巴克禮普世版（試讀本） 哥林多前書第十一章
Lín tio̍h學我，親 像我學基督。
罩頭 巾ê規 定
2我tio̍h kā lín o-ló，因為lín不時會記得我，koh遵 守我傳hō͘ lín ê教示。3 M̄-koh我ài lín明 白，基督是所有cha-po͘人ê頭，cha-po͘人是cha-bó͘人ê頭，上 主是基督ê頭。4 Cha-po͘人tī公 共 場 所祈禱á是傳 福 音ê時，若罩頭 巾就侮 辱伊ê頭基督。5 M̄-koh cha-bó͘人tī祈禱á是傳 福 音ê時，無罩頭 巾就侮 辱她家己ê頭，就是她ê丈 夫，因為chit款ê cha-bó͘人kah頭 毛hō͘人剃起來ê cha-bó͘人仝 款。6 Cha-bó͘人若無罩頭 巾，頭 毛tio̍h剪起來。既然kā剪頭 毛á是剃頭 毛看 做見 笑，就tio̍h罩頭 巾khah好。7 Cha-po͘人無應 該罩頭 巾，因為伊是上 主ê形 象kah榮 光，m̄-koh cha-bó͘人是cha-po͘人ê榮 光。8因為cha-po͘人m̄是tùi cha-bó͘人造出 來，m̄-koh cha-bó͘人是tùi cha-po͘人造出 來.ê。9 Cha-po͘人m̄是為tio̍h cha-bó͘人chiah創 造，cha-bó͘人是為tio̍h cha-po͘人來 創 造.ê。10所以cha-bó͘人ê頭tio̍h罩頭 巾，來表示對權 威屈 服ê記號，mā是為tio̍h敬 畏天使ê緣故。11 M̄-koh tī主ê內面，cha-po͘人需要cha-bó͘人，cha-bó͘人mā需要cha-po͘人。12因為cha-bó͘人是tùi cha-po͘人造出 來.ê，cha-po͘人mā是tùi cha-bó͘人 生ê，m̄-koh萬 物lóng是tùi上 主造出 來.ê。13 Lín tio̍h家己判 斷：cha-bó͘人無罩頭 巾來對上 主祈禱，kám有適 合？14照人本 性，留長 頭 毛是cha-po͘人ê見 笑。15 M̄-koh cha-bó͘人lâu長 頭 毛是伊ê榮 光，因為長 頭 毛thang做她ê遮帕。16若有人想beh辯 駁，我只有ē-tàng講：kan-taⁿ tī阮kah上 主ê教 會有chit款規矩。
主ê晚 餐
17 Taⁿ我beh kā lín指示下面chiah-ê話，m̄是kā lín o-ló，因為lín ê聚 會實 在是有損無益。18第一，我聽 講lín聚 會ê時有結 黨 分 派，我相 信有一部 分是事實。19 Lín中 間免 不 了有無 仝ê意見，án-ne chiah看會 出啥 人ê意見khah正 確。20 Lín聚 會ê時，並m̄是teh食主ê晚 餐。21因為lín ta̍k人趕 緊食 家己帶來ê物，結 果有人腹肚iau，有人酒 醉。22 Lín tòa厝 裡kám bē-tàng lim食？Lín是teh看 輕上 主ê教 會，mā beh hō͘無thang lim食ê人見 笑是無？我tio̍h對lín án怎講？對chit項tāi-chì，我無beh kā lín o-ló。23我tùi主所領受.ê，我mā傳hō͘ lín，就是主耶穌hō͘人出 賣hit暝有the̍h餅，24感 謝上 主了 後kā餅peh開，講：「Chit-ê是我ê身 軀，為tio̍h lín犧 牲ê，lín tio̍h照án-ne來記 念我。」25食了 後koh捧 杯，講：「Chit-ê杯是新ê約，用我ê血設立ê，lín ta̍k-pái lim ê時，tio̍h照án-ne來記 念我。」26 Án-ne lín ta̍k-pái食chit-ê餅，lim chit-ê杯，是teh表 明主ê死，直到祂koh再 臨。27所以若無用 敬 虔ê心來 食主ê餅，lim主ê杯，是無合宜.ê，是teh褻 瀆主ê身 軀kah血。28 Ta̍k人tio̍h省 察家己，chiah thang食chit-ê餅，lim chit-ê杯。29人若無清 楚食 餅lim杯kah主身 軀ê關 係，食chit-ê餅lim chit-ê杯，就是家己teh惹來 審 判。30因為án-ne，lín chiah會真chē人衰lám kah破 病，mā bē少人死去。31咱若先省 察家己，就bē致到受 審 判。32 M̄-koh咱受主審 判是teh hō͘主kā咱警 戒，chiah m̄免kah世 間 人做伙受 定 罪。33所以，我ê兄弟 姊 妹ah，lín聚 集beh食主ê晚 餐ê時，tio̍h互 相thèng候。34若有人iau，tio̍h tī厝 裡先食，chiah免聚 會soah變 做受 上 主審 判。其他ê tāi-chì，等我 去lín hia ê時chiah來 解 決。
|
|
|
轉寄