《耶穌言行錄》

| | | 轉寄

Tē-13-chiuⁿ,Iâ-so͘ niá sóe-lé

作者 Ko Kim-seng. 2008.07.06

（Má-thài 3：13-17； Má-khó 1：9-11；Lō͘-ka 3：21，22）
Hit sî Iâ-so͘ tùi Ka-lī-lī lâi Iok-tàn hô，chiū-kūn Iok-hān beh niá sóe-lé，Iok-hān m̄-káⁿ I kiâⁿ sóe-lé，sî i kóng，"Góa eng-kai tio̍h siū Lí ê sóe-lé，Lí hoán-tńg lâi chiū-kūn góa mah？"Iâ-so͘ ìn kóng，"Taⁿ chhiáⁿ iông-ún góa，in-ūi lán tio̍h án-ni lâi chīn lé-sò͘. "Iok-hān chiah kā I kiâⁿ sóe-lé.Iâ-so͘ niá sóe-lé liáu tùi chúi khí-lâi，thiⁿ khui，ū Siōng-tè ê Sîn chhin-chhiūⁿ chíⁿ-á kàng-lîm tī I ê téng-bīn，ia̍h ū siaⁿ kóng，"Che sī Góa thiàⁿ ê Kiáⁿ，Góa só͘ hoaⁿ-hí ê. "Án-ni hián-bêng ū Sam-ūi-it-thé，chóng-sī chit hō ê tō-lí sī chin ò-biāu，lán bōe-ōe lóng bêng-pe̍k.Chiàu Sèng-chheh só͘ kì-chài Pē Siōng-tè chhe Iâ-so͘ lâi sè-kan chòe Kiù-chú，hō͘ sìn-khò I ê lâng ōe tit-tio̍h sià-bián chōe.Kiáⁿ Siōng-tè hōng-chhe lâi sè-kan thòe lán siū kan-khó͘，kiâⁿ cha̍p-chn̂g ê gī；án-ni ēng I ê kong-lô jia-khàm sìn I ê lâng.Sèng Sîn Siōng-tè sī têng-thâu-siⁿ lâng ê sim，hō͘ lâng ōe hiáu-tit sìn-khò Iâ-so͘，ho̍k-sāi Siōng-tè.

思羅安台語點字網站