巴克禮普世版（試讀本） 路加福音第六章
安息 日ê問題 (太12：1-8；可2：23-28)
1有一個安息 日，耶穌tùi麥 園經 過，祂ê門徒摘麥 穗，用 手jôe來 食。2有kóa法 利賽 派ê人對in講：「Lín ná會tī安息 日，做律 法規 定無應 該做ê tāi-chì？」3耶穌應 講：「Lín kám無 讀tio̍h大衛kah跟tòe ê人，腹肚iau ê時所做ê tāi-chì？4伊入去上 主ê殿，the̍h獻 祭ê餅來 食，koh hō͘伊跟tòe ê人食。Chit種餅kan-tāⁿ祭司chiah thang食。」5耶穌koh kā in講：「人 子是安息 日ê主。」
耶穌醫好瘸 手ê人 (太12：9-14；可3：1-6)
6 Koh有一個安息 日，耶穌入去會 堂教示。Tī hia有一個正 手瘸 去ê人。7有kóa經 學 教 師kah法 利賽 派ê人teh當 等，看耶穌有tī安息 日kā人醫病á無。意思是beh chhōe孔 縫thang告耶穌。8耶穌知in ê企圖，就kā hit-ê瘸 手ê人講：「起來！khiā tòa中 央。」Hit人 就khiā起來tī hia。9然 後耶穌對in講：「我問lín，tī安息 日做好事á是做pháiⁿ事，救性 命á是害性 命，tó一 項khah合 律 法？」10耶穌kā群 眾看一liàn了 後對hit人講：「Kā你ê手伸 出 來！」伊一下伸 手，手就 復 原。11 Hiah-ê人非 常受氣，做伙參 詳beh án怎來對付耶穌。
耶穌揀 選十二使徒 (太10：1-4；可3：13-19)
12有一 工，耶穌出去 山 裡祈禱，kui暝對上 主祈求。13到 天 光就叫 門徒來；對in中 間揀 選十 二 人，kā in叫做使徒。14就是西門，耶穌koh kā伊號名做彼得，kah伊ê兄弟安得烈，koh有雅 各kah約 翰，腓力kah巴多羅買，15馬 太kah多馬，A-le̍k-hui ê kiáⁿ雅 各kah叫 做激 進 黨 員ê西門，16雅 各ê kiáⁿ猶大，kah出 賣耶穌ê加 略 人猶大。
耶穌ê教示Ka醫病 (太4：23-25)
17耶穌kah使徒落 山來khiā tī平地，tī hia有真chē祂ê門徒kah kui大陣ê民 眾。Chiah-ê人是tùi猶太全 地kah耶路撒 冷，以及Chhui-lô kah Se-tùn沿海ê所 在來。18 In來beh聽耶穌講 道理，mā beh hō͘祂醫病。Hiah-ê hō͘邪神附身攪 擾ê人，mā lóng得tio̍h醫治。19眾 人lóng想beh kā祂摸，因為有 權 能對耶穌出 來，hō͘ in lóng得tio̍h醫好。
福 氣Kah災 禍(太5：1-12)
20耶穌gia̍h頭看祂ê門徒，講：「Lín chiah-ê sàn-chhiah人，實 在有福 氣，因為上 主 國 度是lín ê。21 Lín chit-má teh iau ê人，實 在有福 氣，因為上 主會hō͘ lín食kah飽。Lín chit-má teh啼 哭ê人，實 在有福 氣，因為上 主會hō͘ lín笑。22人 為tio̍h人 子ê緣故來怨 恨lín，拒 絕lín，侮 辱lín，kā lín看 做pháiⁿ來排 斥ê時，lín實 在有福 氣。23 Hit日lín tio̍h歡 喜tiô跳；因為lín tī天 頂ê報賞真 大。以 前hiah-ê人ê祖 先mā是án-ne款 待先知。24 M̄-koh lín chiah-ê好 額 人，會有災禍！因為lín已經teh享 受安樂ê生 活。25 Lín chit-má飽 足ê人，會有災禍！因為lín teh-beh iau。Lín chit-má teh笑ê人，會有災禍！因為lín teh-beh哀 傷啼 哭。26 Lín chiah-ê hō͘群 眾o-ló ê人，會有災禍！因為in ê祖 先mā bat án-ne款 待假先知。」
疼敵人(太5：38-48；7：12)
27「M̄-koh lín chiah-ê teh聽ê人，我kā lín講：tio̍h疼lín ê對敵。Tio̍h好 款 待怨 恨lín ê人。28 Tio̍h祝 福pháiⁿ嘴罵lín ê人。Tio̍h替侮 辱lín ê人祈禱。29若有人siàn你一pêng ê嘴phóe，另 外一pêng mā hō͘伊siàn；若有人剝lín ê外衫，連內衫mā順 續hō͘伊。30若有人kā你求啥 物，tio̍h hō͘伊；若有人搶你ê物 件，m̄-thang kā伊討tńg來。31 Lín ài人án怎對 待lín，mā tio̍h án-ne對 待人。32 Lín若 疼hiah-ê疼lín ê人，有啥 物thang o-ló？因為pháiⁿ人mā是疼hiah-ê疼in ê人。33 Lín若好 款 待hiah-ê好 款 待lín ê人，有啥 物thang o-ló？因為pháiⁿ人mā是án-ne teh做。34 Lín若借錢hō͘ hiah-ê有thang ǹg望還你錢ê人，有啥 物thang o-ló？因為pháiⁿ人mā敢借錢hō͘會 照數 額來 還ê人。35 M̄-koh lín tio̍h疼lín ê對敵，好 款 待in。借人mā m̄-thang想beh討tńg來。Án-ne lín會得tio̍h真 大ê報賞，koh會成 做至 高上 主ê kiáⁿ兒，因為祂對忘 恩背義kah做pháiⁿ ê人真慈悲。36所以lín tio̍h有憐憫ê心，親 像lín ê天父teh憐 憫人。」
批 評人 (太7：1-5；10：24；15：14)
37 M̄-thang批 評人，chiah bē hō͘人批 評。M̄-thang kā人判 罪，chiah bē hō͘人kā lín判 罪。Tio̍h赦 免人，chiah會得tio̍h人ê赦 免。38 Tio̍h hō͘人，lín chiah會得tio̍h，而 且會真充 足，kā lín ji̍h koh搖，hō͘伊cha̍t kah滿 出 來，piàⁿ落去lín ê衫á帕，因為lín用啥 物量器來量hō͘人，人mā會 照án-ne量倒tńg去hō͘ lín。」39耶穌koh用 譬喻kā in講：「Chheⁿ-mê ê人kám會kā chheⁿ-mê-ê chhōa路？Kám bē兩個 人lóng跋 落坑 溝？40學 生bē-tàng贏 過老師，m̄-koh學 生若學有起，就會親 像伊ê老師。」41「祢ná會kan-tāⁿ看tio̍h兄弟目 睭 內ê鋸屑灰，亦無注意tio̍h你家己目 睭 內ê柴 箍？42 Á是你本 身無 看 見家己目 睭 內ê柴 箍，ná ē-tàng kā你ê兄弟講：『兄弟 姊 妹ah，你目 睭 內ê鋸屑灰hō͘我kā伊the̍h出 來』？假好ê人ah，tio̍h先kā你家己目 睭 內ê柴 箍the̍h出 來，chiah ē-tàng看清 楚，thang kā你兄弟目 睭 內ê鋸屑灰the̍h出 來。」
樹Kah果 子 (太7：16-20；12：33-35)
43因為好 樹bē結pháiⁿ果 子，pháiⁿ樹mā bē結好果 子。44看 果 子就ē-tàng知hit叢樹ê好pháiⁿ。Bē-tàng tùi刺帕內挽無花果，mā bē-tàng tùi刺á藤挽葡萄。45好 人對伊ê心所 積 聚ê好，來 發 出好；pháiⁿ人對伊所 積 聚ê pháiⁿ，來 發 出pháiⁿ，因為人心 內充 滿啥 物，嘴就會講 出啥 物。」
兩 種地基 (太7：24~27)
46 Lín ná會稱 呼我，『主ah，主ah，』卻無 照我ê教示去 做？47來我chia，聽我ê話koh照我ê話去 做ê人，我報lín知hit款人親 像啥 物。48伊親 像人teh起 厝，掘hō͘伊深，kā地基hē tī石 磐 頂，大 水一下到，溪 流沖tio̍h厝，厝mā bē搖動，因為厝起 了真 堅 固。49 M̄-koh聽 了無去做ê人，是親 像人起 厝tī土 頂，無hē地基，hō͘溪 流沖tio̍h，就 隨時倒落去，hit間厝ē倒kah真 傷 重。」
|
|
|
轉寄