巴克禮普世版（試讀本） 啟示錄第十七章
大淫婦
1 Hiah-ê the̍h七 塊碗ê七個天使，其 中一個來kah我講 話，講：「來，我beh hō͘你 看hit-ê大淫婦，就是起 造tī真chē條河hit-ê大 城 市所tio̍h受ê審 判。2地 上ê君 王bat kah她行 淫，地 上ê住 民已經mā bat lim她淫 亂ê酒lim kah酒 醉。3我受 聖 神感 動，hō͘天使chhōa去 曠 野。我有看tio̍h一個cha-bó͘人，騎一 隻朱 紅 色koh是充 滿褻 瀆名 號ê猛 獸；hit隻猛 獸有七個頭，十 支 角。4 Cha-bó͘人穿紫 色kah朱 紅 色ê衫，kui身 軀妝kah lóng是金、寶 石kah珍 珠，手 裡phâng金 杯，貯滿chiah-ê可惡ê物kah淫 亂ê污穢。5她ê頭 額寫一個有隱密意思ê名，就是「大巴比倫，地 上ê淫婦kah可惡ê物ê老母。」6我 看tio̍h一個cha-bó͘人，teh lim信徒kah為tio̍h耶穌做 見 證來殉 教ê人ê血，lim到 醉；我 看tio̍h她ê時，就 大tio̍h驚。7 Hit-ê天使kā我 講：「你án怎teh tio̍h驚？我beh將chit-ê cha-bó͘人，kah她所 騎hit隻有七個 頭 殼kah十 支 角ê猛 獸ê祕密kā你講。8你所 看tio̍h hit隻猛 獸，khah早有teh活，chit-má無teh活，teh-beh koh tùi無 底 深 坑起來，去受最 後ê滅 亡。地 上hiah-ê tùi創 世以來名無記tī活 命 冊ê人，看tio̍h hit隻猛 獸會tio̍h驚，因為chit隻猛 獸khah早有teh活，chit-má無teh活，將 來會koh再出 現。9「對chit點需要用智慧來理解，hit七個 頭 殼就是cha-bó͘人所坐ê七座 山，mā是七個 王。10其 中五個已經倒落去，一個現 在iáu存 在，另 外一個iáu未 到，伊若到，mā是註 定暫 時存 在。11 Hit-ê khah早有teh活，chit-má無teh活ê猛 獸，就是第八個王，mā是hit七個 王中 間ê一個，伊mā tio̍h去受毀 滅。12「你所 看tio̍h ê十 支 角，就是hit十個iáu m̄-bat統 治ê君 王，m̄-koh in會得tio̍h王 權，來kah hit隻猛 獸做伙統 治一 點 鐘久。13 Chit十個 王lóng同意將家己ê才 能kah權 柄，交hō͘ hit隻猛 獸。14 In beh kah羊羔交 戰，羊羔會戰 贏，因為祂是萬 主ê主，萬 王ê王。Kah祂做伙hiah-ê受 呼 召，受 揀 選ê忠 實信徒，mā會得 勝。」15 Hit-ê天使koh kā我 講：「你所 看tio̍h hit-ê淫婦teh坐ê河流，就是指ta̍k-ê民 族，ta̍k-ê群 眾，ta̍k-ê邦 國kah ta̍k種語 言ê人。16你所 看tio̍h hit十 支 角kah hit隻猛 獸，會怨 恨hit-ê淫婦，mā會搶 奪她ê財 物hō͘她thǹg-pak-theh，koh會食她ê肉，用 火kā她燒 滅。17因為上 主hō͘ hit十個 王ê心 內有chit種ê意念，來實 行祂ê旨意，hō͘ in同 心將in ê國交hō͘猛 獸，直到上 主ê話應 驗。18你所 看tio̍h hit-ê cha-bó͘人，就是teh掌 管地 上hiah-ê君 王ê hit座大 城。」
|
|
|
轉寄