiⁿ，chhin-chhiūⁿ chhì-phè；só͘-í tio̍h kiû Siōng-tè ēng Sèng Sîn tiàm lán ê sim，hō͘ lán tû-khì ta̍k hāng ê pháiⁿ，ōe chiâⁿ ta̍k hāng ê hó，hō͘ Siōng-tè hoaⁿ-hí.

思羅安台語點字網站