巴克禮普世版（試讀本） 哥林多前書第十四章
聖 神ê恩賜
1 Tio̍h追求疼 心，mā tio̍h渴 望靈 性ê恩賜，尤其是傳 福 音ê恩賜。2講各 種靈語ê人m̄是teh對 人講，是teh對上 主講，因為無 人聽有，m̄-koh伊有teh講靈 性ê奧妙。3 總 是hiah-ê傳 福 音ê人是teh對 人講，來kā人造 就，勸 勉kah安慰。4講靈語ê人是teh造就家己，傳 福 音ê人是teh造 就教 會。5我真ài lín ta̍k人lóng會講奇妙ê音語，m̄-koh koh-khah ài lín會傳 福 音，因為講靈語若無翻 譯就bē-tàng造 就教 會，án-ne傳 福 音ê人比講靈語khah要緊。6所以兄弟 姊 妹ah，我 去lín hia，若kan-taⁿ講靈語，無傳 講上 主ê啟示á是智識，á是信息，á是教示，án-ne對有甚 麼利益？7 Hiah-ê無活 命ê樂 器，親 像洞 簫á是琴，若無發 出高 低ê音，人ná會知是teh奏甚 麼？8哨 角ê聲若無準 確ê音，人ná會知thang準 備交 戰？9親 像án-ne，lín所 講ê靈語意思若無清 楚，人ná會知lín teh講甚 麼？Án-ne lín bē輸teh對空 氣講 話。10世間有真chē種ê音語，ta̍k-ê lóng有意思。11我若m̄-bat hit種音語，講ê人會kā我當 做是外 國 人，我mā會kā伊當 做是外 國 人。12 Án-ne lín既然熱 心teh追求靈 性ê恩賜，tio̍h koh-khah出 力追求ē-tàng造 就教 會ê恩賜。13所以講靈語ê人，tio̍h祈求ē-tàng解 說ê能 力。14我若用靈語祈禱，he是我ê靈teh祈禱，m̄-koh我ê理智無發 生作 用。15 Án-ne我tio̍h án怎做？我beh用 心 靈祈禱，mā beh用理智祈禱；我beh用 心 靈吟詩，mā beh用理智吟詩。16 Lín若kan-taⁿ用 心 靈感 謝，hiah-ê會 眾m̄知你teh講甚 麼，伊ná會對你ê感 謝來 講：「阿們」？17你ê感 謝是好，m̄-koh無hō͘人得tio̍h造 就。18我感 謝上 主ê時，講靈語比lín大家khah chē。19 M̄-koh tī教 會 中，我寧 可講五句hō͘人聽有thang教示人ê話，mā無ài講一 萬句ê靈語。20兄弟 姊 妹ah，lín想tāi-chì m̄-thang親 像gín-á。做pháiⁿ tāi-chì tio̍h親 像嬰á，想tāi-chì tio̍h親 像大人。21律 法有記載：主講：我beh用講外 國話ê人，用異 邦 人ê嘴 唇，對我ê子 民講 話，m̄-koh in猶 原m̄聽。(註：賽28：11-12) 22 Án-ne講靈語ê恩賜m̄是beh hō͘信徒，是beh hō͘無信ê人做記號，m̄-koh傳 福 音ê恩賜m̄是beh hō͘無信ê人，是beh hō͘信徒做記號。23全 教 會聚 會ê時若lóng講靈語，無了 解靈語ê人á是無信ê人入來，kám bē講lín是teh起 痟？24大家若lóng teh傳 福 音，有無信á是無了 解靈語ê人入來，聽tio̍h hiah-ê話就會曉悟家己ê罪，25心 內ê祕密就會顯 露出 來，會仆 落去敬 拜上 主，講：「上 主真 正tī lín中 間！」
教 會ê秩序
26兄弟 姊 妹ah，án-ne tio̍h án怎？Lín聚 會ê時，有人唱聖 詩，有人教示，有人宣 講上 主ê啟示，有人講靈語，有人做翻 譯。Ta̍k項tāi-chì lóng tio̍h為tio̍h造 就教 會來做。27若有人beh講靈語，tio̍h限 定兩個，siōng-chē三個，mā tio̍h照次 序輪流講：koh tio̍h有人來翻 譯。28若無 人thang翻 譯，in tio̍h恬 恬，kan-taⁿ對家己kah對上 主講to̍h好。29 Tio̍h hō͘兩個á是三個來 傳 講上 主ê信息，其他ê人tio̍h省 察hiah-ê信息。30若在 座有人得tio̍h上 主ê啟示，hit-ê teh講ê人tio̍h停 止講 話。31因為lín ta̍k人lóng thang輪流 傳講上 主ê信息，thang做伙學 習，互 相勉勵。32宣 講上 主信息ê人，tio̍h ài會曉約 束家己ê恩賜，33因為上 主m̄是無秩序ê上 主，是ài咱和諧ê上 主。Kah所有上 主子 民ê教 會仝 款，34 cha-bó͘人tī教 會中tio̍h恬 恬，m̄-thang發 言。猶 太 人ê律 法mā規 定in tio̍h順 服。35 In若ài beh學 習甚 麼，tio̍h tī家內問家己ê丈 夫，因為cha-bó͘人tī教 會 中講 話真無適 合。36上 主ê道理kám是對lín來.ê？á是kan-taⁿ傳hō͘ lín？37若有人想 講家己是傳 講上 主信息ê人，á是靈 性ê人，應 該tio̍h知我teh寫hō͘ lín ê是主ê命 令。38若有人無kā chit-ê tāi-chì看 做要緊，lín mā m̄免kā chit-ê人看 做要緊。39所以我ê兄弟 姊 妹ah，tio̍h迫 切追求傳 講上 主信息ê恩賜，mā m̄-thang禁 止人講靈語。40 Ta̍k項tāi-chì tio̍h照秩序規規矩矩來做。
|
|
|
轉寄