《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 使徒行傳第十九章

作者 巴克禮普世版小組 2014.07.06

保羅(pó-lô)Tī以弗所(í-hut-só͘)
1亞波羅(a-pho-lô)tī哥林多(ko-lîm-to)ê時(sî)，保羅(pó-lô)經 過(keng-kòe)內 陸(lāi-lio̍k)ê地區(tē-khu)，來到(lâi-kàu)以弗所(í-hut-só͘)，tī hia tú-tio̍h幾(kúi)nā個(ê)門徒(bûn-tô͘)。2保羅(pó-lô)問(mn̄g)in，講(kóng)：「Lín信 主(sìn-chú)ê時(sî)kám有(ū)領受(niá-siū) 聖 神(sèng-sîn)？」In應 講(ìn-kóng)：「阮(goán)到(kàu)taⁿ lóng m̄-bat聽 過(thiaⁿ-kòe)有聖 神(ū sèng-sîn)ê tāi-chì。」3保羅(pó-lô)koh問 講(mn̄g kóng)：「Án-ne lín領受(niá-siū)甚 麼 款(sím-mi̍h-khoán)ê洗禮(sé-lé)？」In就 講(chiū kóng)：「約 翰(iok-hān)ê洗禮(sé-lé)。」4保羅(pó-lô)講(kóng)：「約 翰(iok-hān)行(kiâⁿ)悔 改(hóe-kái)ê洗禮(sé-lé)，伊(i)叫(kiò)以色列 人(í-sek-lia̍t-lâng)tio̍h信(sìn)tòe伊(i)後面(āu-bīn)來(lâi)ê Hit位(ūi)，就是(chiū-sī)tio̍h信(sìn)耶穌(iâ-so͘)。」5 Hiah-ê人(lâng)聽(thiaⁿ)tio̍h，就(chiū)奉(hōng)主耶穌(chú iâ-so͘)ê名(miâ)領(niá)受洗禮(siū sé-lé)。6保羅(pó-lô)kā in hōaⁿ手(chhiú)，聖 神(sèng-sîn)就(chiū)臨 到(lîm-kàu)tī in身 上(sin-chiūⁿ)，in隨時(sûi-sî)講(kóng)奇妙(kî-biāu)腔 口(khiuⁿ-kháu)，koh宣 講(soan-káng)上 主(siōng-chú)ê信息(sìn-sit)。7總 共(chóng-kiōng)差 不多(chha-put-to)有(ū)十二個(cha̍p-jī-ê)人(lâng)。8保羅(pó-lô)連 續(liân-sio̍k)三(saⁿ)月 日(goe̍h-ji̍t)久(kú)，入去(ji̍p-khì)會 堂(hōe-tn̂g)好膽(hó-táⁿ)傳 道(thoân-tō)，kah人(lâng)辯 論(piān-lūn)上 主 國 度(siōng-chú kok-tō͘)ê tāi-chì，來 苦 勸(lâi khó͘-khǹg)人(lâng)信 主(sìn-chú)。9 M̄-koh有(ū)一(chi̍t)kóa人(lâng)固 執(kò͘-chi̍p)m̄信(sìn)，tī群 眾(kûn-chiòng)ê面 前(bīn-chêng)褻 瀆(siat-to̍k)主(chú)ê道路(tō-lō͘)。保羅(pó-lô)就(chiū)chhōa門徒(bûn-tô͘)離開(lī-khui)in，ta̍k日(ji̍t)tī Chhui-lat-lô͘ ê講 堂( káng-tn̂g)kah人(lâng)辯 論(piān-lūn)。10 Án-ne繼 續(kè-sio̍k)兩(nn̄g)年久(nî-kú)，hō͘所有(só͘-ū)tòa tī亞西亞(a-se-a)省(séng)ê人(lâng)，無論(bô-lūn)猶 太 人(iû-thài-lâng)á是(sī)希 臘 人(hi-lia̍p-lâng)，lóng有聽(ū thiaⁿ)tio̍h主(chú)ê道理(tō-lí)。

士基瓦(sū-ki-óa)ê Kiáⁿ
11上 主(siōng-chú)用(ēng)保羅(pó-lô)ê手(chhiú)，行(kiâⁿ)非 常(hui-siông)稀罕(hi-hán)ê神 跡(sîn-jiah)。12甚 至(sīm-chì)有人(ū lâng)the̍h保羅(pó-lô)用 過(ēng-kòe)ê手 巾(chhiú-kin)á á是(sī)圍(ûi)su裙(kûn)，hē tī病 人(pēⁿ-lâng)ê身 上(sin-chiūⁿ)，in ê病(pēⁿ)就(chiū)好去(hó-khì)，邪神(siâ-sîn)mā tùi in身 上(sin-chiūⁿ)出 去(chhut-khì)。13 Hit時(sî)，有(ū)幾(kúi)nā個(ê)行(kiâⁿ)江 湖(kang-ô͘)teh趕 鬼(kóaⁿ-kúi)ê猶 太 人(iû-thài-lâng)，mā想(siūⁿ)beh借(chioh)主耶穌(chú iâ-so͘)ê名(miâ)，對(tùi)hiah-ê hō͘邪神(siâ-sîn)附身(hū-sin)ê人(lâng)，講(kóng)：「我(góa)奉(hōng)保羅(pó-lô)所 傳(só͘ thoân)耶穌(iâ-so͘)ê名(miâ)，命 令(bēng-lēng)你(lí)tùi hit人(lâng)ê身 軀(seng-khu)出 去(chhut-khì)！」14猶太(iû-thài)ê祭司長(chè-si-tiúⁿ)士基瓦(sū-ki-óa)ê七個(chhit-ê)kiáⁿ，mā teh做(chò)chit款(khoán)tāi-chì。15 M̄-koh hit-ê邪神(siâ-sîn)應 講(ìn-kóng)：「耶穌(iâ-so͘)我(góa)bat，保羅(pó-lô)我(góa)m̄-bat。Lín leh，lín是(sī)甚 麼 人(sím-mi̍h lâng)？」16 Hit-ê hō͘邪神(siâ-sîn)附身(hū-sin)ê人(lâng)，就(chiū)óa去(khì)攻 擊(kong-kek)hiah-ê行(kiâⁿ)江 湖(kang-ô͘)ê人(lâng)，kā in制 服(chè-ho̍k)，hō͘ in tio̍h傷(siong)，thǹg-pak-theh tùi hit間(keng)厝(chhù)逃 走(tô-cháu)。17 Tòa tī以弗所(í-hut-só͘)ê猶 太 人(iû-thài-lâng)kah希 臘 人(hi-lia̍p-lâng)聽(thiaⁿ)tio̍h chit項(hāng)tāi-chì lóng tio̍h驚(kiaⁿ)。主耶穌(chú iâ-so͘)ê名(miâ)就(chiū)án-ne大 大(tōa-tōa)受 尊 重(siū chun-tiōng)。18有真(ū chin)chē已經(í-keng)信(sìn)ê人(lâng)出(chhut)來 公 開(lâi kong-khai)承 認(sêng-jīn)，koh講 起(kóng-khí)in過 去(kòe-khì)所做(só͘ chò)ê tāi-chì。19 Mā有真(ū chin)chē行 邪術(kiâⁿ siâ-su̍t)ê人(lâng)，the̍h in ê冊(chheh)來(lâi)khǹg做(chò)伙(hóe)，tī群 眾(kûn-chiòng)ê面 前(bīn-chêng)放 火 燒(pàng-hóe sio)。In計算(kè-sǹg)hiah-ê冊(chheh)ê價值(kè-ta̍t)，差 不多(chha-put-to)有(ū)五萬個(gō͘-bān-ê)銀幣(gîn-pè)。20親 像(chhin-chhiūⁿ)án-ne，主(chú)ê道理(tō-lí)一直(it-ti̍t)傳 開(thoân-khui)，大 大(tōa-tōa)興 旺(heng-ōng)起來(khí-lâi)。

Tī以弗所(í-hut-só͘)ê暴 動(pō-tōng)
21 Chiah-ê tāi-chì了 後(liáu-āu)，保羅(pó-lô)受 聖 神(siū sèng-sîn)ê指示(chí-sī)，決 定(koat-tēng)beh經 過(keng-kòe)馬其頓(má-kî-tùn)kah A-kai-a，去(khì)耶路撒 冷(iâ-lō͘-sat-léng)。伊(i)講(kóng)：「到(kàu)hia了 後(liáu-āu)，我(góa)mā tio̍h去 看(khì khòaⁿ)羅馬(lô-má)。」22伊(i)就 差(chiū chhe)兩個(nn̄g-ê)助 手(chō͘-chhiú)，提摩 太(thê-mô͘-thài)kah Í-lah-to͘去(khì)馬其頓(má-kî-tùn)，伊(i)家己(ka-kī)暫 時(chiām-sî)留(lâu)tòa亞西亞(a-se-a)省(séng)。23 Hit時(sî)，為(ūi)tio̍h主(chú)ê道(tō)，tī以弗所(í-hut-só͘)有引起(ū ín-khí)嚴 重(giâm-tiōng)ê擾 亂(jiáu-loān)。24有一個(ū chi̍t-ê)名 叫(miâ-kiò)低米丟(tí-bí-tiui)ê phah銀(gîn)師傅(sai-hū)，伊(i)用(ēng)銀(gîn)做(chò)A-tí-bí女神廟(lú-sîn-biō)ê模 型(bô͘-hêng)，伊(i)hō͘ hiah-ê師傅(sai-hū)thàn bē少(chió)錢(chîⁿ)。25低米丟(tí-bí-tiui)kā hiah-ê師傅(sai-hū)kah所有(só͘ ū)ê同 業(tông-gia̍p)聚 集(chū-chi̍p)óa來(lâi)，kā in講(kóng)：「各位(kok-ūi)，lín知(chai)咱是(lán sī)óa靠(khò)chit-ê手 藝(chhiú-gē)teh thàn錢(chîⁿ)。26 Taⁿ chit-ê保羅(pó-lô)，m̄-nā tī以弗所(í-hut-só͘)，mā tī差 不多(chha-put-to)全(choân)亞西亞(a-se-a)省(séng)，用(ēng)伊(i)ê講 道(káng-tō)來迷惑(lâi bê-he̍k)真(chin)chē人(lâng)，講(kóng)用(ēng)人(lâng)ê手(chhiú)所做(só͘ chò)ê lóng m̄是(sī)神 明(sîn-bêng)。這是(che sī)lín所 看(só͘ khòaⁿ)tio̍h，所聽(só͘ thiaⁿ)tio̍h-.ê。27 Án-ne落去(lo̍h-khì)，m̄-nā咱(lán)chit種(chióng)事 業(sū-gia̍p)會(ē)phah-pháiⁿ名 聲(miâ-siaⁿ)，hō͘人(lâng)危 險(gûi-hiám)hō͘人(lâng)看 輕(khòaⁿ-khin)，連(liân)大(tōa)女神(lú-sîn)A-tí-bí ê廟(biō)mā會(ē)hō͘人(lâng)看 輕(khòaⁿ-khin)。全(choân)亞西亞(a-se-a)省(séng)kah天下(thiⁿ-ē)所(só͘)拜(pài)ê A-tí-bí女神(lú-sîn)會失去(ē sit-khì)她(i)ê尊 嚴(chun-giâm)！」28群 眾(kûn-chiòng)一下 聽(chi̍t-ē thiaⁿ)tio̍h chiah-ê話(ōe)就(chiū)非 常(hui-siông)受氣(siū-khì)，大 聲(tōa-siaⁿ)hoah：「偉大(úi-tāi)ah！以弗所人(í-hut-só͘-lâng)ê A-tí-bí！」29全 城(choân siâⁿ)起 擾 亂(khí jiáu-loān)。眾 人(chèng-lâng)掠(lia̍h)tio̍h保羅(pó-lô)ê同 伴(tâng-phōaⁿ)，馬其頓(má-kî-tùn)Kai-iû kah A-lí-ta̍t-kó͘，kui陣(tīn)做 一下(chò-chi̍t-ē)kheh入去(ji̍p-khì)戲園(hì-hn̂g)。30保羅(pó-lô)想(siūⁿ)beh入去(ji̍p-khì)群 眾(kûn-chiòng)ê內面(lāi-bīn)，m̄-koh門徒(bûn-tô͘)kā伊(i)阻 擋(chó͘-tòng)。31亞西亞(a-se-a)省(séng)幾(kúi)nā個(ê)官 長(koaⁿ-tiúⁿ)，是(sī)保羅(pó-lô)ê朋 友(pêng-iú)，mā差 人(chhe lâng)來(lâi)勸(khǹg)保羅(pó-lô)m̄-thang冒 險(mō͘-hiám)入去(ji̍p-khì)戲園(hì-hn̂g)。32 Hit時(sî)，kui個(ê)會 場(hōe-tiûⁿ)亂(loān)chhau-chhau，一個 人(chi̍t-ê lâng)hoah一 款(chi̍t-khoán)，大 部 分(tōa-pō͘-hūn)ê人(lâng)m̄知(chai)in是(sī)án怎(chóaⁿ)teh聚 集(chū-chi̍p)。33群 眾(kûn-chiòng)中 間(tiong-kan)有人(ū lâng)kā擾 亂(jiáu-loān)ê責 任(chek-jīm)歸(kui)hō͘亞力山大(a-le̍k-san-tāi)，因為(in-ūi)猶 太 人(iû-thài-lâng)kā伊(i)sak去(khì)頭 前(thâu-chêng)。亞力山大(a-le̍k-san-tāi)比(pí)手 勢(chhiú-sè)叫(kiò)in安 靜(an-chēng)，想(siūⁿ)beh對(tùi)in辯 解(piān-kái)。34眾 人(chèng-lâng)一下(chi̍t-ē)認 出(jīn-chhut)伊是(i sī)猶 太 人(iû-thài-lâng)，就(chiū)齊 聲(chê-siaⁿ)hoah：「偉大(úi-tāi)ah！以弗所人(í-hut-só͘-lâng)ê A-tí-bí！」Án-ne一直(it-ti̍t)hoah，差 不多(chha-put-to)hoah兩(nn̄g)點 鐘(tiám-cheng)久(kú)。35城(siâⁿ)ê書記官(su-kì-koaⁿ)hō͘群 眾(kûn-chiòng)安 靜(an-chēng)了 後(liáu-āu)，就 講(chiū kóng)：「以弗所人(í-hut-só͘-lâng)ah，啥 人(siáⁿ-lâng)m̄知(chai)以弗所人(í-hut-só͘-lâng)ê城(siâⁿ)是(sī)大(tōa)A-tí-bí ê廟(biō)kah tùi天 頂(thiⁿ-téng)lak落來(lo̍h-lâi)hit塊(tè)聖 石(sèng-chio̍h)ê守護 者(siú-hō͘-chiá)？36既然(kì-jiân)無 人(bô-lâng)ē-tàng否認(hó͘ⁿ-jīn)chit項(hāng)tāi-chì，lín tio̍h安 靜(an-chēng)，m̄-thang chhóng-pōng。37何 況(hô-hòng)chiah-ê人(lâng)無(bô)偷(thau)the̍h廟內(biō-lāi)ê物(mi̍h)，mā無(bô)譭 謗(húi-pòng)咱(lán)ê女神(lú-sîn)，lín竟 然(kèng-jiân)拖(thoa)in來(lâi)chia。38低米丟(tí-bí-tiui)kah hiah-ê óa伊(i)ê師傅(sai-hū)若(nā)beh控 告(khòng-kò)，有(ū)開 庭(khui-têng)ê日期(ji̍t-kî)，mā有(ū)總 督(chóng-tok)，大家(tāi-ke)thang tòa hia相告(sio-kò)。39 Lín若(nā)iáu有(ū)別 項(pa̍t-hāng)tāi-chì，thang tī定期(tēng-kî)ê會議(hōe-gī)來 解 決(lâi kái-koat)。40今(kin)á日(ji̍t)所 發 生(só͘ hoat-seng)ê擾 亂(jiáu-loān)，恐 驚(khióng-kiaⁿ)bē免 得(bián-tit)hō͘人(lâng)查 問(cha-mn̄g)，koh講(kóng)咱(lán)mā無(bô)理由(lí-iû)thang辯 解(piān-kái)。」41講(kóng)soah，伊(i)就(chiū)宣 布(soan-pò͘)散 會(sòaⁿ-hōe)。