《大人囡a2詩》

 | | | 轉寄

Khui Chi-phiò...開支票

作者 Li KhinhoaN 2005.10.16

listen



Tōa-lâng khui chi-phiò
大人開支票
Chi̍t-tiuⁿ chi̍t-tiuⁿ bô pó-sioh
一張一張無保惜
Chhiam-miâ chhìn-chhái gín-á soān-jiō
簽名凊采囡仔 soān 尿
Khui hit-hō khang-thâu chi-phiò
開彼號空頭支票
Bô, to̍h it-ti̍t iân
無，to̍h 一直延
Lò-lò-tn̂g tek-ko-phiò
Lò-lò 長竹篙票
Gín-á bô chi-phiò
囡仔無支票
Chi̍t-kù ōe chi̍t-tiuⁿ phiò
一句話一張票
Chhian-bān m̄-thang ēng chhùi pàng-jiō
千萬 m̄-thang 用嘴放尿
M̄-thang chi̍t-kù ōe iáu sio-sio
M̄-thang 一句話 iáu 燒燒
To̍h koh hoán, m̄-kiaⁿ lâng chhiò
To̍h koh 反，m̄ 驚人笑
To̍h koh thoa, m̄-kiaⁿ lâng tiô
To̍h koh 拖，m̄ 驚人 tiô
Iū-koh thiàu-phiò! Iū-koh thiàu-phiò!
又 koh 跳票！又 koh 跳票！
Kā lí kái-miâ kiò
Kā 你改名叫
Kiò lí a-jiō
叫你阿尿
Oeh! A-jiō
喂！阿尿
--2003/4/29 Harvard