巴克禮普世版（試讀本） 使徒行傳第二章
聖 神降 臨
1五旬 節到，信徒lóng聚 集tī一 所 在。2忽 然 間有聲tùi天 頂來，親 像teh透 大 風，充 滿in teh坐ê kui間厝。3 Koh有親 像分 開ê火 舌對in出 現，歇tī ta̍k人ê頂 面。4 In lóng受 聖 神充 滿，照聖 神賞賜in ê恩賜，開 嘴講別 種ê語 言。5 Hit時有kóa虔 誠ê猶 太 人，tùi世界ta̍k國tńg來，tòa tī耶路撒 冷。6群 眾聽tio̍h chit-ê聲就lóng聚 集óa來，因為ta̍k人聽tio̍h信徒照in家己本地ê話，來對in講 話soah gāng起來。7 In tio̍h驚koh奇怪，講：「你 看，chiah-ê teh講 話ê人kám m̄是lóng加利利人？8咱ná會lóng聽tio̍h Kā in照 kā咱ta̍k人本地ê語 言teh講 話？9咱chiah-ê Phàⁿ-thê-a人、Bí-thài人、Í-lân人，kah tiàm-tī米所波大米、猶太kah Ka-phàⁿ-to-ka，Pún-to͘ kah亞西亞，10 Hut-lū-ka kah Pông-hui-lī-a，埃及近óa古利奈ê Lū-pí-a，chiah-ê地方ê人，以及tùi羅馬來ê出 外 人，有ê是猶 太 人，有ê是改 宗入猶 太 教ê人，11 Kek-lí-tí人，A-lat-pek-人，lóng聽in用咱ê語 言teh講上 主所做偉大ê tāi-chì。」12大家tio̍h驚koh奇怪，問 來問 去講：「這是甚 麼tāi-chì？」13 Mā有人恥 笑in講：「In是lim新 酒teh醉。」
彼得ê講 道
14 M̄-koh彼得kah十一個使徒khiā起來，大 聲對in講：「猶 太 人kah所有tòa tī耶路撒 冷ê人ah，lín tio̍h知chit-ê tāi-chì，mā tio̍h注意 聽我ê話。15 Chiah-ê人m̄是lín所 講ê酒 醉，因為chit-má chiah早起時九 點。16其實這是先知約珥所 講.ê。17上 主講：Tī終 末ê時日，我beh用我ê聖 神，降 落 去hō͘世 間 人。Lín ê後 生，lín ê cha-bó͘-kiáⁿ會講預言，lín ê少 年 人會看tio̍h異 象，lín ê老 人會得tio̍h託 夢。18 Koh tī hiah-ê日，我mā beh將我ê聖 神降 落 去hō͘我ê奴僕kah女婢 女婢，in mā會講預言。19我tī天 頂顯 出奇事，tī地 上我beh顯 示神 跡，有血、火kah煙霧。20 Tī主大koh榮 耀ê日降 臨chìn前，日頭會變 做暗，月會變 做ná血hiah-ni̍h紅。21 Hit時，所有求叫主ê名ê人lóng會得救。」(註：珥2：28-32) 22「以色列 人ah，lín tio̍h聽我ê話：照lín所 知，上 主通 過拿撒勒 人耶穌，tī lín中 間顯 示祂ê權 能、奇事kah神 跡，來對lín證 明祂是上 主所設立.ê。23上 主照祂定tio̍h ê旨意kah預定ê計畫，kā祂交hō͘ lín。Lín借 用不 法ê人ê手，kā祂釘十字架，kā祂害死。24 M̄-koh上 主tháu放祂死 亡ê痛 苦，hō͘祂koh活，因為死 亡bē-tàng kā祂控 制。25關 係耶穌ê tāi-chì，大衛有講：我看 見主常 常tī我ê面 前；祂tiàm tī我ê正pêng，hō͘我bē搖動。26所以我ê心歡 喜，我ê舌快 樂，koh我ê肉 體mā會tī ǹg望中安 然過 日。27因為祢bē kā我ê靈 魂放sak tī陰 間，mā bē hō͘祢神 聖ê奴僕朽 瀾。28祢已經指示我活 命ê路。Hō͘我tī你ê面 前滿 心快 樂。」(註：詩16：8-11) 29「兄弟 姊 妹ah，關 係先 祖大衛ê tāi-chì，我好膽對lín講，伊已經死koh埋 葬，伊ê墓到今á日iáu tī咱chia。30伊既然是先知，koh知上 主bat kah伊chiù-chōa應允，beh tī伊ê kiáⁿ孫中，設立一個 人做 王，來坐祂ê寶座。31大衛有先看 出chit-ê tāi-chì，關 係基督ê koh活有講：祂無受放sak tī陰 間，祂ê肉 體mā無朽 瀾去。(註：詩16：10) 32 Chit-ê耶穌，上 主有hō͘祂koh活，阮chiah-ê人lóng做祂ê見 證 人。33祂已經受 高 升到上 主ê正pêng，koh tùi天父領受所應允ê聖 神。祂chit-má將chit-ê聖 神piàⁿ落來hō͘阮，就是lín chit-má所 看tio̍h，所聽tio̍h-.ê。34大衛m̄-bat上 天，m̄-koh伊講：上 主對我ê主講：祢坐我ê大pêng，35到我hō͘祢ê對敵做祢ê腳 踏。(註：詩110：1) 36「所以以色列全 家lóng tio̍h確 實知，chit-ê lín kā祂釘十字架ê耶穌，上 主已經設立祂做 主，做基督à。」37眾 人聽tio̍h chiah-ê話，心 內真刺 鑿，對彼得kah其他ê使徒講：「兄弟 姊 妹ah，阮tio̍h án怎做？」38彼得kā in講：「Lín tio̍h悔 改，ta̍k人lóng tio̍h奉耶穌基督ê名受洗禮，hō͘ lín ê罪得tio̍h赦 免。Lín就ē-tàng領受 上 主賞賜ê聖 神。39因為chit-ê應允是beh hō͘ lín kah lín ê kiáⁿ孫，以及所有tī遠 遠ê人。就是咱ê上 主呼 召來 歸 向祂ê人。」40彼得koh另 外用真chē話出 力見 證，來 苦 勸in，講：「Lín tio̍h救家己脫 離chit-ê邪惡ê世代。」41就án-ne，接 納in ê話ê人lóng受洗禮，hit日信徒大約加添三 千人。42 In專 心領受使徒ê教示，參 與信徒團 契生 活，領受聖 餐，祈禱。
信徒ê團 契生 活
43使徒koh行真chē奇事神 跡，引起眾 人起敬 畏ê心。44信徒lóng聚 集tī一 所 在，所有ê物lóng公 家 用。45 Koh賣家產kah家 業，照ta̍k人所需要.ê分hō͘ in。46 In ta̍k日tī聖 殿 內同 心 合意聚 會，mā去家家戶戶舉 行聖 餐peh餅，用歡 喜誠 實ê心做伙lim食，o-ló上 主。47 Koh得tio̍h眾 人歡 喜接 納。主將得救ê人日日加添hō͘ in。
|
|
|
轉寄