《巴克禮普世版聖經「漢羅+Ruby」試讀本》

 | | | 轉寄

第三章

作者 巴克禮普世版小組 2012.01.15

施洗者(si-sé-chiá) 約 翰(iok-hān) ê 洗禮(sé-lé) kap 傳 道(thoân-tō)
(Mk 1:1~8;Lk 3:1~18;Ih 1:19~28)

1 Hit 當時(tong-sî)，施洗者(si-sé-chiá) 約 翰(iok-hān) 來 到(lâi-kàu) 猶太(iû-thài) ê 曠 野(khòng-iá) 宣 講(soan-káng) 道理(tō-lí)。

2 伊(i) 宣 揚(soan-iông) 講(kóng)：「Lín tio̍h 悔 改(hoé-kái)，因為(in-ūi) 天 國(thian-kok) teh-boeh 到(kàu) à!」

3 Chit-ê 人(lâng) 就是(chiū-sī) 先知(sian-ti) 以賽亞(í-sài-a) 所(só͘) teh 講(kóng) ê:「有(ū) 聲(siaⁿ) tī 曠 野(khòng-iá) teh hoah 講(kóng)，tio̍h 為(ūi) 主(chú) 準 備(chún-pī) 道路(tō-lō͘)，修直(siu-ti̍t) 祂(I) boeh 行(kiâⁿ) ê 小(sió) 路(lō͘)。」

4 Chit-ê 約 翰(iok-hān) 穿(chhēng) 駱駝 毛(lo̍k-tô-mn̂g) ê 衫(saⁿ)，腰(io) hâ 皮 帶(phoê-toà)；伊(I) 所(só͘) 食(chia̍h) ê 是(sī) 草 蜢(chháu-meh) kap 野蜜(iá-bi̍t)。

5 Hit 時(sî) 耶路撒 冷(iâ-lō͘-sat-léng) kap 全(choân) 猶太 省(iû-thài-séng)，以及(í-ki̍p) 約旦河(iok-tàn-hô) 四周圍(sì-chiu-ûi) ê 眾 人(chèng-lâng) lóng 出來(chhut-lâi) 見(kìⁿ) 約 翰(iok-hān)；

6 in 認(jīn) 罪(choē)，約 翰(iok-hān) 就(chiū) tī 約旦河(iok-tàn-hô) kā in 行(kiâⁿ) 洗禮(sé-lé)。

7 約 翰(iok-hān) 看(khoàⁿ)tio̍h 法利賽 派(hoat-lī-sài-phài) kap 撒都該 派(sat-to͘-kai-phài) ê 人(lâng)，真(chin) chē 來(lâi) boeh hō͘ 伊(i) 洗禮(sé-lé)，就(chiū) kā in 講(kóng)：「Lín chiah-ê 毒 蛇(to̍k-choâ) ah，啥 人(siáⁿ-lâng) 警 告(kéng-kò) lín 閃 避(siám-pī) 上 主(siōng-chú) teh-boeh 發(hoat) ê 受氣(siū-khì) à?

8 Taⁿ lín tio̍h 用(ēng) 行為(hêng-ûi) 來(lâi) 證 明(chèng-bêng) lín 真 正(chin-chiàⁿ) 有(ū) 悔 改(hoé-kái)。

9 M̄-thang 家己(ka-kī) 想(siūⁿ) 講(kóng)，有(ū) 亞伯拉罕(a-pek-la̍h-hán) 做(chò) 阮(goán) ê 祖 先(chó͘-sian)；我(goá) kā lín 講(kóng)，上 主(siōng-chú) ē-tàng tùi chiah-ê 石 頭(chio̍h-thâu) 生 出(seⁿ-chhut) 亞伯拉 罕(a-pek-la̍h-hán) ê kiáⁿ孫(sun)。

10 Taⁿ 斧 頭(pó͘-thâu) 已經(í-keng) 掛(koà) tī 樹 頭(chhiū-thâu)；若(nā) 無(bô) 結(kiat) 好(hó) 果子(ké-chí) ê 樹(chhiū)，lóng boeh kā 伊(i) 剉(chhò) 起來(khí-lâi)，hiat落(lo̍h) 火 裡(hoé-ni̍h)。

11 我(goá) 用(ēng) 水(chúi) kā lín 行(kiâⁿ) 洗禮(sé-lé)，是(sī) boeh 表示(piáu-sī) lín 有(ū) 悔 改(hoé-kái)；m̄-koh tī 我(goá) 後面(āu-bīn) teh-boeh 來(lâi) ê hit 位(ūi)，比(pí) 我(goá) khah 有(ū) 權 能(koân-lêng)，我(goá) 連(liân) kā 祂(I) kōaⁿ 鞋(ê) to bē 堪 得(kham-tit)；祂(I) boeh 用(ēng) 聖 靈(sèng-lêng) kap 火(hoé) kā lín 行(kiâⁿ) 洗禮(sé-lé)。

12 祂(I) ê 手(chhiú) the̍h chhiah箕(ki)，boeh 將(chiong) 麥埕(be̍h-tiâⁿ) 全 部(choân-pō͘) 簸(poà) 清 氣(chheng-khì)，祂(I) 會(ē) 將(chiong) 麥(be̍h)á 收(siu) 入去(ji̍p-khì) 倉 庫(chhng-khò͘)；m̄-koh 麥(be̍h)hiūⁿ 就(chiū) 用(ēng) bē hoa去(khì) ê 火(hoé) kā 燒 掉(sio-tiāu)。

耶穌(iâ-so͘) 受(siū) 洗禮(sé-lé)
(Mk 1:9~11;Lk 3:21~22)

13 Hit 時(sî)，耶穌(iâ-so͘) tùi 加利利 省(ka-lī-lī-séng) 來到(lâi-kàu) 約旦河(iok-tàn-hô) 約翰(iok-hān) hia，boeh hō͘ 伊(i) 洗禮(sé-lé)。

14 但是(tān-sī) 約 翰(iok-hān) kā 祂(I) 阻 止(chó͘-chí) 講(kóng)：「我(goá) 應 該(eng-kai) tio̍h tùi 你(lí) 領(niá) 洗禮(sé-lé)，你(lí) thài-ē 顛倒(tian-tò) 來(lâi) chhōe 我(goá)？」

15 耶穌(iâ-so͘) 應(ìn) 伊(i) 講(kóng)：「Taⁿ 請(chhiáⁿ) 允(ún) 我(goá) án-ne 做(chò) chiah ha̍h 上 主(siōng-chú) lóng總(chóng) ê 要求(iau-kiû)。」約 翰(iok-hān) 就(chiū) 同意(tông-ì) án-ne 做(chò)。

16 耶 穌(iâ-so͘) 受(siū) 洗禮(sé-lé) 以後(í-āu)，就(chiū) 隨時(sûi-sî) tùi 水 裡(chúi-ni̍h) 起來(khí-lâi)。天(thiⁿ) 忽 然(hut-jiân) 為(ūi)tio̍h 祂(I) 開(khui)，祂(I) 就(chiū) 看(khoàⁿ)tio̍h 上 主(siōng-chú) ê 聖 靈(sèng-lêng)，親 像(chhin-chhiūⁿ) 粉 鳥(hún-chiáu) 降 臨(kàng-lîm) tī 祂(I) ê 頂 面(téng-bīn)。

17 Koh 有(ū) 聲(siaⁿ) tùi 天頂(thiⁿ-téng) 來(lâi)，講(kóng)：「Chit-ê 是(sī) 我(goá) 所(só͘) 疼(thiàⁿ) ê Kiáⁿ，我(goá) 真 正(chin-chiàⁿ) kah意(ì) ê。」