《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多前書第一章

作者 巴克禮普世版小組 2015.01.04

請 安(chhéng-an)Kah感 謝(kám-siā)
1我是(góa sī)保羅(pó-lô)，奉(hōng)上 主(siōng-chú)ê旨意(chí-ì)受 召(siū tiàu)，做(chò)耶穌基督(iâ-so͘ ki-tok)ê使徒(sù-tô͘)。我(góa)kah兄弟(hiaⁿ-tī)Só͘-thê-nî，2寫(siá)phoe hō͘ tī哥林多(ko-lîm-to)上 主(siōng-chú)ê教 會(kàu-hōe)，就是(chiū-sī)hiah-ê tī基督耶穌(ki-tok iâ-so͘)成 聖(chiâⁿ-sèng)，受 召(siū tiàu)成 做(chiâⁿ-chò)信徒(sìn-tô͘)，以及(í-ki̍p)ta̍k所 在(só͘-chāi)求叫(kiû-kiò)咱(lán)ê主(chú)耶穌基督(iâ-so͘ ki-tok)ê名(miâ)ê人(lâng)。基督(ki-tok)是(sī)in ê主(chú)，mā是咱(sī lán)ê主(chú)。3願(goān)lín tùi咱(lán)ê天父(thiⁿ-pē)上 主(siōng-chú)kah主(chú)耶穌基督(iâ-so͘ ki-tok)得(tit)tio̍h恩 典(un-tián)kah平 安(pêng-an)。

Tī基督(ki-tok)裡(ni̍h)ê祝 福(chiok-hok)
4我(góa)常 常(siông-siông)替(thè)lín感 謝(kám-siā)我(góa)ê上 主(siōng-chú)，是(sī)為(ūi)tio̍h上 主(siōng-chú)ê恩 典(un-tián)，有 通 過(ū thong-kòe)耶穌基督(iâ-so͘ ki-tok)賞賜(siúⁿ-sù)hō͘ lín。5就(chiū)án-ne，lín ta̍k項(hāng)通 過(thong-kòe)基督(ki-tok)得(tit)tio̍h富 足(hù-chiok)，充 滿(chhiong-móa)ta̍k項(hāng)ê口 才(kháu-châi)kah智識(tì-sek)。6基督(ki-tok)ê信息(sìn-sit)已經(í-keng)tī lín ê中 間(tiong-kan)，建 立(kiàn-li̍p)堅 固(kian-kò͘)ê基 礎(ki-chhó͘)，7 hō͘ lín teh thèng候(hāu)咱(lán)ê主(chú)耶穌基督(iâ-so͘ ki-tok)ê顯 現(hián-hiān)ê時(sî)，lóng無(bô)欠(khiàm)甚 麼(sím-mi̍h)恩賜(un-sù)。8祂(i)mā會(ē)hō͘ lín堅 固(kian-kò͘)，直到(ti̍t-kàu)咱(lán)ê主(chú)耶穌基督(iâ-so͘ ki-tok)再 臨(chài-lîm)ê日子(ji̍t-chí)，無(bô)thang hō͘人(lâng)嫌(hiâm)。9上 主(siōng-chú)是(sī)信實(sìn-si̍t)，祂(i)呼 召(ho͘-tiàu)lín來(lâi)kah祂(i)ê Kiáⁿ，咱(lán)ê主(chú)耶穌基督(iâ-so͘ ki-tok)結 聯(kiat-liân)。

教 會(kàu-hōe)ê紛 爭(hun-cheng)
10兄弟 姊 妹(hiaⁿ-tī chí-mōe)ah，taⁿ我(góa)奉(hōng)咱(lán)ê主(chú)耶穌基督(iâ-so͘ ki-tok)ê名(miâ)勸(khǹg)lín，講 話(kóng-ōe)tio̍h一致(it-tì)，m̄-thang有(ū)紛 爭(hun-cheng)，tio̍h一心一意(it-sim it-ì)抱(phō)仝 款(kāng-khoán)ê目 標(bo̍k-piau)來(lâi)團 結(thoân-kiat)。11親 愛(chhin-ài)ê兄弟 姊 妹(hiaⁿ-tī chí-mōe)，Kek-lâi家內(ke-lāi)ê人(lâng)bat kā我 講(góa kóng)，lín中 間(tiong-kan)有(ū)紛 爭(hun-cheng)。12我(góa)ê意思(ì-sù)是 講(sī kóng)lín ta̍k人有(lâng ū)無 仝 款(bô kāng-khoán)ê講 法(kóng-hoat)。有(ū)ê講(kóng)：「我(góa)屬(sio̍k)保羅(pó-lô)」；有(ū)ê講(kóng)：「我(góa)屬(sio̍k)亞波羅(a-pho-lô)」；有(ū)ê講(kóng)：「我(góa)屬(sio̍k)彼得(pí-tek)」，koh有(ū)ê講(kóng)：「我(góa)屬 基督(sio̍k ki-tok)」。13基督(ki-tok)kám有(ū)hō͘人(lâng)分 開(pun-khui)？保羅(pó-lô)kám替(thè)lín釘(tèng)十字架(si̍p-jī-kè)？Lín kám奉(hōng)保羅(pó-lô)ê名(miâ)領(niá)受洗禮(siū sé-lé)？14感 謝(kám-siā)上 主(siōng-chú)，Kek-lí-sū-pò͘ kah Ka-iû以外(í-gōa)，我(góa)m̄-bat kā lín中 間(tiong-kan)任 何 人(jīm-ho lâng)洗禮(sé-lé)。15所以(só͘-í)無 人(bô-lâng)ē-tàng講(kóng)：lín有 奉(ū hōng)我(góa)ê名(miâ)領(niá)受洗禮(siū sé-lé)。16 Tio̍h lah，我(góa)mā有(ū)kā Su-thê-hoán-à一 家(chi̍t-ke)ê人(lâng)洗禮(sé-lé)，其他(kî-tha)有(ū)kā別 人(pa̍t-lâng)洗禮(sé-lé)á無(bô)，我(góa)卻(khiok)bē記得(kì-tit)à。17基督(ki-tok)無(bô)差 派(chhe-phài)我(góa)kā人(lâng)洗禮(sé-lé)，是(sī)beh來(lâi)傳 福 音(thoân hok-im)。我無(góa bô)用智慧(ēng tì-hūi)ê言 詞(giân-sû)傳(thoân)，chiah免(bián)hō͘基督(ki-tok)ê十字架(si̍p-jī-kè)失去(sit-khì)意義(ì-gī)。

基督(ki-tok)是(sī)上 主(siōng-chú)ê大 能(tōa-lêng)Kah智慧(tì-hūi)
18十字架(si̍p-jī-kè)ê道理(tō-lí)，hiah-ê沈 淪(tîm-lûn)ê人(lâng)看 做(khòaⁿ-chò)愚 戇(gû-gōng)，m̄-koh咱(lán)chiah-ê得救(tit-kiù)ê人(lâng)，看 做(khòaⁿ-chò)是(sī)上 主(siōng-chú)ê大 能(tōa-lêng)。19因為(in-ūi)聖 經(sèng-keng)有記載(ū kì-chài)：我(góa)beh消 滅(siau-bia̍t)智慧(tì-hūi)ê人(lâng)ê智慧(tì-hūi)，Mā beh棄(khì)sak聰 明(chhong-bêng)ê人(lâng)ê聰 明(chhong-bêng)。(註(chù)：賽29：14) 20 Án-ne智慧(tì-hūi)ê人(lâng)tī tó位(ūi)？經 學 教 師(keng-ha̍k kàu-su)tī tó位(ūi)？Chit世間(sè-kan)好 辯 論(hò͘ⁿ piān-lūn)ê人(lâng)tī tó位(ūi)？上 主(siōng-chú)kám m̄是(sī)已經(í-keng)hō͘世間(sè-kan)ê智慧(tì-hūi)變 做(piàn-chò)愚 戇(gû-gōng)？21既然(kì-jiân)世間(sè-kan)bē-tàng用(ēng)in ê智慧(tì-hūi)來認(lâi jīn)bat上 主(siōng-chú)，上 主(siōng-chú)就 用(chiū ēng)祂(i)家己(ka-kī)ê智慧(tì-hūi)，歡 喜(hoaⁿ-hí)使用(sú-iōng)阮(goán)所 傳(só͘ thoân)ê愚 戇(gû-gōng)ê信息(sìn-sit)，來拯 救(lâi chín-kiù)hiah-ê信(sìn)ê人(lâng)。22猶 太 人(iû-thài-lâng)求神 跡(kiû sîn-jiah)，希 臘 人(hi-lia̍p-lâng)chhōe智慧(tì-hūi)。23 M̄-koh阮(goán)傳(thoân)受 釘(siū-tèng)十字架(si̍p-jī-kè)ê基督(ki-tok)。Chit-ê信息(sìn-sit)對(tùi)猶 太 人(iû-thài-lâng)是(sī)阻 礙(chó͘-gāi)，對(tùi)外 邦 人(gōa-pang-lâng)來 講(lâi kóng)是(sī)愚 戇(gû-gōng)。24 對(tùi)上 主(siōng-chú)揀 召(kéng-tiàu)ê人(lâng)來 講(lâi kóng)：無論(bô-lūn)猶 太 人(iû-thài-lâng)á是(sī)希 臘 人(hi-lia̍p-lâng)，基督(ki-tok)就是(chiū-sī)上 主(siōng-chú)ê權 能(koân-lêng)，是(sī)上 主(siōng-chú)ê智慧(tì-hūi)。25因為(in-ūi)上 主(siōng-chú)ê愚 戇(gû-gōng)比(pí)人(lâng)khah有智慧(ū tì-hūi)，上 主(siōng-chú)ê軟 弱(loán-jio̍k)比(pí)人(lâng)khah勇 壯(ióng-chòng)。26兄弟 姊 妹(hiaⁿ-tī chí-mōe)ah，tio̍h會記得(ē-kì-tit)lín受 召(siū tiàu)ê時(sî)，照(chiàu)世間(sè-kan)一 般(chi̍t-poaⁿ)ê標 準(phiau-chún)，lín無(bô)幾(kúi)個人(kò-jîn)有智慧(ū tì-hūi)，無(bô)幾(kúi)個人(kò-jîn)有能 力(ū lêng-le̍k)，無(bô)幾(kúi)個人(kò-jîn)屬(sio̍k)上 流(siōng-liû)階級(kai-kip)。27 M̄-koh上 主(siōng-chú)用(ēng)世 間 人(sè-kan-lâng)看 做(khòaⁿ-chò)戇(gōng)ê tāi-chì，來(lâi)hō͘智慧(tì-hūi)ê人(lâng)見 笑(kiàn-siàu)。上 主(siōng-chú)mā用(ēng)世 間 人(sè-kan-lâng)看 做(khòaⁿ-chò)軟 弱(loán-jio̍k)ê tāi-chì，來(lâi)hō͘勇 壯(ióng-chòng)ê人(lâng)見 笑(kiàn-siàu)。28上 主(siōng-chú)mā用(ēng)世 間 人(sè-kan-lâng)所(só͘)輕視(khin-sī)，hō͘人(lâng)看(khòaⁿ)bē起(khí)á是(sī)無路用(bô-lō͘-ēng)ê tāi-chì，來 破 壞(lâi phò-hoāi)人(lâng)所(só͘)看 重(khòaⁿ-tiōng)ê tāi-chì。29 Án-ne世 間 人(sè-kan-lâng)，就(chiū)無 人(bô-lâng)ē-tàng tī上 主(siōng-chú)ê面 前(bīn-chêng)誇 口(khoa-kháu)。30上 主(siōng-chú)hō͘ lín kah基督耶穌(ki-tok iâ-so͘)結 聯(kiat-liân)，hō͘基督(ki-tok)成 做(chiâⁿ-chò)咱(lán)tùi上 主(siōng-chú)來(lâi)ê智慧(tì-hūi)，koh hō͘咱(lán)kah上 主(siōng-chú)和好(hô-hó)，成 做(chiâⁿ-chò)上 主(siōng-chú)聖 潔(sèng-kiat)ê子 民(chú-bîn)，又(iū)koh hō͘咱(lán)得(tit)tio̍h救 贖(kiù-sio̍k)。31所以(só͘-í)照(chiàu)聖 經(sèng-keng)所記載(só͘ kì-chài)：Ài-beh誇 口(khoa-kháu)ê人(lâng)，tio̍h用(ēng)主(chú)來 誇 口(lâi khoa-kháu)。(註(chù)：耶9：24)